წარმატებით გამკლავება არასეზონთან

ზოგჯერ ყველაზე მოთხოვნადი საცხოვრებლების შემთხვევაშიც კი მცირდება ჯავშნების რაოდენობა. ამ სტატიიდან შეიტყობთ, როგორ გამოიყენოთ Airbnb‑ზე შემოთავაზებული ხელსაწყოები საცხოვრებლისადმი ყურადღების მისაპყრობად მაშინაც კი, როცა სტუმრობის ცოტა მსურველია.

ფასის რეგულარული კორექტირება შესაძლოა, კონკურენტუნარიანობის შენარჩუნებაში დაგეხმაროთ. გირჩევთ, თქვენთვის სასურველი თანმიმდევრობით შეასრულოთ შემდეგი:

• დააწესეთ შაბათ‑კვირის ინდივიდუალური ფასი. თუ ყოველ ღამეზე ერთი და იგივე ფასი გაქვთ დაწესებული, შეგიძლიათ, სამუშაო დღეებისთვის განსაზღვროთ პარასკევისა და შაბათის ღამეებისგან განსხვავებული ფასი. ღამეების მიხედვით ფასის ცვლა მაქსიმალურად მეტი ჯავშნის მიღებაში შეგიწყობთ ხელს.
• შეადარეთ მსგავსი საცხოვრებლები. ძიების შედეგებში უფრო მაღალ პოზიციებზე ხვდება ხოლმე განცხადებები იმ საცხოვრებლების შესახებ, რომელთა ფასიც მსგავსი ახლომდებარე ვარიანტებისაზე დაბალია. გირჩევთ, ჩაასწოროთ ფასი ერთ ღამეზე თქვენ მახლობლად დაჯავშნილი და დაუჯავშნელი საცხოვრებლების ფასების გათვალისწინებით.

მსგავსი ახლომდებარე საცხოვრებლების საშუალო ფასების თქვენი რეგიონის რუკაზე სანახავად გადადით თქვენი განცხადების კალენდარზე და აირჩიეთ თარიღთა დიაპაზონი 31 დღის ფარგლებში. საცხოვრებელი ობიექტების მსგავსებას განაპირობებს სხვადასხვა ფაქტორი — მაგალითად, მდებარეობა, ფართობი, თავისებურებები, საყოფაცხოვრებო პირობები, შეფასებები, მიმოხილვები და ის, თუ სხვა რომელ ვარიანტებს ეცნობიან სტუმრობის მსურველები თქვენი განცხადების პარალელურად.

„ჩემ მიერ განთავსებულის მსგავს საცხოვრებლებს ყოველთვის ვაკვირდები, ფასის კონკურენტუნარიანობაში დარწმუნებული რომ ვიყო“, — გვიზიარებს კეიტი, მრჩეველ მასპინძელთა საბჭოს წევრი პალმ‑სპრინგზიდან (კალიფორნია, აშშ), და დასძენს: „არასეზონზე განსაკუთრებით მნიშვნელოვანია მოქნილი პირობები, თუ ნამდვილად გსურთ სტუმრობის მსურველთა დაინტერესება“.

მინიმუმ 7 ღამის ხანგრძლივობის სტუმრობებზე ფასდაკლებების დაწესება დაგეხმარებათ ძიების შედეგებში განცხადების პოზიციის გაუმჯობესებასა და სტუმრების ხშირი ცვლით გამოწვეული საზრუნავის შემცირებაში, ხანმოკლე სტუმრობებით კი კალენდარს უფრო დიდი ალბათობით შეავსებთ.

• დააწესეთ ფასდაკლება ერთ კვირაზე. მინიმუმ 10%‑იანი ფასდაკლებების შემთხვევაში განცხადების გვერდსა და ძიების შედეგებში განთავსდება სპეციალური აღნიშვნა. ფასდაკლებული ფასი მითითებული იქნება გადახაზული თავდაპირველი ფასის გვერდით.
• შეამცირეთ სტუმრობის მინიმალური ხანგრძლივობა. სტუმრობის მინიმალური ხანგრძლივობის განსაზღვრა იმის მიხედვითაც შეგიძლიათ, თუ კვირის რომელ დღეს იგეგმება დაბინავება. თუ მოთხოვნა შაბათ‑კვირას უფრო მაღალია, ერთი ღამით სტუმრობის დაშვება შეგიძლიათ შუა კვირაში, მაგრამ არა პარასკევს ან შაბათს დაბინავების შემთხვევაში.

