საცხოვრებლისთვის საინტერესო სათაურის შერჩევა

სათაური საცხოვრებლის გამორჩეულობის ხაზგასმის შესანიშნავი ხერხია. შეეცადეთ, ის მაქსიმალურად მოკლე იყოს — არ არის აუცილებელი, 50‑ვე სიმბოლო გამოიყენოთ.

აი, 3 კარგი მაგალითი:

• ზღვისპირა სახლი კაიაკებით
• ოთახი ვიქტორიანული ატმოსფეროთი
• ეკოლოგიურად სუფთა სტუდიო LAX‑თან

სათაურის შედგენისას დაფიქრდით, რით არის საინტერესო და უნიკალური თქვენ მიერ სტუმრებისთვის შეთავაზებული ვარიანტი. ნუ შეეცდებით ყველაფრის სათაურშივე ჩაქსოვას — დააინტერესეთ სტუმრობის მსურველები, რომ მათ დამატებითი ინფორმაციის მიღების სურვილი გაუჩნდეთ.

საინტერესო სათაურზე შესაჯერებლად დაიხმარეთ შემდეგი რჩევები:

• ჩამოწერეთ რამდენიმე სიტყვა, რომლებიც საცხოვრებელს კონკრეტულად აღწერს, მაგალითად, „მშვიდი“, „ნათელი“ ან „ცენტრში მდებარე“.
• აღნიშნეთ საცხოვრებლის ის მახასიათებლები, რომლებიც დიდი ალბათობით დააინტერესებს სტუმრობის მსურველებს, მაგალითად, პოპულარულ ადგილთან სიახლოვე.
• გამოტოვეთ ინფორმაცია, რომელიც ისედაც ჩნდება ძიების შედეგებში, მაგალითად, ქალაქი ან საწოლების რაოდენობა.
• თუ სათაურში იყენებთ დამწერლობას, რომელშიც მთავრული ასოები გამოიყენება, მთავრული უნდა იყოს მხოლოდ პირველი სიტყვის პირველი ასო და საკუთარი სახელები.
• ნუ გამოიყენებთ ემოჯიებსა და სპეციალურ სიმბოლოებს.

სათაურის შეცვლას ნებისმიერ დროს შეძლებთ. ბევრი მასპინძელი ასეც იქცევა ხოლმე საყოფაცხოვრებო პირობების დამატებისას ან პირველი სტუმრებისგან მიღებული გამოხმაურების საფუძველზე.