ადაპტირებული პირობების მითითება განცხადებაში შთაბეჭდილების ან მომსახურების შესახებ

სტუმრობის მსურველებს ჯავშნის გაფორმებამდე აინტერესებთ, რამდენად შეესაბამება შთაბეჭდილება ან მომსახურება მათ საჭიროებებს. სწორედ ამიტომ, Airbnb‑ზე მათ საშუალება აქვთ, ძიების შედეგები კონკრეტული ადაპტირებული პირობების ხელმისაწვდომობის მიხედვით გაფილტრონ, ასევე, მიწერონ მასპინძლებს დეტალების დასაზუსტებლად.

აცნობეთ სტუმრობის მსურველებს, რისი უზრუნველყოფა შეგიძლიათ შთაბეჭდილების ან მომსახურების შეთავაზებებისას — მონიშნეთ შესაბამისი ადაპტირებული პირობები „განცხადებების“ ჩანართიდან. მომსახურებების ორგანიზატორ მასპინძლებს ამ ეტაპზე მხოლოდ ჟესტური ენის არჩევა შეუძლიათ. თუ სხვა საჭიროებების გათვალისწინებაც შეგიძლიათ, გირჩევთ, აღნიშნოთ ეს თქვენს განცხადებაში ან მისასალმებელ შეტყობინებაში.

მიუთითეთ აქ აღნიშნული პირობები, თუ ჟესტურ ენაზე კომუნიკაციის ან მხედველობის მქონე პირადი გამძღოლის უზრუნველყოფა შეგიძლიათ.

• ჟესტური ენა: თქვენ, თანამასპინძელს ან ასისტენტს შეგიძლიათ ყრუ ან სმენადაქვეითებულ სტუმრებთან კომუნიკაცია, ანდა თარჯიმნის მომსახურების ორგანიზება. მსოფლიო მასშტაბით 300‑ზე მეტი ჟესტური ენაა, რომელთა შორისაცაა ამერიკული, ჩინური და ესპანური. მიუთითეთ, რომელი ჟესტური ენებია ხელმისაწვდომი.
• მხედველობის მქონე პირადი გამძღოლი: ბრმა ან მხედველობადაქვეითებული სტუმრებისთვის შეგიძლიათ უზრუნველეყოთ გამოცდილი გამძღოლის მომსახურება.

მიუთითეთ აქ აღნიშნული პირობები, თუ სტუმრები (მათ შორის, ეტლით მოსარგებლეები) დასაწყისიდან დასასრულებამდე შეძლებენ დღის პროგრამაში მონაწილეობას კიბეებზე ასვლისა თუ სხვა დაბრკოლებების გადალახვის საჭიროების გარეშე.

• უსაფეხურო წვდომა: სტუმრებისთვის შეთავაზებული შთაბეჭდილების ფარგლებში გასავლელ გზაზე არ არის საფეხურები, კიბეები ან 5 სმ‑ზე მაღალი ზღურბლები თუ სხვა დაბრკოლებები.
• უსაფეხურო სააბაზანო: სტუმრების განკარგულებაში იქნება სააბაზანო, რომელში შესასვლელადაც არ არის საჭირო კიბითა თუ საფეხურებით სარგებლობა.
• ძირითადად ბრტყელი ან გასწორებული ზედაპირი: სტუმრებისთვის შეთავაზებული შთაბეჭდილების ფარგლებში გასავლელი გზა არის განიერი, სწორი ზედაპირით, ხოლო დაქანებები მინიმალურია ან საერთოდ არ არის.
• პარკირების ადგილი შშმ პირთათვის: სტუმრებისთვის შეთავაზებული შთაბეჭდილების საწყის პუნქტთან ხელმისაწვდომია სპეციალურად შშმ პირებისთვის განკუთვნილი ავტოსადგომი ან 2,5 მეტრზე განიერი საპარკინგე ადგილი.
• მინიმუმ 81 სმ სიგანის შესასვლელები: სტუმრებისთვის შეთავაზებული შთაბეჭდილების ფარგლებში გასავლელი შესასვლელები ან კარის ღიობები მინიმუმ 81 სანტიმეტრი სიგანისაა.

თუ აღნიშნულ პირობებს სტუმრებს ნაგულისხმევად არ სთავაზობთ, დაფიქრდით, შეძლებთ თუ არა გარკვეული ცვლილებების შეტანას მარშრუტის ან მდებარეობის კუთხით, რომ ადაპტირებული პირობების საჭიროების მქონე მეტ სტუმარს უმასპინძლოთ.

მიუთითეთ აქ აღნიშნული პირობები, თუ მომატებული მგრძნობელობის მქონე სტუმრების საჭიროებების დაკმაყოფილება შეგიძლიათ.

• ძლიერი სენსორული გამაღიზიანებლების არარსებობა: სტუმრებისთვის შეთავაზებული აქტივობების ფარგლებში მათ შეზღუდული შეხება ექნებათ კაშკაშა განათებასთან, ხმამაღალ ხმებთან, ძლიერ სუნებთან და ხალხმრავალ ადგილებთან.
• ხელმისაწვდომია ადგილი მშვიდი განმარტოებისთვის: სტუმრებისთვის შეთავაზებული შთაბეჭდილების ფარგლებში გათვალისწინებულია არახმაურიანი ან სხვებისგან იზოლირებული სივრცე, რომლით სარგებლობაც მათ სურვილისამებრ შეუძლიათ.

თუ ცვლილებები ვერ შეგაქვთ, მოამზადეთ შთაბეჭდილების ისეთი ვერსია, რომელიც ნაკლებ სენსორულ გამაღიზიანებელს მოიცავს.

შთაბეჭდილებებისა და მომსახურებების ადაპტირებულობის გათვალისწინებით ორგანიზება სტუმრობის მეტ მსურველს დაეხმარება ჯავშნის მშვიდად გაფორმებაში.

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.