შესანიშნავი აღწერილობის შედგენის წესი

საცხოვრებლის კარგი აღწერილობის შედგენა სტუმრობის მსურველთა ყურადღების მიპყრობისა და მათთვის მკაფიო მოლოდინის შექმნის ერთ‑ერთი საუკეთესო საშუალებაა.

დასაწყისისთვის აირჩიეთ ერთი ან ორი შემოთავაზებული განსაკუთრებული მახასიათებელი. მათ საფუძველზე გამხსნელი წინადადების მაგალითს მოგიმზადებთ. გირჩევთ, გადაწეროთ ის საკუთარი სიტყვებით და დაამატოთ სხვა მნიშვნელოვანი ცნობები საცხოვრებლის შესახებ.

გთავაზობთ რამდენიმე რჩევას ამ კუთხით:

• ხაზი გაუსვით განსაკუთრებულ თავისებურებებს. აღნიშნეთ, რით გამოირჩევა საცხოვრებელი სხვა ხელმისაწვდომი ვარიანტებისგან. მაგალითად, თუ სამზარეულო კარგადაა აღჭურვილი, შეგიძლიათ დაწეროთ: „სრულად აღჭურვილი სამზარეულო თქვენ განკარგულებაში იგულეთ. ზღაპრულ სუფრას უცებ გაშლით!“.
• იყავით კონკრეტული. სტუმრობის მსურველებმა ყველაფერი უკეთ რომ დაგეგმონ, მიუთითეთ პრაქტიკული ინფორმაცია. მაგალითად, თუ საცხოვრებელი სოფლადაა და მობილური კავშირი მაინცდამაინც გამართულად არ მუშაობს, შეგიძლიათ დაწეროთ: „ჩვენთან მობილური ინტერნეტი არ იჭერს, ამიტომ წინასწარ ამობეჭდეთ ინფორმაცია მისასვლელი გზის შესახებ“.
• შექმენით კონტექსტი. დაეხმარეთ სტუმრობის მსურველებს, წარმოიდგინონ, როგორი იქნება სტუმრობა. მაგალითად, თუ სტუმრებს აღდგენილ ანტიკვარულ აბაზანას ახვედრებთ, შეგიძლიათ დაწეროთ: „ძველებური აბაზანა სასიამოვნო ემოციებით აგავსებთ და სათანადოდ განტვირთვის საშუალებას მოგცემთ“.

აღწერილობის ჩასწორებას ნებისმიერ დროს შეძლებთ. დროთა განმავლობაში მასში ბევრ მასპინძელს შეაქვს გარკვეული ცვლილებები.