ბავშვიანი ოჯახების მასპინძლობის შესახებ
მათთვის, ვინც მცირეწლოვან ბავშვებთან ერთად მოგზაურობს, მცირე დეტალებიც კი მნიშვნელოვანია. თუ ოჯახებისთვის შესაფერისი საყოფაცხოვრებო პირობები და აღჭურვილობა გექნებათ, თქვენ მიერ განთავსებული საცხოვრებლით, შესაძლოა, სტუმრობის მეტი მსურველი დაინტერესდეს.
საცხოვრებელი სივრცის მომზადება
დაფიქრდით, რა ცვლილებები შეიტანოთ საცხოვრებელში, რომ ოჯახებმა მასში თავი უფრო კომფორტულად იგრძნონ. ამასთან, არც უსაფრთხოების ელემენტარული ზომების მიღება დაგავიწყდეთ სტუმრებისა და თავად საცხოვრებლის დასაცავად.
- შეარჩიეთ მყარი და უსაფრთხო ავეჯი, შეძლებისდაგვარად, მინის ელემენტების გარეშე.
- გადაიტანეთ მსხვრევადი და ბასრი ნივთები ბავშვებისთვის მიუწვდომელ ადგილას.
- სამზარეულოში მსხვრევადი ჭურჭლის ნაცვლად დააწყვეთ პლასტმასის მრავალჯერადი ჭიქები და თეფშები.
- გაუკეთეთ კარადებს საკეტები, როზეტებს კი — დამცავები.
- გამოიყენეთ გამძლე, ადვილად გასასუფთავებელი ქსოვილები, როგორიც, მაგალითად, გარე ავეჯს აქვს.
- დაახვედრეთ სტუმრებს მოთხოვნადი ნივთები, მაგალითად, დამატებითი პირსახოცები და ზეწრები.
- მერქნის იატაკზე დააფინეთ ხალიჩები, რომელთა გარეცხვაც შესაძლებელია.
- დაამონტაჟეთ კვამლისა თუ მხუთავი აირის დეტექტორები და რეგულარულად გამოცვალეთ მათი ბატარეები.
- დაამაგრეთ ცეცხლმაქრი სამზარეულოს ქურასთან.
- შეიტანეთ გადაუდებელი დახმარების ადგილობრივი სამსახურების ნომრები სტუმრის ცნობარში და სტუმრებისთვის დატოვებულ ბარათში.
განცხადების ჩასწორება
საცხოვრებელი სივრცის სათანადოდ მომზადების შემდეგ განაახლეთ ინფორმაცია გაცხადებაში და ჩაასწორეთ საყოფაცხოვრებო პირობების ჩამონათვალი, რომ სტუმრობის მსურველებს მკაფიო წარმოდგენა შეუქმნათ და უფრო მეტი მათგანი დააინტერესოთ. სტუმრობის მსურველებს საძიებო ფილტრების მეშვეობით შეუძლიათ მათთვის საჭირო ვარიანტების პოვნა.
- მიუთითეთ ყველა საყოფაცხოვრებო პირობა, რომლებსაც სტუმრებს სთავაზობთ, მათ შორის, ისეთი მოთხოვნადი ნივთები, როგორიცაა, მაგალითად, ჩვილის საწოლი და ბავშვის სკამ‑მაგიდა.
- სარეცხი მანქანის ან საშრობის შემთხვევაში აღნიშნეთ, სტუმრებს სარეცხ საშუალებას უფასოდ სთავაზობთ თუ დამატებითი გადასახადის სანაცვლოდ.
- თუ საცხოვრებელში არის აბაზანა, დაამატეთ შესაბამისი ინფორმაცია და ფოტო განცხადებაში.
- დარწმუნდით, რომ ფოტოები შეესაბამება ყველაფერს, რასაც განცხადებაში აღწერთ.
- დაამატეთ გზამკვლევს ოჯახებზე ორიენტირებული რეკომენდაციები — მაგალითად, ახლომდებარე სათამაშო მოედნების ან შესაბამისი მაღაზიების შესახებ.
სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.