ოჯახების მასპინძლობის შესახებ

შეიტყვეთ, როგორ მოამზადოთ საცხოვრებელი და განაახლოთ განცხადება, რომ უფრო მეტი სტუმარი დააინტერესოთ.
ავტორი: Airbnb (21 ივლ, 2020)
4‑წუთიანი საკითხავი
განახლების თარიღი: 21 ივლ, 2023

ყველაზე მნიშვნელოვანი

  • ოჯახებისთვის საცხოვრებლის მომზადება მეტი ჯავშნის მიღებაში დაგეხმარებათ

  • აღნიშნეთ განცხადებაში, რომ საცხოვრებელი შესაფერისია ოჯახებისთვის, და დაურთეთ ფოტოები

    • დაამატეთ ისეთი საყოფაცხოვრებო პირობები, როგორიცაა ჩვილის პორტატიული საწოლი და ბავშვის სკამ‑მაგიდა

    • შეიტყვეთ, რა მხარდაჭერას გთავაზობთ Airbnb პრობლემის წარმოქმნის შემთხვევაში

    მთელ მსოფლიოში ბევრი ოფისი, სკოლა და საბავშვო ბაღია დახურული, ამიტომ მშობლებს ახლა მეტი არჩევანი აქვთ საცხოვრებელი და სამუშაო ადგილის კუთხით. ბევრ მათგანს უფრო ხშირად მოგზაურობა სურს და მზადაა, ოჯახთან ერთად დროებით საცხოვრებლადაც კი გადავიდეს ბუნების წიაღში მდებარე, დიდი სივრცის მქონე საცხოვრებელში.

    უნდა აღინიშნოს, რომ ზოგიერთ საცხოვრებელში ბავშვების მიღება, შესაძლოა, არ იყოს უსაფრთხო. აი, რა უნდა იცოდეთ, სანამ მათ მასპინძლობას გადაწყვეტთ:

    წინასწარ მოემზადეთ ოჯახების მასპინძლობისთვის

    თუ ბავშვიანი სტუმრების მასპინძლობა ჯერ არ გადაგიწყვეტიათ, რამდენიმე ნაბიჯის გავლა თავდაჯერებულობას შეგმატებთ.

    წინასწარ გააცანით სტუმრებს, რას სთავაზობთ საცხოვრებელში და რას — არა.

    დაეხმარეთ მშობლებს, რომ მხოლოდ საჭირო ნივთები წამოიღონ. ამისთვის დეტალურად უნდა აღწეროთ ყველა პირობა, რომელსაც ოჯახებს უკვე სთავაზობთ. ამას გარდა, გზამკვლევში შეგიძლიათ მიუთითოთ რეკომენდაციები, თუ სად შეიძინონ ბავშვიანმა სტუმრებმა საჭირო ნივთები მარაგის შესავსებად.

    ბავშვიანი ოჯახებისთვის საცხოვრებელი რომ მოამზადოთ:

    • შეარჩიეთ მყარი და უსაფრთხო ავეჯი, შეძლებისდაგვარად, მინის ელემენტების გარეშე
    • გაიტანეთ ზედმეტი საყოფაცხოვრებო და დეკორაციული ნივთები, რაც გაგიმარტივებთ დასუფთავებას
    • გადაიტანეთ მსხვრევადი და ბასრი ნივთები ბავშვისთვის მიუწვდომელ ადგილას
    • სამზარეულოში მსხვრევადი ჭურჭლის ნაცვლად დააწყვეთ პლასტმასის მრავალჯერადი ჭიქები და თეფშები
    • კარგი იქნება, თუ კარადებს საკეტები ექნება, როზეტებს კი — დამცავები
    • შეარჩიეთ გამძლე, ადვილად გასასუფთავებელი ქსოვილები, როგორიც, მაგალითად, გარე ავეჯში გამოიყენება
    • მერქნის იატაკზე დააფინეთ ხალიჩები, რომელთა გარეცხვაც შესაძლებელია

    მიიღეთ უსაფრთხოების ელემენტარული ზომები, რომ დაიცვათ როგორც სტუმრები, ისე თქვენ მიერ მათთვის შეთავაზებული საცხოვრებელი.

    • სტუმრები უფრო მშვიდად რომ იყვნენ, დაამონტაჟეთ კვამლის/მხუთავი აირის დეტექტორები და ცეცხლმაქრი გაზქურის/ელექტროღუმელის სახურავთან.
    • არ დაგავიწყდეთ ზემოაღნიშნული საყოფაცხოვრებო ნივთების განცხადებაში მითითება და მათი ბატარეების რეგულარულად გამოცვლა
    • შეიტანეთ გადაუდებელი დახმარების ადგილობრივი სამსახურების ნომრები სტუმრის ცნობარში და სტუმრებისთვის დატოვებულ ბარათში

    სურვილისამებრ, შეგიძლიათ მოითხოვოთ დასუფთავების გადასახადი.
    დასუფთავების გადასახადს არაერთი მასპინძელი აწესებს, რომ დაფაროს საჭირო საშუალებების ან პროფესიონალური დასუფთავების მომსახურების ღირებულება. შეიტყვეთ ვრცლად დასუფთავების გადასახადის დაკისრების შესახებ.

