კარგად გააზრებული დეტალები, რომლებიც ყველა სტუმარს მოსწონს

სასიამოვნოდ გააოცეთ სტუმრები მცირე დეტალების მეშვეობით.
ავტორი: Airbnb (11 დეკ, 2019)
3‑წუთიანი საკითხავი
განახლების თარიღი: 13 მაი, 2021

ყველაზე მნიშვნელოვანი

  • იფიქრეთ, როგორ გააუმჯობესეთ საყოფაცხოვრებო პირობები

  • პროდუქტების და საჩუქრების ნაკრები ან საკუთარი ხელით დაწერილი წერილი დიდხანს დაამახსოვრდებათ სტუმრებს

  • გაასინჯეთ სტუმრებს ადგილობრივი გემრიელობები და აჩუქეთ მათ დაუვიწყარი შთაბეჭდილებები

  • პრაქტიკული საყოფაცხოვრებო ნივთები, მაგალითად, მზისგან დამცავი კრემი, რეპელენტი და ქოლგები ზოგჯერ ძალიან ადგებათ სტუმრებს

  • დაიხმარეთ ჩვენი სრული გზამკვლევი სტუმრებისთვის სასიამოვნო გარემოს შესაქმნელად

გსურთ, რომ სტუმრებზე დაუვიწყარი შთაბეჭდილება მოახდინოთ? ამისთვის სულაც არ არის საჭირო, ლუქს-კლასის საცხოვრებელს ან ულტრათანამედროვე საყოფაცხოვრებო პირობებს სთავაზობდეთ. იფიქრეთ, როგორ ასიამოვნოთ სტუმრები წვრილმანებით, მაგალითად, ურჩიეთ თქვენი საყვარელი კაფე ან დაუწერეთ მისასალმებელი წერილი. მასპინძლები სხვა მარტივ და ბიუჯეტურ იდეებსაც გვიზიარებენ.

საუკეთესო დახვედრა

სტუმრები ხშირად დაღლილი და დაბნეული ბინავდებიან. სწორედ ამიტომ, შეეცადეთ, კომფორტულად აგრძნობინოთ თავი, როგორც კი ზღურბლს გადმოაბიჯებენ.

  • მოამზადეთ პროდუქტების და ნივთების ნაკრები. „სტუმრებისთვის ყოველთვის მზად მაქვს სწრაფად მოსამზადებელი შვრიის ფანტელის, პოპკორნის, ენერგეტიკული შოკოლადის ბატონების, თხილეულისა და ფხვიერი ნამცხვრების ნაკრები, რადგან ხანგრძლივი ფრენის შემდეგ საყიდლებზე გასვლის თავი არ აქვთ“, — გვიამბობს კერი ნიუ‑იორკიდან
  • მოამზადეთ ინდივიდუალური ბარათი. „სტუმრებს სიამოვნებთ, როცა ინდივიდუალურ ხელნაწერ ბარათს ვუტოვებ. მე ახალგაზრდა დიზაინერების შექმნილ ბარათს ვახვედრებ, რომელზეც სან‑პაულუა გამოსახული“, — ამბობენ პრისცილა და გაბრიელი სან‑პაულუდან
  • მოამზადეთ ადგილი ჩემოდნის დასადებად. „თითოეულ საწოლთან სტუმრებს ბარგის დასადებს ვახვედრებ. ისინი ძალიან მოსახერხებელია, რადგან მათი გვერდზე გადადგმა ადვილია, როცა დამატებითი სივრცე ან დალაგება სჭირდებათ“, — გვირჩევს ელისონი ტრავერს‑სიტიდან (მიჩიგანი)

გააუმჯობესეთ საძილე და სააბაზანო პირობები

მოიმარაგეთ პირველადი საჭიროების ნივთები და აგრძნობინეთ სტუმრებს მზრუნველობა. ამგვარად, სტუმართმოყვარეობის დონეს ახალ საფეხურზე აიყვანთ.

