შემოთავაზებულ შედეგებზე წვდომისთვის გადადით წინ

    კალენდრისა და დაჯავშნის პარამეტრების შესახებ

    განსაზღვრეთ დასაჯავშნად ხელმისაწვდომობა, რომ სასურველი ჯავშნები მიიღოთ ხოლმე.
    ავტორი: Airbnb (1 დეკ, 2020)
    2-წუთიანი საკითხავი
    განახლების თარიღი: 26 აგვ, 2021

    ყველაზე მნიშვნელოვანი

    • რეგულარულად განაახლეთ განცხადება, რომ სასურველ დროს სასურველი ჯავშნები მიიღოთ

    • შეასრულეთ კალენდრების სინქრონიზაცია, რომ თავიდან აიცილოთ გაუქმებისა და დაჯარიმების შემთხვევები

    • დაიხმარეთ ჩვენი სრული გზამკვლევი ეფექტური განცხადების შესაქმნელად

    კალენდრისა და დაჯავშნის პარამეტრების მეშვეობით მასპინძლები სრულად აკონტროლებენ, როდის და როგორ სურთ სტუმრებისთვის საცხოვრებლის შეთავაზება — ზოგს მასპინძლობისთვის წელიწადში რამდენიმე შაბათ-კვირა სცალია, ზოგიერთს კი უფრო ხშირად (და ყოველდღიურადაც კი) ურჩევნია მასპინძლობა. ამ ორი ხელსაწყოს სათანადოდ გამოყენების შემთხვევაში არა მხოლოდ დაუბრკოლებლად წარმართავთ მასპინძლობის ბიზნესს, არამედ სტუმრებიც უფრო კმაყოფილი დარჩებიან.

    ამას გარდა, კალენდრის რეგულარულად განახლება დაგეხმარებათ, თავიდან აიცილოთ ჯავშნების გაუქმების შემთხვევები, რომელთა გამოც, შესაძლოა, საჯარიმო სანქციები დაგეკისროთ, სტუმრებს კი მოულოდნელი უსიამოვნება შეხვდეთ. ამ სტატიაში გაგიზიარებთ, როგორ შეარჩიოთ კალენდრისა და დაჯავშნის სათანადო პარამეტრები როგორც თქვენთვის, ისე სტუმრებისთვის შეთავაზებული საცხოვრებლისთვის.
    თავს მოგზაურის ადგილას წარმოვიდგენ ხოლმე და კალენდრისა თუ დაჯავშნის პარამეტრებს სწორედ ამის მიხედვით განვსაზღვრავ — ჩემთვის მნიშვნელოვანიაა ჯავშნის სწრაფად გაფორმებისა და ადრე დაბინავების შესაძლებლობა.
    Kevino,
    მეხიკო, მექსიკა

    დასაჯავშნად ხელმისაწვდომობის განსაზღვრა

    კალენდრის რეგულარულად განახლება მნიშვნელოვანია მასპინძლებისთვის — რაც უფრო მეტი თარიღი იქნება დასაჯავშნად ხელმისაწვდომი, მით მეტი ალბათობით აირჩევენ სტუმრები მათთვის შეთავაზებულ საცხოვრებელს.

    დასაჯავშნად ხელმისაწვდომ მრავალ თარიღსა და თქვენთვის ხელსაყრელ პირობებს შორის სათანადო ბალანსი მარტივად რომ დაიცვათ, ჩვენ გთავაზობთ დაჯავშნასთან დაკავშირებულ პარამეტრებს, რომელთა განსაზღვრაც ინდივიდუალურად შეგიძლიათ. მაგალითად, აღნიშნული პარამეტრების მეშვეობით სუპერმასპინძელ კევინოს უმარტივდება:

    • დაჯავშნის პერიოდის განსაზღვრა ისე, რომ სტუმრებმა მხოლოდ მომდევნო 3 თვის განმავლობაში ხელმისაწვდომი თარიღების დაჯავშნა შეძლონ. „ეს წლის მეორე ნახევარში ფასებზე კონტროლისა და კონკურენტუნარიანობის შენარჩუნებაში მეხმარება“, — ამბობს ის.
    • თარიღების ხელით დაბლოკვა, როცა მასთან მეგობრები ან ოჯახის წევრები ჩადიან. „ამას გარდა, რამდენიმე სტუმარი წელიწადის ერთსა და იმავე დროს ჩამოდის ხოლმე, ამიტომ წინასწარ ვბლოკავ ხოლმე შესაბამის თარიღებს“, — დასძენს კევინო.
    • ფასების მორგება ადგილობრივი მოთხოვნის მიხედვით. „ოქტომბერსა და ნოემბერში მეხიკოში მრავალი ფესტივალი იმართება, ამიტომ ფასებს ვზრდი. გარდაცვლილთა დღეს განსაკუთრებით ბევრი ადამიანი ჩამოდის“, — აღნიშნავს ის.
    • საცხოვრებელში შესვლისა და გასვლის კონკრეტული საათების მითითება. „სტუმრებს 14:00-დან შეუძლიათ დაბინავება, ხოლო საცხოვრებლიდან გასვლას 12:00-მდე ვთხოვ. მინდა, რომ სტუმრებს წასვლამდე დასვენებისა და საუზმისთვის საკმარისი დრო ჰქონდეთ. ამას გარდა, სპეციალური ადგილი გამოვუყავი, სადაც მათ უსაფრთხოდ შეუძლიათ ბარგის შენახვა, თუ გასვლის შემდეგ გარკვეული დრო ქალაქში ყოფნა უწევთ“, — გვიზიარებს კევინო.

