წარმოგიდგენთ მომსახურებებს
Airbnb‑ზე

ადამიანები ხშირად ირჩევენ სასტუმროებს ისეთი მომსახურებების გამო, როგორიც არის, მაგალითად, ნომრების მომსახურება, სპორტდარბაზზე წვდომა ან სპა‑სალონში ჩაწერის შესაძლებლობა. დღეიდან სტუმრები მომსახურებების მიღებას შეძლებენ პირდაპირ თქვენ მიერ Airbnb‑ზე განთავსებულ საცხოვრებელში.

Airbnb‑ზე წარმოდგენილი მომსახურებები არაჩვეულებრივი სერვისებია, რომლებიც სტუმრობას უფრო განსაკუთრებულად აქცევს. საწყის ეტაპზე ხელმისაწვდომი იქნება 10 სხვადასხვა კატეგორიის მომსახურება ზოგიერთ ქალაქში, თუმცა იგეგმება შეთავაზებებისა და გეოგრაფიის რეგულარული გავრცობა Airbnb‑ს აპში.

• შეფმზარეულები: ინდივიდუალურად შერჩეული კერძების სახლში მომზადება პროფესიონალი მზარეულების მიერ.
• ფოტოგადაღება: პერსონალური ფოტოსესიები გამოცდილი ფოტოგრაფებისგან.
• მასაჟი: სხვადასხვა სახეობის აღდგენითი მასაჟი (მათ შორის, შვედური, ღრმაქსოვილოვანი და რეფლექსოთერაპული) გამოცდილი თერაპევტებისგან.
• სპა‑პროცედურები: სახის კანის მოვლის, მიკროდერმაბრაზიის, სკრაბირებისა და სხვა ტიპის პროცედურები, რომლებსაც პროფესიონალი ესთეტისტები ჩაატარებენ.
• ვარჯიში: იოგის, ძალისმიერი, მაღალი ინტენსივობის ინტერვალური და სხვა ტიპის ვარჯიშები პირად ინსტრუქტორებთან ერთად, რომელთა შორისაც არიან ფიტნესის სფეროს სახელგანთქმული პროფესიონალები და მსოფლიო ჩემპიონი სპორტსმენები.
• თმის მოვლა: თმის შეჭრის, ფენით გაშრობისა და სხვა ტიპის პროფესიონალური მომსახურებები გამოცდილი სტილისტებისგან.
• მაკიაჟი: ყოველდღიური ან საგანგებო მაკიაჟი პროფესიონალი ვიზაჟისტებისგან.
• ფრჩხილების მოვლა: მანიკიური და პედიკიური ფრჩხილების მოვლის გამოცდილი სპეციალისტებისგან.
• მზა კერძები: მისართმევად მზა კერძები, რომლებიც მომზადებულია პროფესიონალი მზარეულების მიერ.
• საღონისძიებო მომსახურება: სრული საღონისძიებო მომსახურება ინდივიდუალური მენიუთი, დეკორითა და აღჭურვილობით (შედის გაწყობა და ალაგებაც).

Airbnb‑ზე წარმოდგენილი მომსახურებები შემოწმებულია ხარისხზე მასპინძლის ცოდნის, განათლების, რეპუტაციისა და სხვა კრიტერიუმების მიხედვით. მომსახურებების მომწოდებელ მასპინძლებს აქვთ მრავალწლიანი სტაჟი. ამასთან, მათ გაიარეს ვინაობის დადასტურების პროცედურა Airbnb‑ზე. მრავალი მათგანი სახელგანთქმულია თავ‑თავიანთ სფეროში, მაგალითად, მათ შორის არიან შეფმზარეულები მიშლენის ვარსკვლავების მქონე რესტორნებიდან, ჯილდოების ლაურეატი ფოტოგრაფები და უმაღლესი სპორტული მიღწევების მქონე ინსტრუქტორები.

თუ მომსახურებები ხელმისაწვდომია კონკრეტულ დასახლებულ პუნქტში, სტუმრები იოლად შეძლებენ მათ პოვნასა და მყისიერად დაჯავშნას Airbnb‑ს მეშვეობით. მომსახურების მიღება შესაძლებელია როგორც საცხოვრებელში, ისე მომსახურების მომწოდებელი მასპინძლის სამუშაო ადგილზე ან საჯარო სივრცეში.

საცხოვრებელში მომსახურებების მიღება ნაგულისხმევად დაშვებულია. ეს ერთ‑ერთი საშუალებაა, აგრძნობინოთ სტუმრებს, რომ ცდილობთ, მათი სტუმრობა უფრო განსაკუთრებული იყოს.

