Airbnb ახლა Airbnb‑ზე მეტია

2007 წელს გაგვიჩნდა იდეა, ადამიანებისთვის საცხოვრებლის დაჯავშნის პროცესი ისეთივე მარტივად გვექცია, როგორც ეს სასტუმროების შემთხვევაში იყო. შედეგად Airbnb დავაარსეთ, რომლის დახმარებითაც უკვე 2 მილიარდზე მეტი სტუმარი დაბინავდა და სამუდამოდ შეიცვალა მოგზაურობისადმი მიდგომა. ამის მიუხედავად, შესანიშნავი სტუმრობისთვის საცხოვრებელზე მეტია საჭირო. სწორედ ამიტომ, გსურს, წარმოგიდგინოთ:

• Airbnb‑მომსახურებები — შესანიშნავი სერვისები, რომლებიც სტუმრობას უფრო განსაკუთრებულად აქცევს.
• Airbnb‑შთაბეჭდილებები — მცოდნე ადგილობრივებთან ერთად ქალაქში დროის გატარების ვარიანტები.
• Airbnb‑ს სრულიად განახლებული აპი — სახეცვლილი აპი, რომელიც გაუმარტივებს მასპინძლებს საცხოვრებლის, მომსახურების ან შთაბეჭდილების შესახებ განთავსებული განცხადების ერთი სივრციდან მართვას, სტუმრებს კი — ჯავშნების გაფორმებას.

„17 წლის წინ მოგზაურობისადმი სტანდარტული მიდგომა შევცვალეთ. Airbnb‑ს მეშვეობით უკვე 2 მილიარდზე მეტი ადამიანი დაბინავდა და ის საცხოვრებლის სინონიმად იქცა“, — აღნიშნავს ბრაიან ჩესკი, Airbnb‑ს თანადამფუძნებელი და გენერალური დირექტორი, და დასძენს: „მომსახურებებისა და შთაბეჭდილებების შემოღებით კვლავ ახალ სიტყვას ვამბობთ მოგზაურობის სფეროში. Airbnb ახლა Airbnb‑ზე მეტია“.

ადამიანები ხშირად ირჩევენ სასტუმროებს ისეთი მომსახურებების გამო, როგორიც არის, მაგალითად, ნომრების მომსახურება, სპორტდარბაზზე წვდომა ან სპა‑სალონში ჩაწერის შესაძლებლობა. დღეიდან სტუმრები მომსახურებების მიღებას შეძლებენ პირდაპირ Airbnb‑ს მეშვეობით დაჯავშნილ საცხოვრებელში.

წარმოგიდგენთ მომსახურებებს Airbnb‑ზე — არაჩვეულებრივ სერვისებს, რომლებიც სტუმრობას უფრო განსაკუთრებულად აქცევს. საწყის ეტაპზე ხელმისაწვდომი იქნება 10 სხვადასხვა კატეგორიის მომსახურება ზოგიერთ ქალაქში, თუმცა იგეგმება შეთავაზებებისა და გეოგრაფიის რეგულარული გავრცობა Airbnb‑ს აპში. პირველი 10 კატეგორიაა:

• შეფმზარეულები — ინდივიდუალურად შერჩეული კერძების სახლში მომზადება პროფესიონალი მზარეულების მიერ.
• ფოტოგადაღება — პერსონალური ფოტოსესიები გამოცდილი ფოტოგრაფებისგან.
• მასაჟი — სხვადასხვა სახეობის აღდგენითი მასაჟი (მათ შორის, შვედური, ღრმაქსოვილოვანი და რეფლექსოთერაპული) გამოცდილი თერაპევტებისგან.
• სპა‑პროცედურები — სახის კანის მოვლის, მიკროდერმაბრაზიის, სკრაბირებისა და სხვა ტიპის პროცედურები, რომლებსაც პროფესიონალი ესთეტისტები ჩაატარებენ.
• ინდივიდუალური ვარჯიში — იოგის, ძალისმიერი, მაღალი ინტენსივობის ინტერვალური და სხვა ტიპის ვარჯიშები, რომელთაც უძღვებიან პირადი ინსტრუქტორები, მათ შორის, ფიტნესის სფეროს სახელგანთქმული პროფესიონალები და მსოფლიო ჩემპიონი სპორტსმენები.
• თმის მოვლა — თმის შეჭრის, ფენით გაშრობისა და სხვა ტიპის პროფესიონალური მომსახურებები გამოცდილი სტილისტებისგან.
• მაკიაჟი — ყოველდღიური ან საგანგებო მაკიაჟი პროფესიონალი ვიზაჟისტებისგან.
• ფრჩხილების მოვლა — მანიკიური და პედიკიური ფრჩხილების მოვლის გამოცდილი სპეციალისტებისგან.
• მზა კერძები — მისართმევად მზა კერძები, რომლებიც მომზადებულია პროფესიონალი მზარეულების მიერ.
• საღონისძიებო მომსახურება — სრული საღონისძიებო მომსახურება ინდივიდუალური მენიუთი, დეკორითა და აღჭურვილობით (შედის გაწყობა და ალაგებაც).

