ვარიანტების გასაცნობად დაიწყეთ საძიებო მოთხოვნის აკრეფა. ნავიგაციისთვის გამოიყენეთ კლავიშები ზემოთ ან ქვემოთ მიმართული ისრებით. ასარჩევად გამოიყენეთ კლავიში Enter. არჩეული ფრაზა საძიებო ველს დაემატება, ბმულის არჩევის შემთხვევაში კი ბრაუზერში შესაბამისი გვერდი გაიხსნება.
ვარიანტების გასაცნობად დაიწყეთ საძიებო მოთხოვნის აკრეფა. ნავიგაციისთვის გამოიყენეთ კლავიშები ზემოთ ან ქვემოთ მიმართული ისრებით. ასარჩევად გამოიყენეთ კლავიში Enter. არჩეული ფრაზა საძიებო ველს დაემატება, ბმულის არჩევის შემთხვევაში კი ბრაუზერში შესაბამისი გვერდი გაიხსნება.

განახლებები, რომლებიც თქვენი ბიზნესის მართვასა და განვითარებაში დაგეხმარებათ

მოიცავს გაუქმების დინამიკურ წესებსა და გაუმჯობესებულ საფასო რჩევებს.
ავტორი: Airbnb (21 ოქტ, 2025)

ამიერიდან გაცილებით მარტივია, შეინარჩუნოთ კონკურენტუნარიანობა, შეჯერდეთ უფრო გონივრულ ფასებზე და იქონიოთ უფრო ეფექტური კომუნიკაცია — ამაში Airbnb‑ს მიერ სამასპინძლო ხელსაწყოებში შეტანილი უახლესი ცვლილებები შეგიწყობთ ხელს. ამას გარდა, სტუმრობის მსურველებისთვისაც შევიმუშავეთ ახალი ფუნქციები, რომ დავეხმაროთ მათ, იპოვონ საცხოვრებლები, რომლებიც სხვა შემთხვევაში შეიძლებოდა, რომ გამორჩენოდათ, ასევე, საშუალება მივცეთ, თანხის წინასწარ გადახდის საჭიროების გარეშე გააფორმონ ჯავშნები, რაც თქვენთვის არ იქნება დაკავშირებული დამატებით ხარჯებთან.* აღნიშნულ სიახლეებს თქვენს აპში უკვე დღეიდან იხილავთ, დანარჩენები კი მომდევნო წლის დასაწყისში გახდება ხელმისაწვდომი.

დააწესეთ უფრო გონივრული ფასები და დაგეგმეთ ყველაფერი წინასწარ

ეს ხელსაწყოები დაგეხმარებათ მაქსიმალურად მეტი შემოსავლის მიღებასა და ჯავშნების ბოლო წუთს გაუქმების შემთხვევების თავიდან აცილებაში.

გაუქმების დინამიკური წესები: განსაზღვრეთ გაუქმების განსხვავებული წესები კონკრეტული თარიღებისთვის — მაგალითად, დღესასწაულებზე ან არასეზონზე. მაგალითად, სურვილისამებრ, შეგიძლიათ ჯავშნების გაუქმების შედარებით მოქნილი წესები გქონდეთ იმ თვეებში, როცა მოთხოვნა დაბალია (სტუმრობის მეტი მსურველის ყურადღება რომ მიიპყროთ თქვენი განცხადებისადმი), სეზონზე კი ჯავშნების გაუქმების თქვენ მიერ დაწესებული სტანდარტული წესები შეინარჩუნოთ.**

გაუმჯობესებული საფასო რჩევები: გაეცანით საფასო რჩევებს მომდევნო ერთი წლისთვის, შემდეგ კი გამოიყენეთ ყველა მათგანი ერთი შეხებით. საფასო რჩევები ეფუძნება თქვენ მიერ სტუმრებისთვის შეთავაზებული საცხოვრებლის სხვადასხვა ატრიბუტს, მათ შორის, მის მდებარეობას, საყოფაცხოვრებო პირობებსა და შესაბამისი განცხადებით ადრე მიღებულ ჯავშნებს, ასევე, გათვალისწინებულია თქვენს რეგიონში სხვა საცხოვრებლების უახლესი ფასები.**

სტუმრობათა ფასების წინასწარ გარკვევა: ერთ‑ერთი ან რამდენიმე თარიღისთვის ერთი ღამის ფასის ჩასწორებისას შეიტყობთ, რა თანხის გადახდა მოუწევთ სტუმრებს და სავარაუდოდ რა ოდენობის შემოსავალი გერგებათ.

