განცხადების განთავსების წესი
კვლავ მოგესალმებით! ამ ეტაპზე შემდეგი ვარიანტები გაქვთ: დაწყებული სამუშაოს ნებისმიერ დროს დასრულება, არსებული განცხადების ნაწილობრივ დუბლირება ან ახლის შექმნა ნულიდან.
1. განცხადების შექმნის დასრულება
განცხადებები, რომლებიც შექმნის პროცესშია, დალაგებული იქნება ახლიდან ძველისკენ მიმდევრობით. თუ სამზე მეტ განცხადებაზე მუშაობთ, შეხებით აირჩიეთ ყველას ჩვენება სიის გასაშლელად. სასურველი განცხადების არჩევის შემდეგ მუშაობას იქიდან გააგრძელებთ, სადაც შეჩერდით. ამასთან, უკვე მითითებული დეტალების ჩასწორების საშუალებაც გექნებათ.
2. ახალი განცხადების შექმნა
ახალი განცხადების შესაქმნელად შეხებით აირჩიეთ + და მიჰყევით მითითებებს.
3. არსებული განცხადების დუბლირება
გამოიყენეთ არსებული განცხადების ფრაგმენტები ახლის შესაქმნელად. ეს დროის დაზოგვის კარგი ხერხია, განსაკუთრებით მათთვის, ვინც სტუმრებს სთავაზობს მსგავს საცხოვრებელ სივრცეებს (მაგალითად, რამდენიმე ცალკე ოთახს ერთ სახლში). სურვილისამებრ, შეგეძლებათ იგივე ფოტოები გამოიყენოთ ან ახლები დაამატოთ.
განცხადების განთავსება სულ 10 ძირითადი ნაბიჯის გავლით შეგიძლიათ:
- აირჩიეთ შეთავაზებული საცხოვრებლის ტიპი
- აღწერეთ ობიექტის ტიპი უფრო დეტალურად
- განსაზღვრეთ, იქნება თუ არა საცხოვრებელი მთლიანად სტუმრების განკარგულებაში
- მიუთითეთ მდებარეობა
- განსაზღვრეთ, რამდენი სტუმრის მასპინძლობა გსურთ
- მიუთითეთ საყოფაცხოვრებო პირობები
- დაამატეთ და დაალაგეთ საცხოვრებლის ფოტოები
- დაასათაურეთ შეთავაზებული საცხოვრებელი
- დაამატეთ აღწერილობა
- დააწესეთ ფასი ერთ ღამეზე
განცხადებაში ცვლილებების შეტანას მისი გამოქვეყნების შემდეგაც შეძლებთ. ამას გარდა, საშუალება გექნებათ, განსაზღვროთ, როგორ უმასპინძლებთ სტუმრებს: განაახლოთ კალენდარი, გადახედოთ გაუქმების პირობებს, დაადგინოთ სახლის წესები და არა მხოლოდ.