ბრწყინვალე მიმოხილვის მიღების ხერხები

შეფასებები და მიმოხილვები ეხმარება სტუმრობის მსურველს, გადაწყვიტოს, რამდენად შესაფერისია მისთვის ესა თუ ის შთაბეჭდილება. დადებითი მიმოხილვები, შესაძლოა, მეტი ჯავშნისა და შემოსავლის მიღებაში დაგეხმაროთ.

დასაწყებად ისარგებლეთ ფასების დაწესების ხელსაწყოებით, რომლებიც ხელმისაწვდომია „განცხადებების“ ჩანართში, ასევე, ხელმისაწვდომობის პარამეტრებით თქვენს კალენდარში.

• დააწესეთ ფასდაკლებები. კონკრეტულ პერიოდზე, ასევე, ადრეულ დაჯავშნასა და დიდი ჯგუფებისთვის ფასდაკლებების შეთავაზება დაგეხმარებათ ჯავშნების მიღების დაწყებასა და კონკურენტუნარიანი ფასის შენარჩუნებაში.
• განსაზღვრეთ ხელმისაწვდომობა. აირჩიეთ, რამდენი ხნით ადრე შეეძლოთ სტუმრობის მსურველებს თქვენ მიერ განთავსებული შთაბეჭდილების დაჯავშნა. ნაგულისხმევად კალენდარში ყველაფერი მონიშნულია მიუწვდომლად.
• შეამცირეთ ბოლო ვადები. თუ სტუმრობის მსურველებს დაწყების დრომდე ცოტა ხნით ადრეც კი ექნებათ ჯავშნის გაფორმების საშუალება, შესაძლოა, მეტი ჯავშანი მიიღოთ.
• ყურადღება მიაქციეთ მოთხოვნას. გაარკვიეთ, ყველაზე ხშირად რომელ დღეებსა თუ პერიოდებში იჯავშნება შთაბეჭდილებები თქვენს რეგიონში (მაგალითად, შაბათ‑კვირებზე ან დღესასწაულებზე). ცალკეული ღონისძიება შეიძლება მეორდებოდეს როგორც მხოლოდ ერთხელ, ისე ყოველდღიურად ან ყოველკვირეულად.

სტუმრებისგან მიღებული გამოხმაურება დაგეხმარებათ ამა თუ იმ კომპონენტის ხარისხის გაუმჯობესებასა და თქვენი, როგორც მასპინძლის, რეპუტაციის გაძლიერებაში. კერძოდ, სტუმრებს ვთხოვთ, დატოვონ:

• საერთო შეფასება. თითოეულ შთაბეჭდილებას სტუმრები 1‑დან 5 ვარსკვლავამდე სკალით შეაფასებენ. საშუალო შეფასება შემდეგ აისახება როგორც თქვენს განცხადებაში, ისე ძიების შედეგებსა და თქვენს პროფილში.
• დეტალური შეფასებები. სტუმრები უფრო კონკრეტულ გამოხმაურებასაც მოგაწვდიან უნიკალურობის, კომპეტენტურობის, კავშირის, მდებარეობის, საიმედოობისა და ფასის ხარისხთან შეფარდების ცალ‑ცალკე შეფასების გზით.
• საჯარო მიმოხილვა. ის აისახება როგორც თქვენს პროფილში, ისე თქვენი განცხადების „მიმოხილვების“ სექციაში. თუ საჯარო მიმოხილვაზე პასუხის გაცემას გადაწყვეტთ, ისიც საჯაროდ გამოქვეყნდება სტუმრის მიერ დატოვებული მიმოხილვის ქვეშ.
• პირადი კომენტარი. ამ ტიპის გამოხმაურება არ დაერთვება თქვენს განცხადებას — მის გაცნობას მხოლოდ თქვენ შეძლებთ.

პირველი 3 მიმოხილვის მიღების შემდეგ ჩვენ შემოგთავაზებთ ანალიტიკურ ინფორმაციას სტუმრებისგან მიღებული გამოხმაურების საფუძველზე. Airbnb‑ს აპში „ანალიტიკის“ სექციაზე გადასასვლელად ისარგებლეთ მენიუთი.

მაღალრეიტინგული მასპინძლები ჰყვებიან, როგორ აჭარბებენ სტუმრების მოლოდინს სხვადასხვა კატეგორიის მიხედვით.

სტუმარ‑მასპინძლობასთან დაკავშირებული ამ რჩევების გარდა, მხედველობაში იქონიეთ Airbnb‑ს ძირითადი წესები მასპინძლებისთვის და უსაფრთხოდ მასპინძლობასთან დაკავშირებული მითითებები. აღნიშნულ დოკუმენტებში განმარტებულია ძირითადი მოთხოვნები შთაბეჭდილებათა ხარისხისა და უსაფრთხოების მიმართ.

ყველა მასპინძელი, ფოტო და განცხადებაში მითითებული ცნობა უნდა პასუხობდეს Airbnb‑ზე წარმოდგენილი შთაბეჭდილებების მიმართ მოქმედ სტანდარტებსა და მოთხოვნებს.

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.