„არასეზონზე ყოველთვის ვამცირებ სტუმრობის მინიმალურ ხანგრძლივობას, რამდენიმე ღამით სტუმრობის მსურველები რომ დავაინტერესო“, — გვიზიარებს ფელისიტი, სუპერმასპინძელი სიდნეიდან (ავსტრალია).

განახლებული ინფორმაცია რეალისტურ მოლოდინს ქმნის და სტუმრობის მსურველებს ეჭვებს უქარწყლებს, რაც განსაკუთრებით მნიშვნელოვანია არასეზონზე.

• შექმენით ფოტოტური. Airbnb‑ზე არსებული ხელსაწყო ავტომატურად გადაანაწილებს თქვენ მიერ ატვირთულ ფოტოებს ოთახების მიხედვით, რაც დაეხმარება სტუმრობის მსურველებს, უკეთ წარმოიდგინონ საცხოვრებლის განლაგება. სურვილისამებრ, შეგეძლებათ ფოტოების გადაადგილება, წაშლა და დამატება, ასევე, თითოეული ოთახისთვის დეტალური ინფორმაციის მითითება და ფოტოებისთვის წარწერების დართვა.
• მოამზადეთ საცხოვრებლიდან გასვლის მკაფიო ინსტრუქცია. აუხსენით სტუმრებს, აუცილებლად რა უნდა გააკეთონ წასვლამდე (მაგალითად, ყველაფერი დაკეტონ). ეს ინფორმაცია ჯავშნის გაფორმებამდე ყველასთვის იქნება ხელმისაწვდომი, სტატისტიკურად კი საცხოვრებლები, რომელთა შემთხვევაშიც სტუმრებისთვის მომზადებულია გასვლის ინსტრუქცია, უფრო მეტად იჯავშნება. სტუმრებით თქმით, მათ საცხოვრებლიდან გასვლისას მაქსიმალურად ცოტა ამოცანის შესრულება ურჩევნიათ, ამიტომ თქვენც გაითვალისწინეთ ეს გარემოება.

მსოფლიო მასშტაბით მასპინძელთა ასობით კლუბია, რომლებშიც Airbnb‑თი მოსარგებლე მასპინძლები ურთიერთობენ და ერთმანეთისგან რაღაც ახალს სწავლობენ. ჩვენი დაკვირვებით, ადგილობრივ კლუბებში გაწევრიანებული მასპინძლები ორჯერ მეტ შემოსავალს იღებენ დანარჩენებთან შედარებით,* სუპერმასპინძლის სტატუსის მოპოვების ალბათობა კი მათ შემთხვევაში დაახლოებით სამჯერ დიდია.**

კლუბებში აქტიურად მიმდინარეობს, მაგალითად:

• რჩევების გაცვლა მასპინძლობით მეტი შემოსავლის მიღების ხერხებთან დაკავშირებით;
• მოკლევადიან გაქირავებასთან დაკავშირებული რეგულაციების განხილვა;
• საიმედო დამლაგებლების, სანტექნიკოსებისა და სხვა ადგილობრივი სპეციალისტების შესახებ ინფორმაციის გაზიარება;
• სხვადასხვა ჯგუფური ღონისძიების ორგანიზება.

* ეფუძნება 2022 წლის სექტემბრიდან 2023 წლის სექტემბრამდე Airbnb‑ს მიერ შეგროვებულ შიდა მონაცემებს. საერთაშორისო მასშტაბით შედარებული იყო Airbnb‑ზე მასპინძელთა კლუბების წევრებისა და ერთობლივად ყველა მასპინძლის საშუალო შემოსავალი და საშუალო შეფასებები. შემოსავალთან დაკავშირებული მონაცემები განსხვავდება მდებარეობის, სეზონისა და საცხოვრებლის ტიპის მიხედვით.

** ეფუძნება შიდა მონაცემებს, რომლებიც Airbnb‑მ შეაგროვა 2023 წლის ივლისიდან 2024 წლის ივლისამდე პერიოდში გაწევრიანებული მასპინძლების მიერ სუპერმასპინძლის სტატუსის მოპოვებასთან დაკავშირებით.

ფასებსა და სხვა პარამეტრებს ყოველთვის თავად აკონტროლებთ. თქვენი შედეგები, შესაძლოა, განსხვავდებოდეს სხვა მასპინძლების შედეგებისგან.

ინტერვიუებში მონაწილეობისთვის მასპინძლებმა კომპენსაცია მიიღეს.

მასპინძლობასთან დაკავშირებული რჩევები ექვემდებარება ადგილობრივ კანონმდებლობას.

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.