გზამკვლევის შექმნა ადგილობრივი რჩევების გასაზიარებლად

სტუმრებს ხშირად აინტერესებთ ადგილობრივის რეკომენდაციები რესტორნებთან, ღირსშესანიშნაობებთან, მაღაზიებთან და აქტივობებთან დაკავშირებით. თქვენი საყვარელი ადგილები (მაგალითად, ყავის დასალევად ან დაუვიწყარი ლაშქრობისთვის) შეგიძლიათ გააზიაროთ გზამკვლევში.

გზამკვლევის შექმნის შემთხვევაში თქვენს ყველა რეკომენდაციას ერთ სივრცეში მოუყრით თავს და საჭიროებისამებრ გააზიარებთ ან ჩაასწორებთ, რაც დაგიზოგავთ დროს.

1. სასურველია, ტექსტი იყოს მოკლე. თქვენს რჩევებს ყველა მარტივად რომ გაეცნოს, მოკლედ გადმოეცით, რას სთავაზობს და რით დააინტერესებს სტუმრებს ესა თუ ის ადგილი ან აქტივობა.

2. გააზიარეთ, რაც თავად გამოგიცდიათ. საუკეთესო რეკომენდაციები უშუალო ცოდნასა და გამოცდილებას ეფუძნება. უმჯობესია, თუ სტუმრებს მხოლოდ იმ ადგილებს ურჩევთ, რომლებიც პირადად თქვენ სასიამოვნოდ დაგამახსოვრდათ.

3. ახსენეთ განსაკუთრებული მახასიათებლები. აღნიშნეთ სხვადასხვა გამორჩეული ან საყურადღებო დეტალი, მაგალითად, რესტორნის ლამაზი გარე პატიო ან ადგილობრივი პროდუქტების სპეციალური სექცია მაღაზიაში.

4. იზრუნეთ ფოტოებზე. Airbnb ავტომატურად ურთავს სურათებს რეკომენდაციების უმეტესობას, თუმცა პირადად თქვენ მიერ გადაღებული ფოტოებიც შეგიძლიათ ატვირთოთ ამა თუ იმ ადგილისთვის, რომელსაც აღნიშნავთ.

5. რეგულარულად განაახლეთ ინფორმაცია. დაამატეთ გზამკვლევს დროდადრო ახალი რჩევები და შეამოწმეთ, კვლავ აქტუალურია თუ არა ადრე აღნიშნული ცნობები.

ვრცლად განცხადებაში გზამკვლევის დამატების შესახებ

თქვენ მიერ მომზადებული გზამკვლევი სტუმრებისთვის მოცემული იქნება თქვენი განცხადებისა და პროფილის გვერდებზე, ასევე, „სტუმრობების“ ჩანართში.

ამას გარდა, შეგიძლიათ, შეადგინოთ თქვენი გზამკვლევის შემცველი მზა პასუხი და პირდაპირ გაუგზავნოთ ის სტუმრებს, რომლებიც რეკომენდაციებს გთხოვენ.