  • იქონიეთ მარაგი. „ყოველთვის ვიმარაგებ პირსახოცებს, საწოლის დამატებით თეთრეულს, საპონსა და შამპუნს“, — აღნიშნავს სიუზანი კოვინგტონიდან (ჯორჯია)
  • იზრუნეთ სააბაზანოს რეკომენდებულ ნივთებზე. „სტუმრებს სპეციალურ ხელსახოცებს ვახვედრებ მაკიაჟის მოსაშორებლად“, — ამბობენ ბევერლი და სიუზი კალიფორნიის ქალაქ ოკლენდიდან (ისინი, ასევე, რჩევებს მოგცემენ საწოლის თეთრეულიდან და პირსახოცებიდან რთულად მოსაშორებელი ლაქების ამოყვანასთან დაკავშირებით!)
  • იფიქრეთ, რის გაუმჯობესება შეიძლება სააბაზანოში. „ტუალეტის ქაღალდს ბოლოში ლამაზად ვკეცავ. ეს მცირე დეტალია, მაგრამ სტუმრებზე მზრუნველობას უსვამს ხაზს“, — გვიხსნის ემა‑კეიტი სან‑ფრანცისკოდან
  • შესძინეთ საცხოვრებელს მდიდრული ელფერი. „სტუმრებს ხაოიან თეთრ ხალათებს ვახვედრებ, რომლებსაც ისინი სპაში ან, უბრალოდ, კომფორტულობისთვის იცვამენ“, — აღნიშნავს ლინდა ლა‑კვინტიდან (კალიფორნია)
სტუმრებისთვის ყოველთვის მზად მაქვს სწრაფად მოსამზადებელი შვრიის ფანტელის, პოპკორნის, ენერგეტიკული შოკოლადის ბატონების, თხილეულისა და ფხვიერი ნამცხვრების ნაკრები.
Carrie,
ნიუ‑იორკი

ნამდვილი ადგილობრივი არომატი სტუმრებს არასდროს დაავიწყდებათ

ღირსშესანიშნაობების დათვალიერებასთან ერთად, მოგზაურობის მთავარი ხიბლი მსოფლიოს სხვადასხვა კუთხის არომატებისა და გემოების აღმოჩენაა. გაუზიარეთ სტუმრებს ის, რაც ყველაზე მეტად გიყვართ.

  • მოუწყვეთ სტუმრებს დაუვიწყარი საუზმე. „სეზონის მიხედვით სტუმრებს მცირე ადგილობრივ საჩუქარს ვუმზადებ საუზმეზე — სპეციალურ, იშვიათ ნაძვის თაფლს, ადგილობრივ ყველს ან ნატურალურ წვენს და სოფლის ხილს“, — გვიამბობს კლაუდია შვარცვალდიდან (გერმანია)
  • იფიქრეთ კომპლექსურად. „სტუმრებს პორტლენდში ვმასპინძლობ, ამიტომაც მინდა, მათ ჩემი ქალაქის განწყობა გაითავისონ. სწორედ ამისთვის შეიქმნა Airbnb! სტუმრებს ადგილობრივი კრაფტ‑ლუდით, ჩემი ბაღის ყვავილებით და ქალაქის შესახებ უამრავი წიგნით ვუმასპინძლდები, ასევე, ვურჩევ ადგილობრივ ორგანულ კაფეებს და ყოველდღე ორეგონულ გაზეთს ვახვედრებ. მათთვის ადგილობრივ ჟურნალებსაც ვყიდულობ. რა თქმა უნდა, პორტლენდის ყავა შეუდარებელია და შესაბამისი პროპორციებით ვთავაზობ ხოლმე სტუმრებს“, — საკუთრ გამოცდილებას გვიზიარებს ლიზა პორტლენდიდან (ორეგონი)
  • გაითვალისწინეთ გარემოებები. „თუ ჩემი სტუმრები დაბადების დღეს იხდიან, მათ ადგილობრივ ქაფქეიქს ვუტოვებ“, — ამბობს ტიფანი ჰოლივუდ‑ბიჩიდან (კალიფორნია)
  • დაუტოვეთ სამახსოვრო ნივთი. „თვალსაჩინო ადგილას ვდებ ღია ბარათს ადგილობრივი ლამაზი ხედის ან ღირსშესანიშნაობის გამოსახულებით, რომელიც სტუმრებს შეუძლიათ სამახსოვროდ წაიღონ ან შინ გაგზავნონ“, — აღნიშნავს დები საუზენდ-ოუკსიდან (კალიფორნია)

