Wi‑Fi კავშირის სიჩქარის შემოწმების ახალი ხელსაწყო მეტი სტუმრის დასაინტერესებლად

სწრაფი ინტერნეტი ბევრ სტუმარს სჭირდება, განსაკუთრებით კი — მათ, ვინც დისტანციურად მუშაობს. Airbnb‑ს მიერ ჩატარებული კვლევის მიხედვით, Wi‑Fi კავშირს სტუმრობის მსურველები ყველაზე ხშირად ეძებენ, ხოლო საყოფაცხოვრებო პირობებში ლეპტოპით მუშაობისთვის შესაფერისი სივრცის მითითება ზოგ მასპინძელს მეტი შემოსავლის მიღებაში დაეხმარა.*

სტუმრებისთვის მნიშვნელოვანია, იცოდნენ Wi‑Fi კავშირის სიჩქარე (მაგალითად, შეძლებენ თუ არა ფილმების ყურებას ან ვიდეოზარების უპრობლემოდ განხორციელებას), ამიტომ მასპინძლებს ამიერიდან საშუალებას ვაძლევთ, Airbnb‑ს აპიდანვე შეამოწმონ Wi‑Fi კავშირის სიჩქარე, მიღებული შედეგი კი პირდაპირ განცხადებაში გამოაქვეყნონ.

Wi‑Fi კავშირის სიჩქარის შემოწმება ამჟამად შესაძლებელია Airbnb‑ს აპში iOS‑ისა და Android‑ისთვის. პირველ რიგში, საჭიროა, დაუკავშირდეთ Wi‑Fi ქსელს სტუმრებისთვის შეთავაზებულ საცხოვრებელში.

ამის შემდეგ შეასრულეთ შემდეგი:

1. შეხებით აირჩიეთ პროფილი , შემდეგ კი — მასპინძლის რეჟიმი
2. შეხებით აირჩიეთ განცხადებები და შემდეგ — სასურველი განცხადება
3. სექციიდან საცხოვრებლის შესახებ გადადით საყოფაცხოვრებო პირობებზე
4. გადადით სექციაზე Wi‑Fi და შეხებით აირჩიეთ დეტალების მითითება
5. შეხებით აირჩიეთ Wi‑Fi კავშირის სიჩქარის შემოწმება (საჭირო იქნება მდებარეობის გამოყენების დაშვება)
6. შეხებით აირჩიეთ შემოწმების დაწყება
7. შემოწმების შედეგი განცხადების გვერდზე რომ გამოაქვეყნოთ, შეხებით აირჩიეთ შენახვა
8. თუ თქვენი Wi‑Fi კავშირის სიჩქარე მინიმუმ 50 მბიტი/წმ იქნება, თქვენს განცხადებაში მივუთითებთ, რომ სტუმრებისთვის შეთავაზებული გაქვთ სწრაფი Wi‑Fi

ვრცლად სტუმრებისთვის Wi‑Fi კავშირის შეთავაზების შესახებ

ინტერნეტის სიჩქარე იზომება მეგაბიტ‑წამებში და განსაზღვრავს, რამდენად სწრაფია კავშირი. Wi‑Fi კავშირის სიჩქარის შემოწმების შედეგებს შემდეგი მნიშვნელობები აქვს:

• მონაცემები არ მოიძებნა: Wi‑Fi კავშირი არ არის. Wi‑Fi კავშირი არ გაქვთ, ან ქსელთან დაკავშირება ვერ ხერხდება. სცადეთ, გადატვირთოთ როუტერი ან საცხოვრებელში სხვა ადგილას გადაინაცვლოთ.
  
• 1–6 მბიტი/წმ: ჩვეულებრივი Wi‑Fi. სტუმრები შეძლებენ შეტყობინებების შემოწმებასა და ვებსაიტების დათვალიერებას.
  
• 7–24 მბიტი/წმ: სტაბილური Wi‑Fi. სტუმრები შეძლებენ HD‑ხარისხის ვიდეოების ჩატვირთვას.
  
• 25–49 მბიტი/წმ: საკმაოდ სწრაფი Wi‑Fi. სტუმრები შეძლებენ მაღალი, 4K‑ხარისხის ვიდეოების ჩატვირთვასა და ვიდეოზარებში ჩართვას.
  
• 50‑ზე მეტი მბაიტი/წმ: სწრაფი Wi‑Fi. სტუმრები შეძლებენ 4K‑ხარისხის ვიდეოების ჩატვირთვასა და ვიდეოზარებში ჩართვას ერთდროულად რამდენიმე მოწყობილობიდან. თქვენს განცხადებაში მივუთითებთ, რომ Wi‑Fi სწრაფია.

ვრცლად ინტერნეტის სიჩქარის შემოწმების შესახებ

შემოწმების დასრულებისა და მიღებული შედეგის შენახვის შემდეგ Wi‑Fi კავშირის სიჩქარე (მბიტ/წმ) მიეთითება საყოფაცხოვრებო პირობების სიაში — Wi‑Fi‑ს გვერდით, რომ სტუმრებს ჯავშნის გაფორმებამდე ჰქონდეთ წარმოდგენა ინტერნეტის სიჩქარის შესახებ.

თუ Wi‑Fi კავშირის სიჩქარე მინიმუმ 50 მბიტი/წმ იქნება, თქვენი განცხადების გვერდზე ახალი საყოფაცხოვრებო პირობა — „სწრაფი Wi‑Fi“ გამოჩნდება.

ვინაიდან Wi‑Fi კავშირი უაღრესად მნიშვნელოვანი საყოფაცხოვრებო პირობაა, ჩვენ მოგიმზადეთ ხელსაწყო, რომლის მეშვეობითაც Wi‑Fi კავშირის სიჩქარეს სტუმრებს მარტივად გააცნობთ და Airbnb‑ზე განთავსებული თქვენი განცხადებით მეტ მათგანს დააინტერესებთ.

*Airbnb‑ს მიერ 2020 წლის 1 სექტემბრიდან 2021 წლის 1 სექტემბრამდე ყველაზე მოთხოვნადი საყოფაცხოვრებო პირობების შესახებ შეგროვებული შიდა მონაცემების მიხედვით.