კომპეტენტურობის ხაზგასმის ხერხები

სტუმრებს მოსწონთ, როცა მასპინძელი მათ განსხვავებულ რაკურსს სთავაზობს და ისინი რაღაც ახალს სწავლობენ. მოუყევით მათ თქვენ შესახებ და გაუზიარეთ პრაქტიკული ცოდნა, რომ ერთად გატარებული დრო კიდევ უფრო განსაკუთრებულად აქციოთ.

სტუმრებთან ურთიერთობა არა მხოლოდ ნდობას განამტკიცებს, არამედ ეხმარება მათ, უკეთ გაიგონ, კონკრეტულად რა გაკავშირებთ თქვენ მიერ მომზადებულ აქტივობასთან.

• იყავით სხვებისგან გამორჩეული. აცნობეთ სტუმრებს, რა იცით და რა შეგიძლიათ.
• მოყევით ამბები. დაგეგმეთ აქტივობები, რომლებიც კავშირშია თქვენს გამოცდილებასთან, რომ სტუმრებს ბევრი უნიკალური მომენტი აჩუქოთ.

დებორას, რომელიც კულინარიის გაკვეთილებს რომში, საკუთარ სახლში უძღვება, თვალსაჩინო ადგილას აქვს გამოფენილი სომელიესა და შეფმზარეულის სერტიფიკატები, რომ სტუმრებს შეკითხვების დასმა არ მოერიდოთ. კედელზე დებორას იმ ბებიის ფოტოც უკიდია, რომლისგანაც მან ბევრი რამ ისწავლა. „ერთმანეთს ამბებს და რეცეპტებს ვუზიარებთ“, — ამბობს დებორა და დასძენს: „მიმოხილვებში სტუმრები არა მხოლოდ საჭმელს აღნიშნავენ, არამედ იმასაც, თუ რამდენად სასიამოვნოდ გაატარეს დრო ერთმანეთთან ურთიერთობაში“.

თქვენი, როგორც მასპინძლის, მნიშვნელოვანი მომენტების სექცია, რომელიც განცხადებაშია მოცემული, თქვენდამი ნდობის განმტკიცებასა და სტუმრებისთვის შეთავაზებული შთაბეჭდილების ხარისხის დემონსტრირებას უწყობს ხელს. აღნიშნეთ მასში მეტი დეტალი, რომ უფრო გამოირჩეოდეთ სხვების ფონზე, ასევე, ჩაასწორეთ ინფორმაცია, როგორც კი პროფესიულ ცხოვრებაში ახალი მიღწევა გექნებათ.

• შეადგინეთ შესავალი ტექსტი. დაფიქრდით, როგორ ჯობს, წარუდგინოთ სტუმრობის მსურველებს საკუთარი თავი და თქვენეული ხედვა.
• აღწერეთ თქვენი გამოცდილება. დიპლომებისა და სერტიფიკატების ხსენება სტუმრობის მსურველებს თქვენი უნარ‑ჩვევების შესახებ წარმოდგენას შეუქმნის.
• არ დაგავიწყდეთ მიღებული აღიარება. ჯილდოების, პრემიებისა და პრესაში პუბლიკაციების აღნიშვნა დაარწმუნებს სტუმრობის მსურველებს თქვენს კომპეტენტურობაში.

მაგალითად, ჯიბი, რომელიც ბანგკოკში კულინარიის გაკვეთილს უძღვება, განცხადებაში ამბობს, რომ ის ერთ დროს სვეტს წერდა საჭმელზე. ტერეზა, რომელიც ლისაბონში ღვინის დეგუსტაციის გაკვეთილს უძღვება, აცხადებს, რომ ის სომელიე და პორტვეინის სერტიფიცირებული სპეციალისტია. რაც შეეხება ტომასოს, რომელიც რომში სახელოვნებო-საფეხმავლო ტურს უძღვება, ის წერს, რომ მულტიდისციპლინური ხელოვანია, რომლის ნამუშევრებიც გამოფენილა ისეთ საკულტო სივრცეებში, როგორიცაა Fondazione Pastificio Cerere.

ყველა მასპინძელი, ფოტო და განცხადებაში მითითებული ცნობა უნდა პასუხობდეს Airbnb‑ზე წარმოდგენილი შთაბეჭდილებების მიმართ მოქმედ სტანდარტებსა და მოთხოვნებს.

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.