      იცოდეთ, როგორ მოიქცეთ, თუ პრობლემა წარმოიქმნება.
      რაც არ უნდა კარგად მოემზადოთ, გაუთვალისწინებელი შემთხვევებისგან არავინაა დაზღვეული, თუმცა არსებობს რამდენიმე საშუალება იმისთვის, რომ უფრო მეტად იყოთ დაცული Airbnb‑ს მეშვეობით მასპინძლობისას.

      თუ ოჯახთან ერთად მოგზაური სტუმრების დაინტერესება გსურთ, გახსოვდეთ, რომ იდეალური მასპინძელი დეტალებისადმი ყურადღებით გამოირჩევა. ყველამ შინაურულად რომ იგრძნოს თავი, დაახვედრეთ მათ ყველასთვის საჭირო ნივთები, მაგალითად, დამატებითი პირსახოცები და ზეწრები. არ დაგავიწყდეთ ტუალეტის ქაღალდი და საკუჭნაოსთვის განკუთვნილი პროდუქტები (მაგალითად, მარილი, შავი პილპილი და საჭმლის მოსამზადებლად აუცილებელი სხვა მინიმუმი).

      აი, რას გვიყვება ელსი, მასპინძელი ნეშვილიდან (ტენესი, აშშ), საცხოვრებლის მთელი ოჯახისთვის მოწყობის შესახებ:

      რჩევა: საწმენდი საშუალებები (განსაკუთრებით, ქაღალდის ან სადეზინფექციო ხელსახოცები და ლაქების ამომყვანი საშუალებები) არასდროს არის ზედმეტი. არც დრო და ძალისხმევა დაიშუროთ, რომ სათანადოდ მოემზადოთ სტუმრების გრძელი ვადით მასპინძლობისთვის.

      მთავარია, სტუმრებმა იცოდნენ, რას სთავაზობთ

      როცა ოჯახებისთვის საცხოვრებლის მომზადების ყველა ნაბიჯს შეასრულებთ, საცხოვრებელთან დაკავშირებული ცნობები და საყოფაცხოვრებო პირობები უნდა განაახლოთ გაცხადებაში.

      • განახლებული სათაური და საცხოვრებლის აღწერილობა სასურველი სტუმრების დაინტერესებასა და მათთვის სათანადო მოლოდინის შექმნაში დაგეხმარებათ.
      • სტუმრებს, რომლებიც ბავშვებთან ერთად მოგზაურობენ, საძიებო ფილტრების გამოყენებით შეუძლიათ არჩევანი მათთვის სასურველ ვარიანტებამდე შეამცირონ, ამიტომ საყოფაცხოვრებო პირობების განახლებაც არ უნდა დაგავიწყდეთ (თუ ერთზე მეტი განცხადება გაქვთ, საყოფაცხოვრებო პირობებში ცვლილებების შეტანას ყველა საცხოვრებლისთვის ერთდროულად შეძლებთ „განცხადებების“ გვერდიდან). ჩვილის საწოლი და ბავშვის სკამ‑მაგიდა აუცილებელი საყოფაცხოვრებო პირობებია ჩვილიანი სტუმრებისთვის.
      • თუ საცხოვრებელში კონდიციონერი, სარეცხი მანქანა/საშრობი, სამზარეულო და სხვა მსგავსი საყოფაცხოვრებო პირობები გაქვთ, მიუთითეთ ისინი განცხადებაში.
      • სარეცხი მანქანის შემთხვევაში აღნიშნეთ, სტუმრებს სარეცხ ფხვნილს უფასოდ სთავაზობთ თუ დამატებითი გადასახადის სანაცვლოდ.
      • აბაზანა მოსახერხებელია ბავშვების დასაბანად, ამიტომ აუცილებლად მიუთითეთ, თუ ის დახვდებათ სტუმრებს საცხოვრებელში. ასევე, დაამატეთ მისი ამსახველი სურათი ფოტოგალერეაში.
      • შეამოწმეთ, რომ ფოტოები ასახავს ყველაფერს, რასაც აღწერთ. გაეცანით ფოტოგადაღების დეტალურ სახელმძღვანელოს, რომლიდანაც შეიტყობთ, როგორ წარმოაჩინოთ ყველაფერი, რასაც სტუმრობის მსურველები ამ ეტაპზე ეძებენ.

      მართალია, ბავშვიანი ოჯახებისთვის საცხოვრებლის მომზადება ზოგჯერ მეტ ძალისხმევას მოითხოვს, თუმცა ამ კუთხით გამოვლენილი დამატებითი ზრუნვა, საბოლოო ჯამში, ყველა სტუმარს ესიამოვნება.

