რამდენიმე დამატებითი ცნობის მითითება
სავარაუდოდ, გაინტერესებთ, რატომ გთხოვთ გარკვეული პერსონალური მონაცემების მოწოდებას განცხადების შექმნისას. აღნიშნულ ინფორმაციას მოითხოვს მოქმედი კანონმდებლობა, პროცედურის „იცნობდე შენს კლიენტს“ (KYC) ფარგლებში.
რას გულისხმობს „იცნობდე შენს კლიენტს“ (KYC)?
„იცნობდე შენს კლიენტს“ ნორმატიული მოთხოვნაა, რომელიც ხელს უწყობს Airbnb‑ს გაერთიანების წევრების დაცვას თაღლითობის შემთხვევებისგან. ის, ასევე, ფულის გათეთრებისა და ტერორიზმის დაფინანსების აღკვეთას ემსახურება. კომპანიებს, რომლებსაც საგადახდო ოპერაციების დამუშავების ლიცენზია აქვს (მაგალითად, Airbnb‑ს შვილობილ კომპანიებს საგადახდო სფეროში), მოქმედი კანონმდებლობა პროცედურის „იცნობდე შენს კლიენტს“ დაცვას ავალდებულებს. სხვა სიტყვებით რომ ვთქვათ, ჩვენ უნდა ვიცოდეთ, ვის აქვს წვდომა Airbnb‑ზე რეგისტრირებულ თითოეულ ანგარიშზე და ვინ მიიღებს თანხას.
რა არის სავალდებულო?
განცხადების გამოქვეყნებამდე ქვემოთ აღნიშნული ინფორმაციის მოწოდებას გთხოვთ.
- ოფიციალური სახელი: ის მითითებული გექნებათ Airbnb‑ზე ანგარიშის შექმნისას.
- დაბადების თარიღი: ის მითითებული გექნებათ Airbnb‑ზე ანგარიშის შექმნისას.
- საცხოვრებელი მისამართი: დაგჭირდებათ ფაქტობრივი მისამართის მითითება. თუ ის განსხვავდება ჩვენს პლატფორმაზე განთავსებული საცხოვრებლის მისამართისგან, სტუმრები მას ვერ დაინახავენ. Airbnb‑ზე განთავსებული საცხოვრებლის მისამართს სტუმრები მხოლოდ ჯავშნის დადასტურების შემდეგ ხედავენ.
- ბიზნესსუბიექტის სტატუსით მასპინძლობთ? ეს, როგორც წესი, ნიშნავს, რომ თქვენი ბიზნესსუბიექტი რეგისტრირებულია კომპეტენტურ ორგანოებში. თუ ევროკავშირში მასპინძლობთ, ბიზნესსუბიექტის სტატუსით მასპინძლობა ნიშნავს, რომ ეს თქვენი შემოსავლის ძირითადი წყაროა ან წარმოადგენთ კომპანიას (მაგალითად, ბუტიკ‑ოტელს ან უძრავი ქონების მართვის ფირმას).
როგორ იყენებს და ინახავს Airbnb ამ ინფორმაციას?
თქვენი ინფორმაცია მუშავდება ჩვენი კონფიდენციალურობის დებულების შესაბამისად.
რა მოხდება, თუკი ამ ცნობებს არ მივუთითებ?
პროცედურის „იცნობდე შენს კლიენტს“ ფარგლებში ინფორმაციის მითითება სავალდებულოა კუთვნილი თანხის მისაღებად. Airbnb‑ზე განცხადებას ვერ გამოაქვეყნებთ, სანამ ყველა საჭირო ცნობას არ მოგვაწვდით.
მომდევნო ნაბიჯები
თქვენი მდებარეობის მიხედვით, შესაძლოა, გთხოვოთ, წარმოადგინოთ გარკვეული დამატებითი ინფორმაცია — მაგალითად, პირადობის დამადასტურებელი დოკუმენტი, რომელიც ადასტურებს თქვენს ოფიციალურ სახელსა და დაბადების თარიღს.
თუ ბიზნესსუბიექტის სტატუსით მასპინძლობთ, თქვენი ბიზნესსუბიექტის მონაცემების წარმოდგენას განცხადების გამოქვეყნების შემდეგ გთხოვთ. აღნიშნული მოიცავს გადასახადის გადამხდელი მეწარმის ნომერს, სარეგისტრაციო მონაცემებს ან ინფორმაციას მფლობელების შესახებ.
სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.