    ამას გარდა, დაჯავშნის პარამეტრების მეშვეობით შეგიძლიათ:

    • სტუმრობის მინიმალური და მაქსიმალური ხანგრძლივობის განსაზღვრა. ზოგიერთ მასპინძელს მინიმუმ 2 ღამით დაჯავშნა აქვს დაშვებული, ზოგს კი სეზონზე 1‑კვირიანი ან უფრო ხანგრძლივი ჯავშნების მიღება ურჩევნია.
    • Airbnb კალენდრის სინქრონიზაცია თქვენს სხვა ონლაინკალენდრებთან, რომ არასოდეს გამოგრჩეთ მომავალი ჯავშნები.

    სტუმრებისთვის დაჯავშნის მეთოდის შეთავაზება

    სტუმრებს საცხოვრებლის დაჯავშნა შეუძლიათ ორგვარად: მომენტალურად ან დაჯავშნის ინდივიდუალურად მოთხოვნით.

    მომენტალური დაჯავშნის მეშვეობით სტუმრები, რომლებიც თქვენ მიერ დაწესებულ ყველა მოთხოვნას აკმაყოფილებენ და სახლის წესებსაც ეთანხმებიან, მომენტალურად შეძლებენ ხელმისაწვდომი თარიღების დაჯავშნას. ამ ხელსაწყოთი მოსარგებლე მასპინძლები, ხშირ შემთხვევაში, ჯავშნების რაოდენობის ზრდას ამჩნევენ, რადგან სტუმრებს საგრძნობლად უმარტივდებათ ჯავშნების გაფორმება.*

    განცხადების გამოქვეყნებისას ერთი ცდა ჩავატარე: თავიდან დაჯავშნის ინდივიდუალურად მოთხოვნა ავირჩიე, მოგვიანებით კი — მომენტალური დაჯავშნა. მომენტალური დაჯავშნის შემთხვევაში ჯავშნების რაოდენობამ საგრძნობლად მოიმატა.
    Kevino,
    მეხიკო, მექსიკა

    დაჯავშნის ინდივიდუალურად მოთხოვნის ვარიანტი მასპინძლებს, როგორც წესი, ურჩევნიათ, თუ:

    • არაპროგნოზირებადი გრაფიკი აქვთ
    • სტუმრებს სთავაზობენ უჩვეულო საცხოვრებელს (მაგალითად, სოფლის სტილის სახლს, რომელსაც ჩვეული პირობები არ გააჩნია) და დეტალების წინასწარ შეთანხმება სურთ
    • სტუმრებს მხოლოდ გრძელვადიანი ჯავშნების (28 ან მეტი ღამის ხანგრძლივობის) გაფორმების საშუალებას აძლევენ

    ეს იმ მრავალი პარამეტრის მხოლოდ რამდენიმე მაგალითია, რომელთა მეშვეობითაც, ვიმედოვნებთ, რომ მეტად გააკონტროლებთ, როდის და როგორ დაიჯავშნება თქვენ მიერ სტუმრებისთვის შეთავაზებული საცხოვრებელი, რაც, საბოლოო ჯამში, მასპინძლობის თქვენთვის ხელსაყრელი სტილის ჩამოყალიბებაში შეგიწყობთ ხელს.

    *ეფუძნება 2018 წლის ოქტომბრიდან 2020 წლის მარტამდე Airbnb‑ს მიერ შეგროვებულ შიდა მონაცემებს.

    ყველაზე მნიშვნელოვანი

    • რეგულარულად განაახლეთ განცხადება, რომ სასურველ დროს სასურველი ჯავშნები მიიღოთ

    • შეასრულეთ კალენდრების სინქრონიზაცია, რომ თავიდან აიცილოთ გაუქმებისა და დაჯარიმების შემთხვევები

    • დაიხმარეთ ჩვენი სრული გზამკვლევი ეფექტური განცხადების შესაქმნელად

    Airbnb
    1 დეკ, 2020
    სასარგებლო იყო?

    სხვა საინტერესო

    სხვა საინტერესო

    გაეცანით სხვა თემებს