სურვილისამებრ, შეგიძლიათ აკრძალოთ საცხოვრებელში მომსახურებების მიღება. ამისთვის უნდა დაუკავშირდეთ Airbnb‑ს მხარდაჭერის გუნდს და აცნობოთ, რომელი მომსახურებების მიღება გსურთ, რომ არ იყოს დაშვებული, რის შემდეგაც თქვენს სახლის წესებში შესაბამისი ცვლილებები შევა.

მომსახურებების შესახებ მიმოხილვებს სტუმრები ტოვებენ ცალკე, საცხოვრებელში სტუმრობისგან დამოუკიდებლად. მომსახურების მიმოხილვას მათ მისი დასრულებისთანავე ვთავაზობთ. კერძოდ, სტუმრებს შეუძლიათ დატოვონ საერთო შეფასება, დეტალური შეფასებები, საჯარო მიმოხილვა და კომენტარი მომსახურებების მომწოდებელი მასპინძლისთვის. მომსახურებების შესახებ დატოვებულ მიმოხილვებს არ აქვს გავლენა თქვენ მიერ განთავსებული საცხოვრებლის შეფასებასა თუ მის პოზიციაზე ძიების შედეგებში.

მომსახურებების მომწოდებელ ყველა მასპინძელს მომსახურების გაწევისას უნდა ჰქონდეს ადეკვატური დაფარვის მქონე პასუხისმგებლობის დაზღვევა. ამას გარდა, ისინი სარგებლობენ შთაბეჭდილებისა და მომსახურების შეთავაზებისას წარმოშობილი პასუხისმგებლობის დაზღვევით, რომელსაც მოიცავს „AirCover მასპინძლებისთვის“. ეს უკანასკნელი არის საცხოვრებლის შეთავაზებისას წარმოშობილი პასუხისმგებლობის იმ დაზღვევის მსგავსი, რომელსაც „AirCover მასპინძლებისთვის“ ითვალისწინებს თქვენს შემთხვევაში.

შთაბეჭდილებისა და მომსახურების შეთავაზებისას წარმოშობილი პასუხისმგებლობის დაზღვევა მოქმედებს იმ შემთხვევაში, თუ მომსახურების მომწოდებელი მასპინძელი დააზიანებს საცხოვრებელს ან ნივთებს მომსახურების თქვენ მიერ განთავსებულ საცხოვრებელში გაწევის დროს.

რეკომენდაციები დაეხმარება სტუმრებს შესანიშნავი მომსახურებების პოვნაში. ქვემოთ გაგაცნობთ, როგორ გაუწიოთ რეკომენდაცია ამა თუ იმ მომსახურებას.

• ნახეთ, რა არის შემოთავაზებული ახლომახლო: დაათვალიერეთ Airbnb‑ზე წარმოდგენილი მომსახურებები თქვენს რეგიონში. დაუკავშირდით მომსახურებების მომწოდებელ მასპინძლებს დამატებითი ინფორმაციისთვის, ან დაჯავშნეთ მათი შემოთავაზებები პირადად საცდელად.
• მოამზადეთ მზა პასუხი: მიუთითეთ, რომ ის ავტომატურად იგზავნებოდეს, როცა სტუმარი დაჯავშნის თქვენ მიერ განთავსებულ საცხოვრებელს, ან გამოიყენეთ ის პასუხად, როცა ვინმე რეკომენდაციებისთვის მოგმართავთ.

იცნობთ ვინმეს, ვისაც შესანიშნავი მომსახურების გაწევა შეუძლია? გაუზიარეთ მას გასაწევრიანებელი ბმული. როცა გასაწევრიანებლად მოწვეული პირი მასპინძლობას დაიწყებს, 100 აშშ დოლარი (ან ეკვივალენტი ადგილობრივ ვალუტაში) გერგებათ კრიტერიუმების დაკმაყოფილების შემთხვევაში.*

თქვენ მიერ გასაწევრიანებლად მოწვეულ მასპინძელთან პირველი სტუმრობა 180 დღის განმავლობაში უნდა დასრულდეს. გასაწევრიანებლად მოწვევის გვერდიდან მარტივად გააკონტროლებთ, გამოაქვეყნა თუ არა მან განცხადება და აქვს თუ არა მომავალი ჯავშანი.

კუთვნილ ჯილდოს ჩაგირიცხავთ პირდაპირ ანგარიშზე, თქვენ მიერ გასაწევრიანებლად მოწვეულ მასპინძელთან კრიტერიუმების შესაბამისად გაფორმებული ჯავშნის მოქმედების დასრულებიდან დაახლოებით 14 დღეში.

