რთულ ვითარებაში აღმოჩენილი ადამიანებისთვის საცხოვრებლის შეთავაზება Airbnb.org‑ის მეშვეობით

სტუმრებისთვის შინაურული გარემოს შექმნის განსაკუთრებული ნიჭი, რომელიც მასპინძლებს აქვთ, ყოველდღიურად გვაოცებს. საგულისხმოა ისიც, თუ როგორ ეხმარებიან მასპინძლები Airbnb.org‑ს, 2020 წელს დაარსებულ არაკომერციულ ორგანიზაციას, რომელიც „Open Homes“‑ისა და „წინა ხაზზე მებრძოლებისთვის შეთავაზებული საცხოვრებლის“ პროგრამების ფარგლებში დაწყებულ საქმეს აგრძელებს.

2012 წლიდან თქვენ‑თქვენი სახლის კარები უკვე გაუღეთ 100 000‑ზე მეტ ადამიანს, რომელთა შორის იყვნენ ლტოლვილები, თავშესაფრის მაძიებლები, COVID‑19‑ის პანდემიასთან წინა ხაზზე მებრძოლი სპეციალისტები და კატასტროფული სტიქიების შედეგად დაზარებულები მთელი მსოფლიოდან.

Airbnb.org ვერ იარსებებდა იმ ადამიანების გულუხვობის გარეშე, რომლებიც დროებითი საცხოვრებლებითა თუ გაღებული თანხებით ეხმარებიან მათ, ვინც რთულ ვითარებაში აღმოჩნდა.

მასპინძელთა გულუხვობის აღსანიშნავად მათ Airbnb.org‑ის მხარდამჭერის ნიშანს გადავცემთ. Airbnb.org‑ის მხარდაჭერა და სპეციალური ნიშნის მიღება შესაძლებელია:

• დროებითი საცხოვრებლის უფასოდ ან ფასდაკლებით შესათავაზებლად რეგისტრაციის მეშვეობით

• თანხის რეგულარულად გაღების მეშვეობით

Airbnb.org‑ის მხარდამჭერის ნიშანი გამოარჩევს მასპინძლებს, რომლებსაც Airbnb.org‑ის ფარგლებში, უფასოდ ან ფასდაკლებით, მინიმუმ ერთი დროებითი საცხოვრებელი აქვთ შეთავაზებული ევაკუირებული პირებისთვის, ლტოლვილებისა თუ რთულ ვითარებაში აღმოჩენილი სხვა ადამიანებისთვის.

ვრცლად კეთილი საქმისთვის მასპინძლობის შესახებ

Airbnb.org‑ის მხარდამჭერის ნიშნის მიღება შეგიძლიათ იმ შემთხვევაშიც, თუკი გადაწყვეტთ, რომ მასპინძლობისთვის კუთვნილი შემოსავლიდან გარკვეული პროცენტი რეგულარულად გადარიცხოთ Airbnb.org‑ის სასარგებლოდ. სურვილისამებრ, თანხის ერთჯერადად გაღებაც შეგიძლიათ, სპეციალური ნიშნის მიღების გარეშე.

რა კავშირშია Airbnb.org პროგრამებთან „Open Homes“ და „საცხოვრებელი წინა ხაზზე მებრძოლებისთვის“?
2020 წელს Airbnb‑ს პროგრამები „Open Homes“ და „საცხოვრებელი წინა ხაზზე მებრძოლებისთვის“ გაერთიანდა და გარდაიქმნა Airbnb.org‑ად, 501(c)(3) კატეგორიის არაკომერციულ ორგანიზაციად. იმის მიუხედავად, რომ Airbnb‑სა და Airbnb.org‑ის წევრები ერთი და იგივე ადამიანები არიან, არაკომერციული ორგანიზაცია დამოუკიდებელი სუბიექტია, რომელსაც დირექტორთა ცალკე საბჭო მართავს.

სად იქნება ხელმისაწვდომი Airbnb.org‑ის მხარდამჭერის ნიშანი?
სპეციალური ნიშანი აისახება როგორც მასპინძლების პროფილებში, ისე მათი განცხადებების გვერდებზე. თუ ამ ნიშნის დამალვა გირჩევნიათ, დაუკავშირდით მხარდაჭერის გუნდს.

აისახება თუ არა სპეციალური ნიშანი განცხადების პოზიციაზე ძიების შედეგებში?
სპეციალური ნიშანი გამოიყენება Airbnb.org‑ის მხარდამჭერთა გულუხვობის ხაზგასასმელად, თუმცა Airbnb‑ზე ძიების შედეგებში განცხადებების პოზიციებზე ის არ აისახება და ამ ეტაპზე არც სტუმრებს შეუძლიათ ძიების შედეგების გაფილტვრა Airbnb.org‑ის მხარდამჭერის ნიშნის მიხედვით.

აისახება თუ არა სპეციალური ნიშანი ჩემს სუპერმასპინძლის ნიშანსა თუ სტატუსზე?
Airbnb.org‑ის მხარდამჭერის ნიშანი არ აისახება სუპერმასპინძლის ნიშანსა და სტატუსზე. ნიშნები გვერდიგვერდ იქნება ხელმისაწვდომი.

დავკარგავ თუ არა Airbnb.org‑ის მხარდამჭერის ნიშანს, თუ უარს ვიტყვი Airbnb.org ‑ის ფარგლებში მასპინძლობაზე ან თანხის გაღებაზე?
დიახ, თუმცა ნიშანს დაიბრუნებთ, თუ Airbnb.org‑ის ფარგლებში მასპინძლობას ან თანხის გაღებას კვლავ გადაწყვეტთ. Airbnb.org‑იდან საცხოვრებლის შესახებ განცხადების მოხსნა ან თანხის რეგულარული გაღების შეჩერება თუ შეწყვეტა ნებისმიერ დროს შეგიძლიათ.

რა წვლილი შეაქვს Airbnb‑ს?
Airbnb საკუთარ თავზე იღებს Airbnb.org‑ის საოპერაციო დანახარჯების დაფარვას, ამიტომ შემოწირული თანხა მთლიანად ხმარდება პარტნიორ არაკომერციულ ორგანიზაციებსა თუ მათ, ვისაც Airbnb.org ეხმარება.