ხელმისაწვდომობის პარამეტრების განახლება

ხელმისაწვდომობის პარამეტრები საშუალებას გაძლევთ, Airbnb‑ზე მარტივად აკონტროლოთ, როდის და როგორ დაჯავშნიან სტუმრობის მსურველები თქვენ მიერ განთავსებულ საცხოვრებელს. მათი მართვა კალენდრიდან შეგიძლიათ.

ხელმისაწვდომობის პარამეტრები და ფასების დაწესების ხელსაწყოები ხშირად ერთობლივად მუშაობს. თუ, ვთქვათ, ერთ თვეზე ფასდაკლების დაწესება გსურთ, შესაძლოა, დაგჭირდეთ დასაჯავშნად ხელმისაწვდომობის შეცვლა (ამ შემთხვევაში — შედარებით ხანგრძლივი სტუმრობების დაშვება).

სტუმრობის მინიმალური და მაქსიმალური ხანგრძლივობების შეცვლის შედეგად, თქვენი განცხადება, შესაძლოა, სტუმრობის მსურველთა ძიების მეტ შედეგში მოხვდეს, თუმცა აღნიშნული ხანგრძლივობები ადგილობრივი წესებისა და რეგულაციების დაცვით უნდა განსაზღვროთ.

• სტუმრობის მინიმალური ხანგრძლივობა (ღამე): მინიმალური ხანგრძლივობის შემცირებით მოკლე ხნით სტუმრობის მსურველებს დააინტერესებთ, რაც, თავის მხრივ, დაგეხმარებათ, შეამციროთ დაუჯავშნელი ღამეების რაოდენობა თქვენს კალენდარში. სტუმრობის მინიმალური ხანგრძლივობის განსაზღვრა იმის მიხედვითაც შეგიძლიათ, თუ კვირის რომელ დღეს იგეგმება დაბინავება.
• მაქსიმალური ხანგრძლივობა (ღამე): მაქსიმალური ხანგრძლივობის გაზრდა დაგეხმარებათ, დააინტერესოთ ისინი, ვინც შედარებით დიდი ხნით აპირებს სტუმრობას (რაც, თავის მხრივ, თავიდან აგაცილებთ საცხოვრებლის ხშირი მომზადების საჭიროებას). ამას გარდა, შეგიძლიათ, საშუალება მისცეთ სტუმრობის მსურველებს, მოგმართონ მოთხოვნებით, თუ მათთვის სასურველი პერიოდი თქვენ მიერ განსაზღვრულ მაქსიმალურ ხანგრძლივობას სცდება. აღნიშნულ მოთხოვნებს ინდივიდუალურად გაეცნობით და შეძლებისდაგვარად დააკმაყოფილებთ.
• სტუმრობის ინდივიდუალური ხანგრძლივობა: ზოგიერთი თარიღისთვის სტუმრობის ინდივიდუალური (მინიმალურზე ნაკლები) ხანგრძლივობის მითითების შემთხვევაში, კალენდარს უფრო დიდი ალბათობით შეავსებთ.

მინიმუმ რა დრო გჭირდებათ სტუმრის მიერ ჯავშნის გაფორმებიდან მის დაბინავებამდე? რამდენით ხნით ადრე გსურთ, რომ აფორმებდნენ ჯავშნებს სტუმრობის მსურველები? განსაზღვრეთ დასაჯავშნად ხელმისაწვდომობა, ხელსაყრელი ჯავშნები რომ მიიღოთ. ღამეები ავტომატურად გახდება დასაჯავშნად ხელმისაწვდომი თქვენ მიერ არჩეული პარამეტრების შესაბამისად. კალენდრის ხელით კორექტირება არ მოგიწევთ.

• დრო დაბინავებამდე: შეგიძლიათ აირჩიოთ დღეზე ნაკლები, მინიმუმ 1 დღე, მინიმუმ 2 დღე, მინიმუმ 3 დღე ან მინიმუმ 7 დღე. სურვილისამებრ, შეგიძლიათ, საშუალება მისცეთ ჯავშნის გაფორმების დღესვე სტუმრობის მსურველებს, მოგმართონ მოთხოვნებით, რომლებსაც ინდივიდუალურად გაეცნობით და შეძლებისდაგვარად დააკმაყოფილოთ.
• დაბინავების დღესვე ჯავშნის გაფორმების ბოლო ვადა: თუ სტუმრობის მსურველებს ჯავშნის დაბინავების დღესვე გაფორმების საშუალებას აძლევთ, შეგიძლიათ, განსაზღვროთ ბოლო ვადა, რომლის შემდეგაც ისინი ვეღარ შეძლებენ ჯავშნის გაფორმებას. აირჩიეთ ნებისმიერი საათი 06:00‑დან 00:00‑მდე.
• მომზადების დრო: განსაზღვრეთ, რამდენი ღამის დაბლოკვა გსურთ ყოველ სტუმრობამდე და მის შემდეგ. შესაძლებელია, აირჩეს 1, 2 ან არცერთი ღამე თითოეულ სტუმრობამდე და მის შემდეგ.
• ხელმისაწვდომი პერიოდი: დასაჯავშნად ხელმისაწვდომი პერიოდის გახანგრძლივება სტუმრობის მსურველებს ჯავშნების კიდევ უფრო ადრე გაფორმების საშუალებას მისცემს, თქვენი განცხადება კი უფრო დიდი ალბათობით მოხვდება ძიების მეტ შედეგში. შეგიძლიათ აირჩიოთ, რომ დასაჯავშნად ხელმისაწვდომი იყოს მიმდინარე თარიღიდან მომდევნო 3 თვე, 6 თვე, 9 თვე, 12 თვე ან 24 თვე.
• ხელმისაწვდომობის სხვა პარამეტრები: სურვილისამებრ, შეგიძლიათ კვირის მხოლოდ კონკრეტულ დღეებში დაუშვათ დაბინავება და საცხოვრებლიდან გასვლა. აღნიშნული პარამეტრი კალენდარზე აისახება და ვერავინ შეძლებს მიუწვდომელი თარიღების არჩევას შესვლისა თუ გასვლისთვის. კვირის რამდენიმე დღის არჩევაც შეგიძლიათ, მაგრამ არა ყოველი დღის, რადგან ამ შემთხვევაში სტუმრები ვერ შეძლებენ საცხოვრებლის დაჯავშნას.

მასპინძლობისთვის განკუთვნილი ყველა კალენდრის სინქრონიზაცია თავიდან აგაცილებთ სხვადასხვა სტუმრის მიერ ერთი და იმავე თარიღების დაჯავშნას. კავშირი ორმხრივია, ამიტომ როცა რომელიმე ღამე დაიჯავშნება, ინფორმაცია ორივე კალენდარში ავტომატურად განახლდება. კალენდრების დასაკავშირებლად:

• დაამატეთ Airbnb‑კალენდრის ბმული სხვა ვებსაიტზე.
• იპოვეთ .ics‑ით დაბოლოებული ბმული სხვა ვებსაიტზე, შემდეგ კი ჩასვით ის Airbnb‑კალენდარში.

ფასებსა და სხვა პარამეტრებს ყოველთვის თავად აკონტროლებთ. თქვენი შედეგები, შესაძლოა, განსხვავდებოდეს სხვა მასპინძლების შედეგებისგან.

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.