      პროგრამის „AirCover მასპინძლებისთვის“ ფარგლებში მასპინძელთა ზარალისგან დაცვა, საცხოვრებლის შეთავაზებისას წარმოშობილი პასუხისმგებლობის დაზღვევა და შთაბეჭდილების შეთავაზებისას წარმოშობილი პასუხისმგებლობის დაზღვევა არ მოქმედებს Airbnb Travel LLC‑თი სარგებლობის შემთხვევაში, ასევე, არ ეხება იაპონიაში მოღვაწე მასპინძლებს (მათზე ვრცელდება იაპონიაში მასპინძელთა დაზღვევა და იაპონიაში შთაბეჭდილებების დაზღვევა). მასპინძლებისთვის, რომლებიც სტუმრებს კონტინენტურ ჩინეთში სთავაზობდნენ საცხოვრებლებსა თუ შთაბეჭდილებებს, მოქმედებს ჩინეთში მასპინძლების დაცვის გეგმა. გაითვალისწინეთ, რომ დაფარვის ყველა ლიმიტი მითითებულია აშშ დოლარში.

      საცხოვრებლისა თუ შთაბეჭდილების შეთავაზებისას წარმოშობილი პასუხისმგებლობის დაზღვევას უზრუნველყოფს გარე კომპანიები. თუ გაერთიანებულ სამეფოში მასპინძლობთ, საცხოვრებლისა თუ შთაბეჭდილების შეთავაზებისას წარმოშობილი პასუხისმგებლობის სადაზღვევო პოლისებს უზრუნველყოფს Zurich Insurance Company Ltd. პოლისები უსასყიდლოდ მზადდება და ფორმდება გაერთიანებულ სამეფოში მოღვაწე მასპინძლებისთვის კომპანია Airbnb UK Services Limited‑ის მიერ, რომელიც კომპანია Aon UK Limited‑ის უფლებამოსილი წარმომადგენელია და რომლის საქმიანობაც კონტროლდება ფინანსური ზედამხედველობის სამმართველოს მიერ (Financial Conduct Authority, FCA). FCA‑ს რეესტრში Aon‑ის ნომერია 310451. აღნიშნულის გადამოწმება შეგიძლიათ ფინანსური მომსახურების რეესტრში, FCA‑ს ვებსაიტის მონახულების ან FCA‑სთან ტელეფონის ნომერზე 0800 111 6768 დაკავშირების მეშვეობით. პროგრამის „AirCover მასპინძლებისთვის“ ფარგლებში საცხოვრებლისა თუ შთაბეჭდილების შეთავაზებისას წარმოშობილი პასუხისმგებლობის დაზღვევებს არეგულირებს FCA, ხოლო Airbnb UK Services Limited‑ის მიერ შემოთავაზებული სხვა პროდუქტები და სერვისები ზედამხედველობას არ ექვემდებარება. FPAFF610LC 

      მასპინძელთა ზარალისგან დაცვა არ არის დაზღვევა და არც კავშირშია საცხოვრებლის შეთავაზებისას წარმოშობილი პასუხისმგებლობის დაზღვევასთან. მასპინძელთა ზარალისგან დაცვის ფარგლებში თქვენ აგინაზღაურდებათ სტუმრების მიერ საცხოვრებლისთვის ან მასში არსებული ნივთებისთვის მიყენებული ზიანი, თუ სტუმარი უარს იტყვის ზარალის ანაზღაურებაზე. ვაშინგტონის შტატში განთავსებული განცხადებების შემთხვევაში, მასპინძელთა ზარალისგან დაცვის პროგრამის ფარგლებში Airbnb‑ს სახელშეკრულებო ვალდებულებებს ფარავს Airbnb‑ს მიერ შეძენილი სადაზღვევო პოლისი. მასპინძლებისთვის, რომლებიც ცხოვრობენ ან ახორციელებენ საქმიანობას ავსტრალიის ფარგლებს გარეთ, მოქმედებს მასპინძელთა ზარალისგან დაცვის ეს პირობები. მასპინძლები, რომლებიც ცხოვრობენ ან ახორციელებენ საქმიანობას ავსტრალიის ტერიტორიაზე, ექვემდებარებიან მასპინძელთა ზარალისგან დაცვის პირობებს ავსტრალიელი მომხმარებლებისთვის.

      სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.

      ყველაზე მნიშვნელოვანი

      • ოჯახებისთვის საცხოვრებლის მომზადება მეტი ჯავშნის მიღებაში დაგეხმარებათ

      • აღნიშნეთ განცხადებაში, რომ საცხოვრებელი შესაფერისია ოჯახებისთვის, და დაურთეთ ფოტოები

        • დაამატეთ ისეთი საყოფაცხოვრებო პირობები, როგორიცაა ჩვილის პორტატიული საწოლი და ბავშვის სკამ‑მაგიდა

        • შეიტყვეთ, რა მხარდაჭერას გთავაზობთ Airbnb პრობლემის წარმოქმნის შემთხვევაში

        Airbnb
        21 ივლ, 2020
        სასარგებლო იყო?

        სხვა საინტერესო

        გაეცანით სხვა თემებს