Airbnb‑ზე წარმოდგენილი მომსახურებები შემოწმებულია ხარისხზე მასპინძლის ცოდნის, განათლების, რეპუტაციისა და სხვა კრიტერიუმების მიხედვით. მომსახურებების მომწოდებელ მასპინძლებს აქვთ მრავალწლიანი სტაჟი. ამასთან, მათ გაიარეს ვინაობის დადასტურების პროცედურა Airbnb‑ზე. მრავალი მათგანი სახელგანთქმულია თავ‑თავიანთ სფეროებში, მაგალითად, მათ შორის არიან შეფმზარეულები მიშლენის ვარსკვლავების მქონე რესტორნებიდან, ჯილდოების ლაურეატი ფოტოგრაფები და უმაღლესი სპორტული მიღწევების მქონე ინსტრუქტორები.

Airbnb‑ზე წარმოდგენილი მომსახურებების დაჯავშნა შესაძლებელია სხვადასხვა ბიუჯეტით. ამასთან, მრავალი მომსახურების შემთხვევაში გათვალისწინებულია საწყისი შემოთავაზებები 50 აშშ დოლარზე ნაკლებად. იპოვეთ მომსახურებები ნებისმიერი ტიპის სტუმრობისთვის — შეარჩიეთ მზა კერძები ხელმისაწვდომ ფასად, ყოველდღიური ვარჯიშები ცნობილ ინსტრუქტორთან ერთად და სხვა ვარიანტები.

მომსახურების მიღება შესაძლებელია როგორც საცხოვრებელში, ისე მომსახურების მომწოდებელი მასპინძლის სამუშაო ადგილზე ან საჯარო სივრცეში. თუ სტუმრებს საცხოვრებელს სთავაზობთ, მასში მომსახურების მიღება ნაგულისხმევად დაშვებულია. ეს ერთ‑ერთი საშუალებაა, აგრძნობინოთ სტუმრებს, რომ ცდილობთ, მათი სტუმრობა უფრო განსაკუთრებული იყოს.

სურვილისამებრ, შეგიძლიათ აკრძალოთ საცხოვრებელში მომსახურებების მიღება. ამისთვის უნდა დაუკავშირდეთ Airbnb‑ს მხარდაჭერის გუნდს და აცნობოთ, რომელი მომსახურებების მიღება გსურთ, რომ არ იყოს დაშვებული, რის შემდეგაც თქვენს სახლის წესებში შესაბამისი ცვლილებები შევა.

გამოცდილ პროფესიონალებს დღეიდან შეუძლიათ უმასპინძლონ მათ, ვინც მომსახურებების მიღებითაა დაინტერესებული, რაც სხვებისთვის ცოდნის გაზიარებისა და ბიზნესის განვითარების კიდევ ერთი ხერხია.

ადგილობრივივით ცხოვრების შესაძლებლობა ერთ‑ერთი მთავარი მიზეზია, რატომაც სტუმრები Airbnb‑ს მეშვეობით ჯავშნიან საცხოვრებლებს. ამის მიუხედავად, ახალ ადგილას ჩასული ადამიანისთვის ყოველთვის იოლი არ არის დროის საინტერესოდ გატარების ვარიანტების პოვნა. ხშირ შემთხვევაში ისინი ხვდებიან დიდ ჯგუფებში, რომელთაც მეგაფონიანი გიდები უძღვებიან, აქტივობები კი უფრო დაპლიუსებას ჰგავს. ჩვენი აზრით, სტუმრები ქალაქს უფრო სიღრმისეულად უნდა ეცნობოდნენ.

