Airbnb‑ზე შთაბეჭდილებების განთავსების მსურველთა მიმართ მოქმედი მოთხოვნები

Airbnb‑შთაბეჭდილებები დროის გატარების სრულად გადააზრებული ვარიანტებია, რომლებსაც თავიანთი საქმის მცოდნე ადგილობრივები უძღვებიან. მათ მიეკუთვნება უნიკალური ტურები, დეგუსტაციები, გარე აქტივობები, მასტერკლასები და სხვა.

Airbnb‑ზე წარმოდგენილი შთაბეჭდილებები შემოწმებულია ხარისხზე. ამასთან, ყველა მასპინძელი, თანამასპინძელი თუ განცხადება უნდა პასუხობდეს ჩვენს სტანდარტებსა და მოთხოვნებს. ქვემოთ გაგაცნობთ რამდენიმე მნიშვნელოვან ასპექტს.

• ვინაობის დადასტურება: თქვენ უნდა დაადასტუროთ ვინაობა, ზოგიერთ შემთხვევაში კი გაიაროთ სხვა ტიპის შემოწმებები (მაგალითად, ბიოგრაფიული მონაცემების).
• ლიცენზიები და სერტიფიკატები: უნდა გქონდეთ სტუმრებისთვის შეთავაზებული აქტივობის შესაბამისი მოქმედი ლიცენზიები, სერტიფიკატები და დაზღვევა. საჭიროების შემთხვევაში დაგჭირდებათ მათი ქონის დამადასტურებელი დოკუმენტების წარმოდგენა.
• ცოდნა: საჭიროა პროფილური განათლება ან შესაბამისი გამოცდილება (გავლილი სასწავლო კურსი, სტაჟირება, გამოცდილება ოჯახის ბიზნესში და ა.შ.). შესაძლოა, თქვენს განცხადებაში მითითებული განათლების, სამუშაო გამოცდილების ან ჯილდოების/მიღწევების შემოწმება დაგვჭირდეს.
• აქტივობა: სტუმრებისთვის ორგანიზებული აქტივობა კავშირში უნდა იყოს ადგილობრივ კულტურასთან, სამზარეულოსთან ან ცალკეულ ადამიანებთან. სტუმრებს უნდა მიეცეთ აქტიური მონაწილეობისა და ერთმანეთთან (მათ შორის, თქვენთან) ურთიერთობის საშუალება.
• ადგილი: მდებარეობად უნდა შეირჩეს უსაფრთხო, სუფთა, კომფორტული და აქტივობის შესაბამისად აღჭურვილი ადგილი.

• ფოტოები: უნდა წარმოადგინოთ მინიმუმ 5 მაღალხარისხიანი, ფერადი ფოტო. ატვირთეთ იმდენი ფოტო, რამდენიც საჭიროა, რომ სტუმრებს მკაფიო წარმოდგენა შეექმნათ თქვენ მიერ ორგანიზებული შთაბეჭდილების შესახებ.
• სათაური: გაამახვილეთ ყურადღება მთავარ აქტივობაზე. დაიწყეთ სათაურის შედგენა მოქმედებასთან დაკავშირებული ზმნით, რომელიც შეესაბამება იმას, რაც წინ ელით სტუმრებს — მაგალითად, „აღმოაჩინეთ“, „გასინჯეთ“ ან „შეიგრძენით“.
• აღწერილობა: განავრცეთ სათაური ისეთი დეტალების მითითებით, რომლებიც სტუმრობის მსურველს შთაბეჭდილების დაჯავშნის სურვილს გაუჩენს. მაგალითად, მოკლედ მოყევით თქვენსა და იმის შესახებ, თუ რით გამოირჩევა თქვენ მიერ შერჩეული მდებარეობა.
• სტუმრობის გეგმა: მიმოიხილეთ, კონკრეტულად რა ელით წინ სტუმრებს დასაწყისიდან დასასრულამდე, რომ მარტივად გადაწყვიტონ, რამდენად შეესაბამება თქვენ მიერ მომზადებული შთაბეჭდილება მათ საჭიროებებს. მიუთითეთ მინიმუმ ერთი აქტივობა.

ახალი განაცხადები და შთაბეჭდილებების შესახებ დამტკიცებულ განცხადებებში შეტანილი ცვლილებები შემოწმებას გადის.

• ჯავშნები: პატივი ეცით სხვის დროს და შეეცადეთ, არ გააუქმოთ ჯავშნები საფუძვლიანი მიზეზის გარეშე.
• მიმოწერა: ოპერატიულად უპასუხეთ სტუმრებს შეხვედრის დაწყების დრომდე.
• უსაფრთხოება: შეარჩიეთ უსაფრთხო ადგილი, ჩაუტარეთ სტუმრებს ინსტრუქტაჟი და უზრუნველყავით ისინი სათანადო აღჭურვილობით ტრავმების თავიდან ასაცილებლად. შეიმუშავეთ სამოქმედო გეგმა საგანგებო სიტუაციებისთვის.
• შეფასებები: იზრუნეთ სტუმრებისგან მაღალი შეფასებების მიღებაზე.
• განცხადება: განცხადებაში მითითებული ცნობები უნდა იყოს ზუსტი. აღნიშნული მოიცავს როგორც მდებარეობას, ისე დაწყებისა და დასრულების საათებს, ინფორმაციას თანამასპინძლების შესახებ (ასეთების არსებობის შემთხვევაში) და მოთხოვნებს სტუმრების მიმართ (მაგალითად, ასაკობრივ შეზღუდვას ან აქტივობისთვის საჭირო მომზადების დონეს).

შემოწმება მუდმივად მიმდინარეობს. Airbnb ეცნობა სტუმრებისგან მიღებულ გამოხმაურებას, მასპინძლების მხრიდან ჯავშნების გაუქმების შემთხვევებსა და მომხმარებელთა მხარდაჭერის გუნდისთვის შეტყობინებულ პრობლემებს შთაბეჭდილებების უსაფრთხოებასა და ხარისხთან დაკავშირებით.

ზემოაღნიშნულის გარდა, უნდა დაიცვათ როგორც Airbnb‑ს მომსახურების პირობები, ისე ძირითადი წესები მასპინძლებისთვის და უსაფრთხოდ მასპინძლობასთან დაკავშირებული მითითებები.

მასპინძლებს, რომლებიც დაარღვევენ ჩვენს სტანდარტებსა და მოთხოვნებს, განცხადებისა თუ ანგარიშის მოქმედების შეჩერება ან წაშლა დაემუქრებათ. სრულად გაეცანით Airbnb‑ზე წარმოდგენილი შთაბეჭდილებების მიმართ მოქმედ სტანდარტებსა და მოთხოვნებს.

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.