პოზიციის გამყარება ადგილობრივ დონეზე

თანამასპინძელთა ქსელის მიღმა ადამიანებთან დაკავშირება თანამასპინძლობის ბიზნესის გაფართოებაში დაგეხმარებათ. მასპინძლების თქვენთან სათანამშრომლოდ მოწვევით, შესაძლოა, მათი გაწევრიანებისთვის ფულადი ჯილდოებიც გერგოთ.

ადგილობრივ დონეზე პოზიციის გასამყარებლად გირჩევთ, მიმართოთ ონლაინმარკეტინგისა და პირადი ნაცნობობების კომბინაციას. გთავაზობთ რამდენიმე რჩევას:

• აცნობეთ ყველას, რომ ხელმისაწვდომი ხართ. გაუზიარეთ თქვენი პროფილი მეგობრებს, ოჯახის წევრებს, მეზობლებსა და თანამშრომლებს. შესთავაზეთ მათ დახმარება Airbnb‑ზე პერსპექტიული საცხოვრებლის განთავსებასა და სტუმრების მიღებაში.
• ითანამშრომლეთ თქვენს კონტრაქტორებთან. ჰკითხეთ დამლაგებლებს, ლანდშაფტის დიზაინერებსა და ტექნიკურ სპეციალისტებს, ხომ არ თანამშრომლობენ მასპინძლებთან, რომლებსაც დახმარება სჭირდებათ.
• დაესწარით ადგილობრივ და ვირტუალურ ღონისძიებებს. გააფართოვეთ თქვენი ქსელი — გააცანით საკუთარი მომსახურებები საცხოვრებლების მფლობელებს, მცირე ბიზნესის წარმომადგენლებსა და ტურიზმის სფეროს ლიდერებს. მზად იყავით, რამდენიმე წინადადებით აღწეროთ თქვენ მიერ შეთავაზებული მომსახურებები.

ჯიმი, თანამასპინძელი პალმ‑სპრინგზიდან (კალიფორნია, აშშ), ამბობს, რომ მასპინძლების პოვნა მან, ძირითადად, ადგილობრივების დახმარებით მოახერხა. მაგალითად, ორი ახალი ობიექტი ჯიმიმ აუზის მწმენდელის რჩევით აღმოაჩინა.

დაფიქრდით, იმ ამოცანებიდან, რომლებსაც სხვა თანამასპინძლები, დიდი ალბათობით, საკუთარ თავზე არ აიღებენ, რომელს შეასრულებდით. გთავაზობთ რამდენიმე რჩევას:

• გაამზადეთ საკონტროლო სია ახალბედა მასპინძლებისთვის. დააკვალიანეთ მასპინძლები საყოფაცხოვრებო პირობებთან, დასუფთავებასა და აუცილებლად მოსამარაგებელ საშუალებებთან დაკავშირებით.
• გაუზიარეთ სხვებს ფასდაკლებები. შესთავაზეთ მასპინძელს სხვადასხვა მომსახურების მომწოდებლის გაცნობა, თუ თქვენი შუამავლობით მას დაეზოგება თანხა ტექნიკურ მომსახურებაზე, ლანდშაფტის დიზაინზე, დეკორზე ან ავეჯზე.
• მოამზადეთ მისასალმებელი ნაკრები სტუმრებისთვის. მათ შეგიძლიათ დაახვედროთ ხელით დაწერილი წერილი, დელიკატესების პატარა კალათა და სტუმრის ცნობარის ბეჭდური ვერსია.
• შეადგინეთ გზამკვლევი სტუმრებისთვის. გამოიყენეთ ადგილობრივი ცოდნა, რომ დაეხმაროთ მასპინძლებს ახლომახლო რესტორნების, მაღაზიების, ღირსშესანიშნაობებისა და ღია ცის ქვეშ დასასვენებელი ადგილების სტუმრებისთვის რეკომენდებაში. დაამატეთ ეს ინფორმაცია განცხადებას და რეგულარულად განაახლეთ.

მასპინძლები სათანამშრომლოდ რომ მოიწვიოთ, მათთვის გასაწევრიანებელი ბმულის გაგზავნა შეგიძლიათ.

• შეეხეთ ქვემოთ მოცემულ ღილაკს, გასაწევრიანებლად მოწვევის გვერდზე რომ გადახვიდეთ. გაუზიარეთ მასპინძლებს თქვენი უნიკალური ბმული, რომელიც მათ თქვენს თანამასპინძლობის პროფილზე გადაამისამართებს.
• სთხოვეთ მასპინძლებს, მოგწერონ თქვენი პროფილიდან. ამის შემდეგ შეძლებთ მათთან დაკავშირებასა და თანამშრომლობის დაწყებას.
• შეეხმიანეთ მასპინძლებს. ადევნეთ თვალი მათ სტატუსს მართვის პანელის „მოთხოვნების“ ჩანართიდან.

როდესაც მასპინძლებთან კრიტერიუმების შესაბამისი პირველი სტუმრობა დასრულდება, შესაძლოა, გაწევრიანებისთვის ფულადი ჯილდოები გერგოთ. აღნიშნულის შესახებ დეტალური ინფორმაცია ხელმისაწვდომია გასაწევრიანებლად მოწვევის გვერდზე.

თანამასპინძელთა ქსელი ამჟამად ხელმისაწვდომია ავსტრალიაში, საფრანგეთში, გერმანიაში, იტალიაში, იაპონიაში, მექსიკაში, პუერტო‑რიკოში, სამხრეთ კორეაში, ესპანეთსა და გაერთიანებულ სამეფოში (უზრუნველყოფს Airbnb Global Services); კანადაში, აშშ‑ში (უზრუნველყოფს Airbnb Living LLC); ასევე, ბრაზილიაში (უზრუნველყოფს Airbnb Plataforma Digital Ltda).

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.