შთაბეჭდილების გამორჩეული იდეის მომზადება

Airbnb‑ზე წარმოდგენილი შთაბეჭდილებები სტუმრებს საშუალებას აძლევს, თავიანთი საქმის მცოდნე მასპინძლების ხელმძღვანელობით აღმოაჩინონ გასაოცარი ადგილები და მონაწილეობა მიიღონ უნიკალურ აქტივობებში. აქედან გამომდინარე, განსახილველად წარმოდგენილ იდეაში უნდა იგრძნობოდეს, როგორ აპირებთ მონაწილე სტუმრების მოლოდინის გამართლებას (და გადაჭარბებასაც კი).

ქვემოთ წარმოგიდგენთ რამდენიმე რჩევას, რომლებიც დაგეხმარებათ, ამომწურავად უპასუხოთ განაცხადის საკვანძო შეკითხვებს და საინტერესოდ ჩამოაყალიბოთ აზრები.

• წარმოადგინეთ კონკრეტული გეგმა, რომელშიც მოკლედ იქნება აღწერილი ის, თუ რას გააკეთებენ სტუმრები პირველიდან ბოლო წუთამდე.
• განმარტეთ, რით გამოირჩევა თქვენ მიერ მომზადებული აქტივობა სხვებისგან და რატომ ფიქრობთ, რომ სტუმრები დამოუკიდებლად ვერ ან არ გააკეთებენ იმას, რასაც მათ სთავაზობთ.
• მიუთითეთ, რას ისწავლიან ან აღმოაჩენენ სტუმრები თქვენთან ერთად.
• განსაზღვრეთ, როგორ იგეგმება სტუმრების ერთმანეთთან ურთიერთობა და ურთიერთქმედება.

• აღნიშნეთ, რა კავშირი აქვს აქტივობას მისი ჩატარების ადგილთან ან ადგილობრივ კულტურასთან.
• დააკონკრეტეთ, შიდა სამზარეულოზე წვდომის რა ელემენტია გათვალისწინებული სტუმრებისთვის, მაგალითად, სადმე არასამუშაო დროს ვიზიტი, კულისებში მიმდინარე ცხოვრების დემონსტრირება ან მხოლოდ მოწვეულთათვის დაგეგმილ ღონისძიებაზე დასწრება.
• რამდენიმე სიტყვით მოჰყევით, ზოგადად რა კავშირშია აქტივობა თქვენს ქალაქთან ან რეგიონთან.
• ჩამოთვალეთ საინტერესო ან ღირსშესანიშნავი ადგილები, რომლებსაც ეწვევით სტუმრებთან ერთად.

• ახსენით, რა მხრივ ვლინდება თქვენი ინდივიდუალობა, ტრადიციები თუ საკითხით გატაცება თქვენ მიერ სტუმრებისთვის შეთავაზებულ შთაბეჭდილებაში.
• ხაზი გაუსვით იმას, თუ რამდენად კარგად ხართ ჩახედული საკითხში — მაგალითად, შესაბამისი სამუშაო გამოცდილების, აკადემიური ხარისხების, კვალიფიკაციებისა თუ სერტიფიკატების მოხმობით.
• დაასახელეთ თქვენ მიერ მიღებული ჯილდოები ან სხვა ტიპის აღიარება (პრესაში მოხსენიების ჩათვლით).

• გადმოგზავნეთ მინიმუმ ხუთი ორიგინალური ფერადი ფოტო, რომლებზეც აღბეჭდილია აქტივობის სხვადასხვა ეტაპი დასაწყისიდან დასასრულამდე.
• წარმოაჩინეთ თქვენი თავი მასპინძლის როლში.
• შეუხამეთ ერთმანეთს როგორც ფართო კუთხით, ისე საშუალო და ახლო მანძილებიდან გადაღებული კადრები, რომ წარმოაჩინოთ საერთო სურათიც (მაგალითად, ადგილი ან ადამიანებს შორის ურთიერთქმედება) და მცირე დეტალებიც (მაგალითად, აღჭურვილობა).
• შეარჩიეთ კარგი განათების პირობებში გადაღებული და ფოკუსში მოქცეული კადრები — ობიექტი ცენტრში უნდა იყოს.
• უპირატესობა მიანიჭეთ ვერტიკალურად გადაღებულ ფოტოებს მაღალი გარჩევადობით (მინიმუმ 800×1200 პიქსელი).
• არ გამოიყენოთ სელფები, ხელოვნური ინტელექტის მეშვეობით დამუშავებული გამოსახულებები და ფოტობანკიდან აღებული ფოტოები.

Before submitting your ideas, make sure the experience meets these standards and requirements.

Information contained in this article may have changed since publication.