შეეხეთ კალენდრის ზემოთ მოცემულ ჯადოსნური ჯოხის ხატულას, საფასო რჩევები რომ გამოჩნდეს. ფასები ყველგან მითითებულია აშშ დოლარში.

გაუზიარეთ სტუმრებს ვიდეოები და ადგილობრივი რჩევები

სტუმრებთან ურთიერთობისას ამიერიდან საშუალება გექნებათ, გაუგზავნოთ მათ ვიდეოშეტყობინებები და რეკომენდაციები.

ვიდეოშეტყობინებები: დაეხმარეთ სტუმრობის მსურველებს, უფრო მკაფიო წარმოდგენა შეიქმნან საცხოვრებლის შესახებ — გაუზიარეთ მათ ვიდეოები შეტყობინებებში. მაგალითად, შეგიძლიათ, სტუმრებს დაბინავებამდე საცხოვრებლის ვიდეოტური გაუგზავნოთ, ან, ვთქვათ, ბარბექიუს გრილით სარგებლობის ვიდეოინსტრუქცია დაურთოთ თქვენს მისასალმებელ შეტყობინებას.

რეკომენდაციები მასპინძლებისგან: პირდაპირ შეტყობინებებიდან, რამდენიმე შეხებით გაუგზავნეთ სტუმრებს ციფრული ბარათი, რომელზეც აქცენტირებული იქნება თქვენი გზამკვლევი ანდა Airbnb‑ზე განთავსებული შთაბეჭდილება თუ მომსახურება. ამას გარდა შეძლებთ, დაამატოთ შთაბეჭდილების ან მომსახურების ბმული, რა შემთხვევაშიც სტუმრები რეკომენდაციის შემცველ ბარათს დაინახავენ.

აკონტროლეთ ეფექტურობის მაჩვენებლები

მომავალი წლიდან შემოსავლის მართვის პანელისთვის მომზადდება მარტივად გასარჩევი გრაფიკები, რომლებიც თქვენი განცხადების ეფექტურობის მაჩვენებლების უკეთ გარკვევაში დაგეხმარებათ.

შემოსავლის მართვის განახლებული პანელი: დააკვირდით საშემოსავლო ტენდენციებს წლიდან წლამდე და შეადარეთ შედეგები სეზონების მიხედვით — ყოველივე ამას შეძლებთ სრულიად ახალი ჩანართიდან. მაგალითად, საშუალება გექნებათ, შეადაროთ გასული წლის ნოემბერში მიღებული შემოსავალი მიმდინარე წლის ნოემბერში მოსალოდნელ შემოსავალს.***

სრულიად ახალი ჩანართიდან საშუალება გექნებათ, შეადაროთ მიმდინარე თვეში, მოცემულ მომენტამდე მიღებული შემოსავალი გასული წლის იმავე თვის შედეგებს.

შეინარჩუნეთ ორგანიზებულობა

კალენდარში შეტანილი ორი ცვლილება დაგეხმარებათ, უკეთ მართოთ თქვენი განრიგი.

დაბლოკილი ღამეებისთვის დართული მინაწერები: დაბლოკილ ღამეებს ამიერიდან შეგიძლიათ დაამატოთ სამახსოვროები, რომლებიც შეგახსენებთ, რატომ დაბლოკეთ ესა თუ ის დრო მომავალში.

ვალუტის შემოკლებული ჩვენება: თუ ერთი ღამის ფასი ზედმეტად გრძელი იქნება, ის შემოკლებულად გამოჩნდება თქვენს კალენდარში. მაგალითად, 35 103,42 კოლომბიური პესო გამოჩნდება, როგორც 35,1 ათ $.

გაეცანით განახლებებს, რომლებიც დაეხმარება სტუმრობის მსურველებს ჯავშნების გაფორმებაში

სტუმრობის მსურველთათვის ამიერიდან ხელმისაწვდომია თანხის გადახდის მეტი ხერხი და ძიების უფრო გონიერი ფუნქციონალი.

