საწყისი ფასის დაწესება

კონკურენტუნარიან ფასზე შეჯერება, დაგეხმარებათ, თქვენი განცხადება უფრო გამორჩეულად აქციოთ და სტუმრობის მეტი მსურველი დააინტერესოთ. ფასი მხოლოდ თქვენი გადასაწყვეტია, მის შეცვლას კი ნებისმიერ დროს შეძლებთ.

პირველ რიგში, შეჯერდით საბაზისო ფასზე სამუშაო დღეებისთვის. ის იქნება ნაგულისხმევი ფასი ყველა ღამისთვის თქვენს კალენდარში. სურვილისამებრ, შეგიძლიათ გაზარდოთ ფასი შაბათ‑კვირებისთვის, კერძოდ, პარასკევისა და შაბათის ღამეებზე.

თქვენთვის ნაჩვენები რეკომენდებული ფასები ეფუძნება მდებარეობას, საყოფაცხოვრებო პირობებს, თქვენ მიერ ადრე მიღებულ ჯავშნებს, უახლეს ფასებს თქვენს რეგიონში და სხვა ფაქტორებს. თუ რეკომენდებულისგან განსხვავებული ფასის დაწესებას გადაწყვეტთ, შეეცადეთ, სწორი ბალანსი იპოვოთ თქვენი, როგორც მასპინძლის, ხარჯებსა და იმ თანხას შორის, რომლის გადასახდელადაც მზად არიან სტუმრები. ქვემოთ გთავაზობთ ინფორმაციას იმის შესახებ, თუ რა უნდა გაითვალისწინოთ ამ კუთხით.

• მასპინძლობის ხარჯები: აღნიშნული, შესაძლოა, მოიცავდეს იპოთეკას, კომუნალურ გადასახადებს, ტექნიკურ მომსახურებასა და ოფიციალურ მოსაკრებლებს.
• ფასის ხარისხთან შეფარდება: დაფიქრდით, რა გექნებათ წარმოჩენილი განცხადებაში — მაგალითად, პოპულარული საყოფაცხოვრებო პირობები, ადაპტირებული პირობები ანდა საცხოვრებლის ადგილობრივ ღირსშესანიშნაობებთან სიახლოვე.
• სტუმრების მიერ გადასახდელი ჯამური ფასი: გაითვალისწინეთ, რომ ნებისმიერი გადასახადი, რომლის დამატებასაც გეგმავთ (მაგალითად, შინაური ცხოველებისთვის), აისახება ჯამურ ფასზე.

საწყის ეტაპზე შედარებით დაბალი ფასის მითითება, შესაძლოა, დაგეხმაროთ პირველი სტუმრების დაინტერესებასა და მიმოხილვების მიღებაში.

პრომოაქციებისა თუ ფასდაკლებების მეშვეობით შესაძლებელია განცხადების პოზიციის გაუმჯობესება ძიების შედეგებში და სტუმრობის მსურველთა ყურადღების მიქცევა.

• პრომოაქცია „ახალი განცხადება“: პირველ სამ ჯავშანზე დაწესდება 20%‑იანი ფასდაკლება, პირველი ჯავშნები და მიმოხილვები უფრო სწრაფად რომ მიიღოთ.
• ბოლო წუთის ფასდაკლება: შეამცირეთ ფასი ჯავშნებისთვის, რომლებიც გაფორმდება დაბინავების დაგეგმილ თარიღამდე 1-დან 28 დღემდე პერიოდში. ეს დაგეხმარებათ კალენდრის შევსებაში.
• ფასდაკლებები ერთ კვირასა და თვეზე: გრძელვადიან სტუმრობებზე დაწესებული ფასდაკლებები დაგეხმარებათ კალენდრის უფრო სწრაფად შევსებასა და სტუმრების ხშირი ცვლით გამოწვეული საზრუნავის შემცირებაში.

ფასდაკლებული ფასი მითითებული იქნება გადახაზული თავდაპირველი ფასის გვერდით.

განცხადების გამოქვეყნების შემდეგ ფასების დაწესების მეტ ხელსაწყოზე მიიღებთ წვდომას. ფასების რეგულარული კორექტირებისთვის Airbnb‑ს ხელსაწყოებით სარგებლობა მასპინძლობის კუთხით დასახული მიზნების მიღწევაში შეგიწყობთ ხელს.

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.