სწორედ ამიტომ, წარმოგიდგენთ სრულად გადააზრებულ შთაბეჭდილებებს Airbnb‑ზე — დროის გატარების ვარიანტებს, რომლებსაც თავიანთი საქმის მცოდნე ადგილობრივები უძღვებიან. ისინი მსოფლიოს სხვადასხვა ქალაქში იქნება ხელმისაწვდომი, დროთა განმავლობაში კი მათ რიცხვს სხვა ვარიანტები შეემატება. სტუმრებისთვის ასარჩევად ხელმისაწვდომია:

• შთაბეჭდილებები ღირსშესანიშნაობების, მუზეუმებისა და კულტურის თემაზე — მაგალითად, პარიზის ღვთისმშობლის ტაძრის აღდგენით სამუშაოებზე დაკვირვება ამ პროცესში ჩართულ რესტავრატორთა გუნდის წევრ არქიტექტორთან ერთად.
• გასტრონომიული ტურები, კულინარიის გაკვეთილები და სადილ‑ვახშმობები — მაგალითად, რამენის მომზადებაში დახელოვნება მიშლენის Bib Gourmand‑ის ჯილდოს ლაურეატი რესტორნის შეფმზარეულთან ერთად.
• გარე აქტივობები, საწყლოსნო სპორტი და ველური ბუნება — მაგალითად, ცხენებით ჯირითი ინკების წმინდა ადგილებსა და მთის პეიზაჟების ფონზე ანდური კულტურისა და ანთროპოლოგიის ექსპერტთან ერთად.
• საგალერეო ტურები, სახელოვნებო სახელოსნოები და შთაბეჭდილებები საყიდლების თემაზე — მაგალითად, გარდერობის განახლება ჰოლივუდელ მოდის კონსულტანტთან ერთად.
• ვარჯიში, გაჯანსაღება და შთაბეჭდილებები სილამაზის თემაზე — მაგალითად, ლუჩა ლიბრეში ძალების მოსინჯვა ნამდვილ რინგზე, პროფესიონალ მექსიკელ მოჭიდავესთან ერთად.

Airbnb‑ზე წარმოდგენილი შთაბეჭდილებები მოწმდება ხარისხზე მასპინძლის ცოდნის, რეპუტაციისა და აქტივობების ავთენტიკურობის მიხედვით. ჩვენ მოგვიანებითაც განვაგრძობთ მათზე რეგულარულ დაკვირვებას, რადგან თითოეული შთაბეჭდილება ყოველთვის უნდა პასუხობდეს ჩვენს სტანდარტებს.

Airbnb‑შთაბეჭდილებებისთვის განაცხადების მიღება უკვე დაიწყო. თუ თქვენს ქალაქს სიღრმისეულად იცნობთ და შეგიძლიათ სტუმრებს სხვებისგან განსხვავებული უნიკალური აქტივობა შესთავაზოთ, წარმოადგინეთ განაცხადი.

ჩვენ გარდავქმენით აპი, რომ მასში მასპინძლებს შევთავაზოთ ყველაფერი, რაც მათ სჭირდებათ ჩვენს პლატფორმაზე განთავსებული საცხოვრებლის, მომსახურებისა თუ შთაბეჭდილების სამართავად:

• Airbnb‑სტარტერი — განცხადების შექმნისთვის განკუთვნილი ხელსაწყო, რომელიც უმარტივებს მასპინძლებს მომსახურების ან შთაბეჭდილების იდეის Airbnb‑სთვის შესამოწმებლად წარდგენას.
• ჩანართი „დღეს“ — საცხოვრებლების, მომსახურებებისა და შთაბეჭდილებების ჯავშნების მართვისთვის განკუთვნილი სრულიად განახლებული ჩანართი, რომელიც სტუმრებისთვის სათანადო მასპინძლობის გაწევას უწყობს ხელს.
• კალენდარი — საცხოვრებლების, მომსახურებებისა და შთაბეჭდილებების შესახებ განცხადებებისთვის განკუთვნილი, სახეცვლილი კალენდარი, რომელშიც მასპინძლებისთვის ამიერიდან ხელმისაწვდომია მთელი დღის ხედი საათობრივი განრიგით, ასევე, Google Calendar‑თან რეალურ დროში სინქრონიზაციის შესაძლებლობა.
• „განცხადებების“ ჩანართი — მომსახურებებისა და შთაბეჭდილებების შესახებ განცხადებების მართვის ახალი ხელსაწყოების გამოყენებით მასპინძლები უფრო მარტივად ჩაასწორებენ განცხადების სხვადასხვა კომპონენტს, მაგალითად, მდებარეობას, ფასებს და ა.შ.

თუ სტუმრებს საცხოვრებელს სთავაზობთ, ახლავე მოითხოვეთ ადრეული წვდომა, რომ დაუყოვნებლივ დაიწყოთ ახალი სამასპინძლო ხელსაწყოების გამოყენება.

მომსახურებები არ არის ხელმისაწვდომი ზოგიერთ რეგიონში, მათ შორის, არც ბრაზილიასა და პუერტო‑რიკოში.

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.