შთაბეჭდილების შესახებ განცხადების მომზადება ჯავშნების მისაღებად
გილოცავთ შთაბეჭდილების იდეის დადასტურებას Airbnb‑ზე! განცხადების გამოქვეყნების შემდეგ პირველი სტუმრები რომ დააინტერესოთ, ორიოდე რჩევას გაგიზიარებთ.
განბლოკეთ თარიღები კალენდარში
თქვენ მიერ შეთავაზებული შთაბეჭდილების დაჯავშნა შესაძლებელი რომ იყოს, კალენდარი უნდა გამართოთ. გადაწყვიტეთ, რა სიხშირით შესთავაზებთ სტუმრებს აქტივობას, მისი ხანგრძლივობის, ასევე, თქვენი ხელმისაწვდომობისა და ბიზნესმიზნების გათვალისწინებით.
საწყის ეტაპზე აირჩიეთ თარიღი მასპინძლობისთვის, შემდეგ კი შეეხეთ ღილაკს შთაბეჭდილების დაგეგმვა. აირჩიეთ დრო, ჯავშნის ტიპი, ფასი, ჯგუფის სიდიდე და სხვა პარამეტრები. დაინტერესებული პირები უფრო მარტივად იპოვიან მათთვის ხელსაყრელ თარიღსა და დროს, თუ შთაბეჭდილება შეთავაზებული გექნებათ თვეში მინიმუმ 10‑ჯერ, მათ შორის, ყოველი შაბათ‑კვირიდან ერთ‑ერთ დღეს მაინც.
ჯავშნების მიღების ალბათობის გაზრდის მიზნით, მრავალი მასპინძელი განსაზღვრავს დაახლოებით მომდევნო ორი თვის ხელმისაწვდომობას. ყოველდღიურად შეთავაზებული შთაბეჭდილების ჩასმა შესაძლებელია მაქსიმუმ 60 მომდევნო დღის განრიგში, ყოველკვირეულის კი — მაქსიმუმ მომდევნო 52 კვირის განრიგში.
ჯავშნების გაუქმება რომ არ მოგიწიოთ, არ დაგავიწყდეთ იმ თარიღების დაბლოკვა, რომლებშიც მასპინძლობას ვერ ახერხებთ. გარკვეული დროის დაბლოკვა აქტივობებს შორისაც შეგიძლიათ მოსამზადებელი სამუშაოებისა თუ დასუფთავებისთვის.
დააწესეთ კონკურენტუნარიანი ფასი
Airbnb‑ს მეშვეობით შთაბეჭდილების დაჯავშნისას ბევრი სტუმარი ყურადღებას აქცევს ფასს. კონკურენტუნარიანი ფასის დაწესება დაგეხმარებათ, თქვენი განცხადება უფრო შესამჩნევად აქციოთ.
პირველ რიგში, გაარკვიეთ, რა თანხა გჭირდებათ ხარჯების დასაფარად. ამის შემდეგ დაფიქრდით, ხომ არ ჯობს ერთ ადამიანზე დაწესებული ფასის შემცირება, მეტი სტუმარი რომ დააინტერესოთ, რაც შემოსავლის გაზრდაში დაგეხმარებათ. მაგალითად:
- 4 სტუმრისგან მიღებული თითო ჯავშანი 75 აშშ დოლარად = 300 USD
- 8 სტუმრისგან მიღებული თითო ჯავშანი 60 აშშ დოლარად = 480 USD
პირველი სტუმრები რომ დააინტერესოთ და საწყის ეტაპზევე მიიღოთ მიმოხილვები, ახალ შთაბეჭდილებაზე პრომოაქციის დაწესებაც შეგიძლიათ. პრომოაქცია სტუმრობის მსურველთათვის 5‑დან 50%‑მდე ფასდაკლების შეთავაზებას გულისხმობს 30 დღის განმავლობაში.
მინიმუმ 20%‑იანი ფასდაკლების არჩევის შემთხვევაში, ფასდაკლებული ფასი გადახაზული თავდაპირველი ფასის გვერდით იქნება ნაჩვენები Airbnb‑ზე ძიების შედეგებში. შეთავაზების მოქმედების დასრულების შემდეგ ფასი თავდაპირველ მნიშვნელობას დაუბრუნდება.
პრომოაქციის დასაწესებლად:
- გადადით თქვენს განცხადებაზე, შემდეგ კი შეხებით აირჩიეთ ჩასწორება
- გადადით ფასების პარამეტრებზე, შემდეგ კი შეხებით აირჩიეთ ფასდაკლებები
- სპეცშეთავაზებების სექციიდან გახსენით პრომოაქცია ახალ შთაბეჭდილებაზე, შემდეგ კი შეხებით აირჩიეთ შეთავაზების შექმნა
ფასებსა და სხვა პარამეტრებს ყოველთვის თავად აკონტროლებთ. თქვენი შედეგები, შესაძლოა, განსხვავდებოდეს სხვა მასპინძლების შედეგებისგან.
სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.