* სხვების გაწევრიანებისთვის კუთვნილი ჯილდოები ხელმისაწვდომია მხოლოდ ზოგიერთ რეგიონში და რეგულირდება მასპინძლების გაწევრიანების შეთავაზებისა და პროგრამის პირობებით. 180‑დღიანი პერიოდის ათვლა იწყება, როცა მასპინძელი შექმნის ახალ განცხადებას თქვენი გასაწევრიანებელი ბმულის გამოყენებით. განცხადებები, რომელთა შექმნაც თქვენი გასაწევრიანებელი ბმულის გამოყენებით დაიწყო 2025 წლის 17 მარტამდე, ექვემდებარება გაწევრიანების იმ დროს მოქმედ პირობებს.

მომსახურებები არ არის ხელმისაწვდომი ზოგიერთ რეგიონში, მათ შორის, არც ბრაზილიასა და პუერტო‑რიკოში.

საცხოვრებლისა თუ შთაბეჭდილებისა და მომსახურების შეთავაზებისას წარმოშობილი პასუხისმგებლობის დაზღვევას უზრუნველყოფს გარე კომპანიები.

თუ სტუმრებს საცხოვრებლებს, შთაბეჭდილებებს ან მომსახურებებს გაერთიანებულ სამეფოში სთავაზობთ, საცხოვრებლისა თუ შთაბეჭდილებისა და მომსახურების შეთავაზებისას წარმოშობილი პასუხისმგებლობის სადაზღვევო პოლისებს უზრუნველყოფს Zurich Insurance Company Ltd. პოლისები უსასყიდლოდ მზადდება და ფორმდება გაერთიანებულ სამეფოში მოღვაწე მასპინძლებისთვის კომპანია Airbnb UK Services Limited‑ის მიერ, რომელიც კომპანია Aon UK Limited‑ის უფლებამოსილი წარმომადგენელია და რომლის საქმიანობაც კონტროლდება ფინანსური ზედამხედველობის სამმართველოს მიერ (Financial Conduct Authority, FCA). FCA‑ს რეესტრში Aon‑ის ნომერია 310451. აღნიშნულის გადასამოწმებლად შეგიძლიათ ეწვიოთ ფინანსური მომსახურების რეესტრის ვებსაიტს ან დაუკავშირდეთ FCA‑ს ნომერზე 0800 111 6768. საცხოვრებლისა თუ შთაბეჭდილებისა და მომსახურების შეთავაზებისას წარმოშობილი პასუხისმგებლობის დაზღვევებს, რომლებსაც მოიცავს „AirCover მასპინძლებისთვის“, არეგულირებს FCA, ხოლო Airbnb UK Services Limited‑ის მიერ შემოთავაზებული სხვა პროდუქტები და სერვისები ზედამხედველობას არ ექვემდებარება. FPAIR202525SD. გაეცანით დეტალურ ინფორმაციასა და გამონაკლისებს.

თუ სტუმრებს ევროპის ეკონომიკურ ზონაში სთავაზობთ საცხოვრებელს, შთაბეჭდილებას ან მომსახურებას, საცხოვრებლის შეთავაზებისას წარმოშობილი პასუხისმგებლობის დაზღვევისა და შთაბეჭდილებისა და მომსახურების შეთავაზებისას წარმოშობილი პასუხისმგებლობის დაზღვევის პოლისების შემთხვევაში ანდერრაიტერს წარმოადგენს Zurich Insurance Europe AG, ესპანეთის ფილიალი, ხოლო ევროპის ეკონომიკურ ზონაში მასპინძლებისთვის მას უსასყიდლოდ უზრუნველყოფს და აფორმებს Airbnb Spain Insurance Agency S.L.U. (ASIASLU), დამოუკიდებელი სადაზღვევო სააგენტო, რომელსაც ზედამხედველობას უწევს ესპანეთის სადაზღვევო და საპენსიო ფონდების გენერალური დირექტორატი (DGSFP) და რომელიც DGSFP‑ს სადაზღვევო დისტრიბუტორების რეესტრში რეგისტრირებულია ნომრით AJ0364 ესპანეთში. რეგისტრაციის გადამოწმება შესაძლებელია DGSFP‑ს სადაზღვევო დისტრიბუტორების რეესტრში, ხოლო ASIASL‑ის შესახებ სრულ ინფორმაციას შეგიძლიათ გაეცნოთ აქედან.

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.