ჩანართი „დღეს“ — სივრცე მასპინძლობისთვის

ჯავშნების რაოდენობის ზრდასთან ერთად მასპინძლებს საზრუნავი ემატებათ. ჩანართი „დღეს“ პირველი ეკრანია, რომელიც მასპინძლობის რეჟიმზე გადართვის შემდეგ დაგხვდებათ Airbnb‑ს აპში თუ ვებსაიტზე. ის ყოველდღიური ამოცანების შესრულებისას დროს დაგიზოგავთ.

ჩანართიდან „დღეს“ მარტივად შეგიძლიათ მართოთ დაჯავშნის მოთხოვნები თუ ჯავშნები და გამოიყენოთ საჭირო ხელსაწყოები. ამას გარდა, შეგიძლიათ იპოვოთ სხვა რესურსები, Airbnb‑ს უახლესი ამბებისა და რჩევების ჩათვლით.

ჩანართში „დღეს“ წარმოგიდგენთ მასპინძლობისთვის მნიშვნელოვან ერთსა და იმავე ინფორმაციას როგორც მობილურ მოწყობილობაში, ისე კომპიუტერში. აქ დაგხვდებათ:

• საჩქარო გაფრთხილებები (მაგალითად, დაჯავშნის მოთხოვნები პასუხის მოლოდინში ან აუცილებლად მისაღები ზომები)

• სტუმრების ჯავშნები (როგორც მიმდინარე, ისე მომავალი)

• შემდეგი ნაბიჯები, მათ შორის, კონკრეტული სამოქმედო რჩევები, რომლებიც დაჯავშნის ტენდენციების თქვენ სასარგებლოდ გამოყენებასა და მეტი სტუმრის დაინტერესებაში დაგეხმარებათ

• მასპინძლობასთან დაკავშირებული რჩევები და სიახლეები, რომელთა მეშვეობითაც Airbnb გაგაცნობთ ახალ ფუნქციებსა და ხელსაწყოებს, განსაკუთრებულ ღონისძიებებსა და წესებში შეტანილ ცვლილებებს, რომლებიც, შესაძლოა, გეხებოდეთ

წარმატებული მასპინძლობისთვის უაღრესად მნიშვნელოვანია, სტუმრებს ოპერატიულად გამოეხმაუროთ. სწორედ ამიტომ, ბევრი მასპინძელი იყენებს სმარტფონს იმისთვის, რომ სტუმრებს ნებისმიერი ადგილიდან უპასუხონ. მობილური აპის ყველა ვერსიაზე ერთი შეხებით გაეცნობით მნიშვნელოვან ინფორმაციას ჩანართიდან „დღეს“.

ეკრანის ქვედა ნაწილში მოცემული იქნება ღილაკები შემდეგისთვის:

• ჩანართი „დღეს“, რომელიც სწრაფად დაგაბრუნებთ ეკრანის ზედა ნაწილში

• შემომავალი, სადაც შეგიძლიათ წაიკითხოთ/გაგზავნოთ შეტყობინებები ან დაგეგმოთ მათი გაგზავნა, შეკითხვების შემთხვევაში კი — დაგვიკავშირდეთ

• კალენდარი, სადაც შეგიძლიათ განაახლოთ ფასებისა და ხელმისაწვდომობის პარამეტრები, რაც განსაკუთრებით მნიშვნელოვანია მომენტალური დაჯავშნის ჩართვის შემთხვევაში

• ანალიტიკა, რომელიც მოიცავს მონაცემებს ეფექტურობის, დაჯავშნის ტენდენციებისა და მეტი შემოსავლის მიღების შესაძლებლობების შესახებ

• მენიუ, საიდანაც შეგიძლიათ პირდაპირ თქვენს განცხადებაზე გადახვიდეთ, ასევე, იპოვოთ მასპინძლობის რესურსების, გაერთიანების წევრების ფორუმისა და სხვა ბმულები

ყველა მასპინძლისთვის, რომელსაც ერთი განცხადება აქვს, ჩანართი „დღეს“ იდენტურია ვებსაიტსა და აპში. თუ რამდენიმე განცხადება გაქვთ, მხოლოდ ვებსაიტზე იქნება ხელმისაწვდომი პროფესიული მასპინძლობის ხელსაწყოები „მენიუს“ ღილაკის მეშვეობით. ამ ფუნქციებში შედის ტრანსაქციების ისტორია და სტატისტიკა (მაგ., შემოსავლები).

რამდენად დატვირთული განრიგიც არ უნდა გქონდეთ, ჩანართი „დღეს“ მასპინძლობისთვის მნიშვნელოვან საკითხებზე კონცენტრირებაში დაგეხმარებათ.

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.