შემოსავლის მართვის პანელი: უკეთ გაეცანით თქვენს ფინანსურ შედეგებს

შემოსავლის დეტალებში გარკვევა მასპინძლობის კუთხით უფრო დიდი წარმატების მიღწევაში დაგეხმარებათ. სწორედ ამიტომ, მასპინძლებისგან მიღებული გამოხმაურების საფუძველზე, შემოსავლის მართვის პანელს ახალ ფუნქციებს ვამატებთ.

• ინტერაქტიური დიაგრამები სიღრმისეული ინფორმაციისთვის. გააანალიზეთ თქვენი ყოველთვიური და ყოველწლიური შემოსავალი, გაფილტრეთ მონაცემები განცხადებების მიხედვით, ასევე, გაეცანით წინა პერიოდების სტატისტიკას ან მომავლის პროგნოზს.
• შემოსავლის ანგარიშები ახალ სექციაში. ავტომატურად მიიღეთ ყოველთვიური თუ ყოველწლიური ანგარიშები და ჩამოტვირთეთ ისინი PDF‑ფაილების სახით. ანგარიშები მოიცავს დეტალიზაციას განცხადებებისა და ანაზღაურების მიღების მეთოდების მიხედვით.

შემოსავლის მართვის პანელი ხელმისაწვდომია „მენიუს“ ჩანართში. მის გასახსნელად აირჩიეთ შემოსავალი.

ახლა გაგაცნობთ ყველაფერს, რაც შემოსავლის მართვის გაუმჯობესებულ პანელში დაგხვდებათ.

შემოსავლის მართვის პანელის ზედა ნაწილში მოცემულ დიაგრამაზე ასახულია:

• წინა ექვსი თვიდან თითოეულის განმავლობაში თქვენ მიერ მიღებული შემოსავალი
• მიმდინარე თვეში მოცემულ მომენტამდე მიღებული შემოსავალი
• მომდევნო ხუთი თვიდან თითოეულისთვის პროგნოზირებული შემოსავალი (მომავალი ჯავშნების საფუძველზე)

შემოსავლის დიაგრამის გასაშლელად და მასთან ურთიერთქმედებისთვის შეეხეთ ორმაგ ისარს. ამ ახალ ხედში შემოსავალი ნაჩვენები იქნება თვეების ან წლების, ასევე, განცხადებების მიხედვით. გამოიყენეთ ფილტრი, რომ აირჩიოთ, რომელ განცხადებასთან ან განცხადებებთან დაკავშირებული მონაცემების გაცნობა გსურთ.

შემოსავლის ინტერაქტიური დიაგრამის ქვემოთ ნაჩვენები იქნება ეფექტურობის მაჩვენებლები, კერძოდ:

• ჯავშნების რაოდენობა;
• დაჯავშნილი ღამეების ჯამური რაოდენობა;
• დაკავებულობის მაჩვენებელი;
• სტუმრობის საშუალო ხანგრძლივობა.

ეს მაჩვენებლები გამოითვლება იმ პერიოდისა და განცხადებების მიხედვით, რომლებსაც ეცნობით. ისინი ავტომატურად ახლდება ფილტრის გამოყენების ან მართვის პანელის ხელახლა ჩატვირთვის დროს.

მიმდინარე წლის 1 იანვრიდან მიღებული შემოსავლის დეტალიზაციას რომ გაეცნოთ, დიაგრამასთან შეხებით აირჩიეთ შემოსავლის შეჯამების ჩვენება. თქვენ გაეცნობით მთლიან შემოსავალს — თქვენს კუთვნილ თანხას ნებისმიერ გამოქვითვამდე. თითოეული გამოქვითვა მითითებული იქნება ცალკე სტრიქონზე, მთლიანი წმინდა ანაზღაურება კი — მის ქვემოთ.

