მდებარეობის მითითების წესი

ჯავშნის გაფორმებამდე სტუმრობის მსურველებმა, შესაძლოა, შეამოწმონ, რამდენად ახლოსაა საცხოვრებელი იმ ადგილებთან, რომელთა მონახულებასაც აპირებენ ისინი.

თქვენ თავად წყვეტთ, ძიების შედეგებში მოცემულ რუკაზე საცხოვრებლის მიახლოებითი მდებარეობა აისახოს თუ ზუსტი. ნებისმიერ შემთხვევაში, მისამართს სტუმრები მხოლოდ ჯავშნის დადასტურების შემდეგ შეიტყობენ.

1. მიუთითეთ ქუჩა და სახლის ნომერი. დაიწყეთ ტექსტის აკრეფა და აირჩიეთ სწორი მისამართი შემოთავაზებული ვარიანტებიდან.

2. დაადასტურეთ მისამართი. საჭიროებისამებრ, შეიტანეთ ცვლილებები — მაგალითად, დაამატეთ ბინის ნომერი.

3. შეამოწმეთ, რომ ნიშნული სწორ ადგილასაა. თუ სწორი ადგილი არ მოინიშნება, ჩავლებით გადაიტანეთ რუკა ნიშნულის გასასწორებლად.

4. აირჩიეთ რუკა. თქვენს განცხადებას დაერთვება რუკა, რომელზეც მოცემული იქნება საცხოვრებლის მიახლოებითი მდებარეობა, თუ თავად არ აირჩევთ ზუსტი მდებარეობის ჩვენებას.

• მიახლოებითი მდებარეობის შემთხვევაში რუკაზე მოინიშნება 1 კილომეტრზე მცირე რადიუსი საცხოვრებლის მისამართის გარშემო.
• ზუსტი მდებარეობის შემთხვევაში რუკაზე დაისმება ნიშნული ქუჩების უახლოეს კვეთასთან, საცხოვრებლის კონკრეტული მდებარეობის აღნიშვნის გარეშე.

მომდევნო ეტაპზე გადასვლამდე კარგად შეამოწმეთ ინფორმაცია, საჭიროებისამებრ კი გაასწორეთ შეცდომები. პირველი ჯავშნის დადასტურების შემდეგ ცვლილებების შეტანა შესაძლებელი იქნება მხოლოდ Airbnb‑ს მხარდაჭერის გუნდთან დაკავშირების გზით.