ზოგჯერ მთავარი პრაქტიკულობაა

პრაქტიკული საყოფაცხოვრებო ნივთები სტუმრების კომფორტს უზრუნველყოფს. სტუმრებს შეიძლება გამოადგეთ მზისგან დამცავი კრემი, პირველადი სამედიცინო დახმარების ნაკრები, კომპიუტერის ადაპტერი თუ სხვა ნივთები.

  • იზრუნეთ, რომ სტუმრებმა დრო გარეთაც კომფორტულად გაატარონ. „პლაჟის ნაკრები: სკამები, ქოლგა, სარონგი, ჩოგანი რეზინით მიბმული ბურთით, პორტატიული მაცივარი, ბანქო, საბავშვო სათამაშოები და ფეხბურთის ბურთი. კოღოს საწინააღმდეგო საშუალებების ნაკრები: რეპელენტი და ციტრონელა“, — აი, რის მომარაგებას გვირჩევს დანიელი რიო‑დე‑ჟანეიროდან
  • გაითვალისწინეთ ადგილობრივი კლიმატური პირობები. „სინთეტიკური მასალისგან დამზადებული ძალიან თხელი და მსუბუქი 10 ერთჯერადი საწვიმარი ლაბადა შევიძინეთ. ხშირად ხდება ხოლმე, რომ სტუმრები კარგ ამინდში ჩამოდიან, მაგრამ მათ გამგზავრებამდე ამინდი ფუჭდება“, — გვაფრთხილებენ თილი და იუტა შტუტგარტიდან (გერმანია)
  • დაახვედრეთ სტუმრებს ფენი და უთო. „ფენი და უთო არ ღირს ძვირი, მაგრამ მათი დახვედრებით სტუმრებს აგრძნობინებთ, რომ იზრუნეთ მათ კომფორტზე“, — ამბობს რიჩარდი ლენოქსიდან (მასაჩუსეტსი)
  • შეუქმენით გარკვეული პირობები ოჯახებს. „სტუმრებს ძალიან გამოადგათ ძველი საბავშვო ეტლი ბალიშებით“, — იხსენებს შანტალი დინანიდან (საფრანგეთი)

არ იცით, საიდან დაიწყოთ? გაათიეთ ერთი ღამე სტუმრებისთვის შეთავაზებულ საცხოვრებელში, რომ ყველაფერს მათი თვალით შეხედოთ. განსაკუთრებული ყურადღება მიაქციეთ სტუმრების გამოხმაურებას. ისინი სხვა პერსპექტივით აფასებენ სტუმრობას და, შესაძლოა, ისეთი იდეები შემოგთავაზონ, რომელზეც არასოდეს გიფიქრიათ. დროთა განმავლობაში მიხვდებით, როგორ გააუმჯობესოთ საყოფაცხოვრებო პირობები, რომ შესანიშნავი მიმოხილვები მიიღოთ!

ყველაზე მნიშვნელოვანი

  • იფიქრეთ, როგორ გააუმჯობესეთ საყოფაცხოვრებო პირობები

  • პროდუქტების და საჩუქრების ნაკრები ან საკუთარი ხელით დაწერილი წერილი დიდხანს დაამახსოვრდებათ სტუმრებს

  • გაასინჯეთ სტუმრებს ადგილობრივი გემრიელობები და აჩუქეთ მათ დაუვიწყარი შთაბეჭდილებები

  • პრაქტიკული საყოფაცხოვრებო ნივთები, მაგალითად, მზისგან დამცავი კრემი, რეპელენტი და ქოლგები ზოგჯერ ძალიან ადგებათ სტუმრებს

  • დაიხმარეთ ჩვენი სრული გზამკვლევი სტუმრებისთვის სასიამოვნო გარემოს შესაქმნელად
Airbnb
11 დეკ, 2019
სასარგებლო იყო?

გაეცანით სხვა თემებს