კერძოდ, მოცემული იქნება:

• მთლიანი შემოსავალი;
• კორექტირებები;
• მასპინძელთა მომსახურების გადასახადი;
• დაკავებული გადასახადები;
• მთლიანი წმინდა ანაზღაურება.

მართვის პანელში მკაფიოდ აისახება ყველა მომავალი და ბოლოდროინდელი ტრანსაქცია. გახსენით ტრანსაქცია, რომ შეიტყოთ დეტალები, მათ შორის:

• ფასის დეტალიზაცია;
• შესრულებული ან დაგეგმილი გადახდის თარიღი;
• სწრაფი ჩარიცხვის მეშვეობით ანაზღაურების 30 წუთის განმავლობაში მიღების შესაძლებლობა (მხოლოდ აშშ‑ში);
• შესაბამისი ჯავშნის კოდი;
• სტუმრის სახელი და ფოტო.

ინფორმაციის სრულად გასაცნობად გახსენით ყველა მომავალი ან ყველა შესრულებული ტრანსაქცია. ამის შემდეგ შეძლებთ:

• გაფილტროთ ტრანსაქციები თარიღის, განცხადებისა და ანაზღაურების მიღების მეთოდის მიხედვით;
• მოიძიოთ ანაზღაურების ზუსტი ოდენობა ან ჯავშნის დამადასტურებელი კოდი;
• CSV-ფაილების სახით ინდივიდუალური ანგარიშების შესაქმნელად აირჩიოთ, რომელი მონაცემები გსურთ, დაერთოს ანგარიშს (მაგალითად, ანაზღაურების მიღების მეთოდი, ჯავშნის გაფორმების თარიღი და ჯავშნის დამადასტურებელი კოდი).

Airbnb უკვე ავტომატურად მოგიმზადებთ ყოველთვიურ და ყოველწლიურ ანგარიშებს ახალ სექციაში. ანგარიშები ხელმისაწვდომია ჯერ კიდევ იმ წლიდან, როცა მასპინძლობა დაიწყეთ. ამასთან, შესაძლებელი იქნება მათი ჩამოტვირთვა ან ელფოსტით გაგზავნა PDF-ფაილების სახით.

თითოეულ ანგარიშში ასახულია შესაბამისი თვისა თუ წლის შემოსავლის დეტალები, მათ შორის:

• მთლიანი შემოსავლის, კორექტირებების, მასპინძელთა მომსახურების გადასახადის, დაკავებული გადასახადებისა და მთლიანი წმინდა ანაზღაურების დეტალიზაცია;
• ეფექტურობის მაჩვენებლები (მაგალითად, დაჯავშნილი ღამეების რაოდენობა და სტუმრობის საშუალო ხანგრძლივობა);
• შემოსავალი ცალკეული განცხადებისა და ანაზღაურების მიღების მეთოდის მიხედვით;
• არჩეული წლის თითოეული თვის შემოსავალი (მხოლოდ წლიური ანგარიშების შემთხვევაში).

შეეხეთ შემოსავლის მართვის პანელის ზედა მარჯვენა ნაწილში მოცემულ კბილანას ხატულას, რომ გახსნათ:

• ანაზღაურების მიღების პარამეტრები, რომლებიდანაც შესაძლებელია როგორც ანაზღაურების მიღების მეთოდების, ისე გადანაწილების წესების შემოწმება და დამატება;
• საგადასახადო ინფორმაცია, რომლიდანაც შეგიძლიათ გადასახადის გადამხდელის მონაცემებისა და საგადასახადო დოკუმენტების მართვა;
• შემოსავლის ანგარიშები, რომლებიც ანგარიშგების ახალ სექციაში თქვენი უწყისების ნახვის კიდევ ერთი ხერხია.

მოითხოვეთ ადრეული წვდომა, რომ დღესვე გამოცადოთ შემოსავლის მართვის გაუმჯობესებული პანელი.

ხელსაწყოები და ფუნქციები, შესაძლოა, განსხვავდებოდეს მდებარეობის მიხედვით.

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.