ახალი ხელსაწყოები განცხადებებისთვის შთაბეჭდილებების შესახებ

Airbnb‑ს სრულიად განახლებული აპი გთავაზობთ ყველაფერს, რაც თქვენ მიერ ჩვენს პლატფორმაზე განთავსებული შთაბეჭდილების სამართავად გჭირდებათ. თქვენთვის ხელმისაწვდომი სამასპინძლო ხელსაწყოების გამოყენებით უფრო მარტივად შეძლებთ ყველაფრის დაგეგმვას, სტუმრობის მსურველების დაინტერესებასა და კომუნიკაციას. ამას გარდა, გექნებათ ანალიტიკური ინფორმაცია თქვენ მიერ მიღებულ შეფასებებსა და მიმოხილვებთან დაკავშირებით.

როცა სისტემაში მასპინძლის სტატუსით იქნებით შესული, სამასპინძლო ხელსაწყოები წარმოდგენილი იქნება ქვემოთ ჩამოთვლილ 5 სხვადასხვა ჩანართში.

ჩანართი „დღეს“ აისახება აპის გახსნისთანავე. ჩანართიდან სწრაფად შეიტყობთ ცნობებს თითოეული ჯავშნის შესახებ, რაც დღის დაგეგმვასა და სათანადო მასპინძლობის გაწევაში დაგეხმარებათ.

• გადაერთეთ დღევანდელი და მომავალი ჯავშნების ხედებს შორის, რომ შეიტყოთ, ვის მასპინძლობთ და როდის.
• დაამატეთ ჯავშნებს პირადი მინაწერები, რომ მოგვიანებით გაიხსენოთ განსაკუთრებული თარიღები ან კონკრეტული თხოვნები.
• მიიღეთ სამოქმედო რჩევები თითოეულ ჯავშანთან დაკავშირებით — მაგალითად, როცა მიზანშეწონილი იქნება სტუმრებისთვის მნიშვნელოვანი ინფორმაციის გაზიარება, რომ ისინი სათანადოდ მოემზადონ.

სახეცვლილ კალენდარში დღის ახალი, მოსახერხებელი ხედით სარგებლობას შეძლებთ. მარტივად გაეცანით თქვენს განრიგს, საჭიროების შემთხვევაში კი შეიტანეთ მასში ცვლილებები სხვადასხვა საათის მიხედვით.

• განსაზღვრეთ დასაჯავშნად ხელმისაწვდომობა თქვენ მიერ განთავსებული შთაბეჭდილებისთვის და აირჩიეთ, რომელი ღონისძიებები გსურთ, რომ მეორდებოდეს რეგულარულად.
• შეასრულეთ Airbnb‑სა და Google‑ის კალენდრების სინქრონიზაცია, რომ ყველაფერი ერთი სივრციდან აკონტროლოთ.
• იხილეთ დადასტურებული ჯავშნების მქონე სტუმრების რაოდენობა თქვენ მიერ დაგეგმილი თითოეული ღონისძიებისთვის.
• ინდივიდუალურად დააწესეთ ფასები კონკრეტულ თარიღებსა და საათებზე, სტუმრობის მეტი მსურველი რომ დააინტერესოთ.

სტუმრობის მსურველები მომენტალურად შეძლებენ თქვენს კალენდარში ხელმისაწვდომად მონიშნული ნებისმიერი საათის დაჯავშნას, ამიტომ მნიშვნელოვანია, რეგულარულად შეიტანოთ საჭირო ცვლილებები ხელმისაწვდომობის კუთხით.

„განცხადებების“ ჩანართი გეხმარებათ თქვენს განცხადებასთან დაკავშირებული სხვადასხვა მონაცემის მართვაში. მაგალითად, შეგიძლიათ ფასების ჩასწორება ან თქვენ მიერ ორგანიზებული შთაბეჭდილების უკეთ წარმოჩენა.

• სტუმრობის მსურველები რომ დააინტერესოთ, დააწესეთ ფასდაკლებები კონკრეტულ პერიოდზე, ასევე, ადრეულ დაჯავშნაზე და დიდი ჯგუფებისთვის.
• დაამატეთ მაღალხარისხიანი ფოტოები, რომ სტუმრობის მსურველებს უფრო მკაფიო წარმოდგენა შეუქმნათ და სხვებისგან გამორჩეული განცხადება გქონდეთ.
• განაახლეთ სტუმრობის გეგმა, თუ მდებარეობის ან აქტივობების კუთხით რამეს შეცვლით.
• ჩაასწორეთ სხვადასხვა პარამეტრი — მაგალითად, ჯგუფის სიდიდე, ჯავშნების გაფორმების ბოლო ვადა და თანამასპინძელთა წვდომა განცხადებაზე.
• აღნიშნეთ ხელმისაწვდომი ადაპტირებული პირობები (აუდიო‑ვიზუალური მხარდაჭერის ჩათვლით).

ყველა მასპინძელი, ფოტო და განცხადებაში მითითებული ცნობა უნდა პასუხობდეს Airbnb‑ზე წარმოდგენილი შთაბეჭდილებების მიმართ მოქმედ სტანდარტებსა და მოთხოვნებს.

„შეტყობინებების“ ჩანართი დაგეხმარებათ სტუმრებთან კომუნიკაციაში როგორც შეხვედრამდე, ისე მისი მსვლელობისას და დასრულების შემდეგ. შეტყობინებების მიმოცვლა ხდება ჯგუფურ მიმოწერაში, რომელიც ავტომატურად იქმნება თითოეული ღონისძიებისთვის.

• გააზიარეთ ვიდეოები ან ფოტოები, რომ წარუდგინოთ სხვებს თავი ან მიაწოდოთ სტუმრებს შეხვედრის დროს აღბეჭდილი სამახსოვრო კადრები.
• ინდივიდუალურად მიწერეთ სტუმარს, თუ მასთან რაიმე საკითხის დაზუსტება იქნება საჭირო.
• უპასუხეთ გავრცელებულ შეკითხვებს წინასწარ შედგენილი, ჩასწორებადი მზა პასუხების მეშვეობით, ან შექმენით ამ მიზნით საკუთარი შაბლონები.
• წინასწარ დაგეგმეთ მზა პასუხების მნიშვნელოვან ეტაპებზე (მაგალითად, ჯავშნის გაფორმების მომენტში ან შეხვედრამდე ერთი დღით ადრე) ავტომატურად გაგზავნა.
• დაუკავშირდით Airbnb‑ს მხარდაჭერის გუნდს, ან მიწერეთ მასპინძელს, როცა აპს სტუმრის სტატუსით იყენებთ.

„მენიუ“ წვდომას განიჭებთ თქვენს შემოსავალზე, ანალიტიკასა და სხვადასხვა პარამეტრზე. ჩვენ შემოგთავაზებთ პერსონალურ რჩევებსა და საინფორმაციო რესურსებს, რომლებიც მასპინძლობის ბიზნესის განვითარებაში დაგეხმარებათ.

• გაარკვიეთ თქვენი შემოსავალი და მოამზადეთ ინდივიდუალური ანგარიშები შემოსავლის მართვის პანელიდან.
• გაეცანით სტუმრებისგან მიღებულ გამოხმაურებას და შეადარეთ თქვენი საერთო შეფასება სხვა მსგავსი შთაბეჭდილებებისას — ყოველივე ამას „ანალიტიკის“ სახეცვლილი სექციიდან შეძლებთ.
• მართეთ თქვენი ანგარიში და იპოვეთ სხვადასხვა სამასპინძლო რესურსი.

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.