ახლა დაჯავშნა, მოგვიანებით გადახდა: ზოგიერთი საცხოვრებლის დაჯავშნა სტუმრობის მსურველებს შეუძლიათ ჯავშნის გაფორმების მომენტში თანხის გადახდის საჭიროების გარეშე. აღნიშნული არ აისახება თქვენი კუთვნილი ანაზღაურების გაცემის გრაფიკზე. სტუმრობის მსურველთათვის უფრო მოქნილი პირობების შეთავაზება, შესაძლოა, მასპინძლებსაც დაეხმაროს მეტი ჯავშნის მიღებაში. ანგარიშსწორებისას სტუმრობის მსურველების 60%‑ზე მეტმა გადახდის სწორედ ეს ვარიანტი აირჩია, როცა ის ხელმისაწვდომი იყო კრიტერიუმების შესაბამისი ჯავშნებისთვის.****

ძიების უფრო გონიერი ფუნქციონალი: საცხოვრებლის ძიებისას სტუმრობის მსურველები იხილავენ მეტ ვარიანტს, რომლებიც ოდნავ განსხვავდება მათი საძიებო კრიტერიუმებისგან. მაგალითად, მათ დამატებით ვაჩვენებთ მსგავს ფასად, განსხვავებული საყოფაცხოვრებო პირობებით ანდა ახლომახლო ქალაქებში უფრო იაფად ხელმისაწვდომ საცხოვრებლებს. აღნიშნული დაეხმარება სტუმრობის მსურველებს, იპოვონ შესანიშნავი ვარიანტები, რომლებიც, შესაძლოა, სხვა შემთხვევაში გამორჩენოდათ.

გაუმჯობესებული რუკები: სტუმრებს ამიერიდან საშუალება აქვთ, რუკებზე ნახონ ახლომდებარე ორიენტირები, ღირსშესანიშნაობები, რესტორნები და სხვა მნიშვნელოვანი ადგილები. ამა თუ იმ ობიექტზე შეხებისას სტუმრები გაეცნობიან მოკლე ინფორმაციასა და სავალ მანძილს საცხოვრებლამდე, რომელსაც ათვალიერებენ ან რომელიც უკვე დაჯავშნილი აქვთ. წლის ბოლოსთვის სტუმრებს საშუალება ექნებათ, აირჩიონ რუკის სასურველი ხედი — მაგალითად, სატელიტური, ქუჩის ან საზოგადოებრივი ტრანსპორტის.

* ვარიანტი „ახლა დაჯავშნა, მოგვიანებით გადახდა“ ხელმისაწვდომია აშშ‑ში მცხოვრები სტუმრებისთვის, დღეიდან კი მისით სარგებლობას შეძლებს ზოგიერთი სტუმარი საერთაშორისო მასშტაბით. უფრო ვრცელი ხელმისაწვდომობა დაგეგმილია მომდევნო წლის დასაწყისისთვის. კრიტერიუმებს არ შეესაბამება ჯავშნები, რომელთა ღირებულების გადახდაც ხდება ბრაზილიურ რეალში (BRL), ინდურ რუპიაში (INR) ან თურქულ ლირაში (TRY).

** გაუქმების დინამიკური წესები და გაუმჯობესებული საფასო რჩევები ეტაპობრივად გახდება ხელმისაწვდომი მასპინძელთა შეზღუდული რაოდენობისთვის ნოემბრიდან, ხოლო უფრო ფართო აუდიტორიისთვის — 2026 წლის დასაწყისიდან.

*** ეფექტურობის ახალი ჩანართი მასპინძლებისთვის ხელმისაწვდომი გახდება 2026 წლის დასაწყისში.

**** ეფუძნება Airbnb‑ს მიერ 2025 წლის აპრილიდან ივნისამდე პერიოდში შეგროვებულ შიდა მონაცემებს, როცა წლის პირველ ნახევარში აშშ‑ში გამოცდილი იყო ვარიანტი „ახლა დაჯავშნა, მოგვიანებით გადახდა“.

ფასები მითითებულია აშშ დოლარში. ხელსაწყოები და ფუნქციები, შესაძლოა, განსხვავდებოდეს მდებარეობის მიხედვით.

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.

Airbnb
21 ოქტ, 2025
სასარგებლო იყო?