სტუმრებისთვის დამოუკიდებელი დაბინავების შესაძლებლობის მიცემა

სტუმრებისთვის დამოუკიდებლად დაბინავების შესაძლებლობის მიცემა არა მხოლოდ დროის დაზოგვაში, არამედ სტუმრობის მეტი მსურველის დაინტერესებაში დაგეხმარებათ, რადგან მათ ძიების შედეგების გაფილტვრა შეუძლიათ ჯავშნის გაფორმების ვარიანტების მეშვეობითაც.

ქვემოთ გიზიარებთ სამ რჩევას, რომლებიც საწყის ეტაპზე დაგეხმარებათ.

ღილაკებიანი პანელები, გონიერი საკეტები და მინისეიფები დამოუკიდებელი დაბინავების ერთ‑ერთი ყველაზე პოპულარული ხერხებია.

• ღილაკებიანი პანელები მუშაობს კარის ელექტრონულ საკეტებთან. ამ შემთხვევაში სტუმრები კარს არა გასაღებით, არამედ კოდით აღებენ. ეს კი ნიშნავს, რომ მათ არ მოუწევთ გასაღების დაკარგვაზე ნერვიულობა.
• გონიერი საკეტები ელექტრონული საკეტებია, რომელთა მართვაც დისტანციურად (როგორც წესი, Bluetooth ან Wi‑Fi კავშირის მეშვეობით) შეგიძლიათ. ზოგან შესაძლებელია თავსებადი გონიერი საკეტების Airbnb‑ზე თქვენს ანგარიშთან დაკავშირება, რის შემდეგაც სტუმრებისთვის ავტომატურად შეიქმნება კარის უნიკალური კოდები, რომლებიც მხოლოდ მათი სტუმრობის განმავლობაში იქნება მოქმედი.
• მინისეიფები გამოიყენება გასაღებების შესანახად საცხოვრებლის ტერიტორიის გარეთ. გასაღებზე წვდომისთვის სტუმრებს კოდის მითითება სჭირდებათ. მინისეიფისთვის შეარჩიეთ ადვილად საპოვნელი და ხელმისაწვდომი ადგილი, ხოლო სტუმრობებს შორის ცვალეთ მისი კოდი. ზოგიერთი მასპინძელი მინისეიფებს იყენებს სათადარიგო ვარიანტად ღილაკებიანი პანელებისა და გონიერი საკეტებისთვის.

დაეხმარეთ სტუმრებს, წინასწარ იცოდნენ, როგორ დაბინავდნენ.

• დაამატეთ დეტალური ინფორმაცია დაბინავების ინსტრუქციას: ზედმიწევნით აუხსენით სტუმრებს, როგორ გამოიყენონ ღილაკებიანი პანელი, გონიერი საკეტი ან მინისეიფი. დაურთეთ პროცესის თითოეული ეტაპის ამსახველი სურათი.
• დაგეგმეთ მისასალმებელი შეტყობინების გაგზავნა: დაზოგეთ დრო — დაგეგმეთ სტუმრებისთვის განკუთვნილი შეტყობინების ავტომატურად გაგზავნა დაბინავებამდე რამდენიმე დღით ადრე. დაურთეთ შეტყობინებას სასარგებლო რჩევები — მაგალითად, თუ საცხოვრებელთან მობილური კავშირი მაინცდამაინც გამართულად არ მუშაობს, ურჩიეთ სტუმრებს, ამობეჭდონ დაბინავების ინსტრუქცია, ან შეინახონ მისი სკრინშოტები.

სტუმრების უსაფრთხო დაბინავებაზე ზრუნვა მასპინძლების პრეროგატივაა. იზრუნეთ, რომ ყველა სტუმარს ჰქონდეს უნიკალური კოდი საცხოვრებელზე წვდომისთვის. კოდის დამახსოვრება ადვილი რომ იყოს, ზოგიერთი მასპინძელი სტუმრების ტელეფონის ნომრის ბოლო ოთხ ციფრს იყენებს.

დამოუკიდებლად დაბინავების ორგანიზების დასრულებისა და შესაბამისი მითითებების დამატების შემდეგ „განცხადებების“ ჩანართიდან გადადით „დაბინავების გზამკვლევზე“, დაბინავების მეთოდი რომ შეცვალოთ.

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.