სიახლე: სრულად გადააზრებული შთაბეჭდილებები Airbnb‑ზე

ადგილობრივივით ცხოვრების შესაძლებლობა ერთ‑ერთი მთავარი მიზეზია, რატომაც სტუმრები Airbnb‑ს მეშვეობით ჯავშნიან საცხოვრებლებს. ამის მიუხედავად, ახალ ადგილას ჩასული ადამიანისთვის ყოველთვის იოლი არ არის დროის საინტერესოდ გატარების ვარიანტების პოვნა. როგორც მასპინძელს, შეგიძლიათ იზრუნოთ, რომ თითოეული სტუმრობა კიდევ უფრო დასამახსოვრებელი იყოს და ურჩიოთ სტუმრებს Airbnb‑ზე წარმოდგენილი ის შთაბეჭდილებები, რომლებიც შემოთავაზებულია თქვენ მიერ განთავსებულ საცხოვრებელთან ახლოს.

Airbnb‑შთაბეჭდილებები დროის გატარების სრულად გადააზრებული ვარიანტებია, რომლებსაც თავიანთი საქმის მცოდნე ადგილობრივები უძღვებიან. თითოეული აქტივობა საშუალებას აძლევს სტუმრებს, უფრო ახლოს გაიცნონ მათთვის ახალი ადგილი.

შთაბეჭდილებები შემოთავაზებულია მსოფლიოს სხვადასხვა წერტილში — სტუმრებს მარტივად შეუძლიათ მათი პოვნა და სტუმრობის პერიოდისთვის დაჯავშნა. კერძოდ, ასარჩევად ხელმისაწვდომია ქვემოთ ჩამოთვლილი ვარიანტები.

• ადგილობრივი კულტურა: ღირსშესანიშნაობები, მუზეუმები, პოპულარული ადგილები, ცოცხალი წარმოდგენები და ა.შ.
• გასტრონომია: კულინარიის გაკვეთილები, დეგუსტაციები და სხვა აქტივობები გურმანთათვის.
• თავგადასავლები ღია ცის ქვეშ: ექსპედიციები, საწყლოსნო სპორტი, ფრენა და ა.შ.
• ხელოვნება: გალერეები, არქიტექტურული ძეგლები, სახელოვნებო სახელოსნოები და ა.შ.
• სხეულსა და გონებაზე ზრუნვა: ვარჯიშები, გამაჯანსაღებელი გაკვეთილები, შთაბეჭდილებები სილამაზის თემაზე და ა.შ.

Airbnb‑ზე წარმოდგენილი შთაბეჭდილებები შემოწმებულია ხარისხზე მასპინძლის ცოდნის, რეპუტაციისა და აქტივობების ავთენტიკურობის მიხედვით. ჩვენ მოგვიანებითაც განვაგრძობთ მათზე რეგულარულ დაკვირვებას, რადგან თითოეული შთაბეჭდილება ყოველთვის უნდა პასუხობდეს ჩვენს სტანდარტებს.

მრავალ ქალაქში სტუმრებს „Airbnb‑ექსკლუზივების“ პოვნაც შეუძლიათ. ეს არაჩვეულებრივი შთაბეჭდილებები მომზადებულია საგანგებოდ Airbnb‑სთვის და მათ მსოფლიოში ერთ‑ერთი ყველაზე საინტერესო ადამიანები უძღვებიან. მაგალითად, სტუმრებს შეუძლიათ ნამდვილ რინგზე მოსინჯონ თავიანთი ძალები ლუჩა ლიბრეში, რაშიც მათ პროფესიონალი მექსიკელი მოჭიდავე დაეხმარებათ.

სტუმრობა კიდევ უფრო დასამახსოვრებელი რომ იყოს, შეგიძლიათ იმ შთაბეჭდილებების რეკომენდება, რომლებიც ახლომახლოა შემოთავაზებული. ამას გარდა, შთაბეჭდილებების ახალბედა მასპინძლების გაწევრიანებისთვის ფულადი ჯილდოების მიღების საშუალებაც გაქვთ.

დაეხმარეთ სტუმრებს დროის გატარების ავთენტიკური ვარიანტების პოვნაში — ურჩიეთ მათ შთაბეჭდილებები თქვენი ცოდნისა და გამოცდილების საფუძველზე:

• ნახეთ, რა არის შემოთავაზებული ახლომახლო. დაათვალიერეთ Airbnb‑ზე წარმოდგენილი აქტივობები თქვენს რეგიონში. დაუკავშირდით შთაბეჭდილებების ორგანიზატორ მასპინძლებს დამატებითი ინფორმაციისთვის, ან დაჯავშნეთ მათი შემოთავაზებები პირადად საცდელად.
• მოამზადეთ მზა პასუხი. მიუთითეთ, რომ ის ავტომატურად იგზავნებოდეს, როცა სტუმარი დაჯავშნის თქვენ მიერ განთავსებულ საცხოვრებელს, ან გამოიყენეთ ის პასუხად, როცა ვინმე რეკომენდაციებისთვის მოგმართავთ.
• ისარგებლეთ რეკომენდაციების გაზიარების ხელსაწყოთი. მიმოწერაში აირჩიეთ პლუსის ნიშანი (+), შემდეგ კი — „რეკომენდაციების გაზიარება“. დაამატეთ შთაბეჭდილებები, რომელთა რეკომენდებაც გსურთ.

იცნობთ ვინმეს, ვისაც შესანიშნავი შთაბეჭდილების ორგანიზება შეუძლია? გაუზიარეთ მას გასაწევრიანებელი ბმული. როცა გასაწევრიანებლად მოწვეული პირი მასპინძლობას დაიწყებს, 50 აშშ დოლარი (ან ეკვივალენტი ადგილობრივ ვალუტაში) გერგებათ კრიტერიუმების დაკმაყოფილების შემთხვევაში.*

თქვენ მიერ გასაწევრიანებლად მოწვეულ მასპინძელთან პირველი სტუმრობა 180 დღის განმავლობაში უნდა დასრულდეს. გასაწევრიანებლად მოწვევის გვერდიდან მარტივად გააკონტროლებთ, გამოაქვეყნა თუ არა მან განცხადება და აქვს თუ არა მომავალი ჯავშანი.

კუთვნილ ჯილდოს ჩაგირიცხავთ პირდაპირ ანგარიშზე, თქვენ მიერ გასაწევრიანებლად მოწვეულ მასპინძელთან კრიტერიუმების შესაბამისად გაფორმებული ჯავშნის მოქმედების დასრულებიდან დაახლოებით 14 დღეში.

* სხვების გაწევრიანებისთვის კუთვნილი ჯილდოები ხელმისაწვდომია მხოლოდ ზოგიერთ რეგიონში და რეგულირდება მასპინძლების გაწევრიანების შეთავაზებისა და პროგრამის პირობებით. 180‑დღიანი პერიოდის ათვლა იწყება, როცა მასპინძელი შექმნის ახალ განცხადებას თქვენი გასაწევრიანებელი ბმულის გამოყენებით. განცხადებები, რომელთა შექმნაც თქვენი გასაწევრიანებელი ბმულის გამოყენებით დაიწყო 2025 წლის 17 მარტამდე, ექვემდებარება გაწევრიანების იმ დროს მოქმედ პირობებს.

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.