საცხოვრებლის შესახებ ძირითადი ინფორმაციის გაზიარების წესი

სტუმრობის მსურველებს აინტერესებთ ხოლმე, რა ზომისაა საცხოვრებელი. აქედან გამომდინარე, მიუთითეთ არა მხოლოდ სტუმრების მაქსიმალური რაოდენობა, არამედ ისიც, თუ კონკრეტულად რამდენი საწოლი, საძინებელი და სააბაზანოა საცხოვრებელში. ამით სტუმრობის მსურველები უფრო მარტივად გადაწყვეტენ, რამდენად შეესაბამება საცხოვრებელი მათ საჭიროებებს.

თუ ზუსტად არ იცით, როგორ მოიქცეთ, დაიხმარეთ ჩვენი რჩევები:

• მიუთითეთ სტუმრების ის მაქსიმალური რაოდენობა, რომელიც დისკომფორტს არ გიქმნით. თქვენ არ ხართ ვალდებული, ზუსტად იმდენ ადამიანს უმასპინძლოთ, რამდენსაც საცხოვრებელში განთავსება შეუძლია.
• დათვალეთ საწოლების რაოდენობა საცხოვრებელში. გაითვალისწინეთ, რამდენი ადამიანი შეძლებს თითოეულზე კომფორტულად მოთავსებას.
• დათვალეთ სააბაზანოების რაოდენობა საცხოვრებელში. ის სივრცეები, რომლებშიც არ არის საშხაპე ან აბაზანა, მაგრამ არის უნიტაზი და ხელსაბანი, ტუალეტად ჩათვალეთ.
• წინასწარ ნურაფერს დაასკვნით. მაგალითად, თუ 2 ადამიანი ერთად გსტუმრობთ, ეს სულაც არ ნიშნავს, რომ ერთად აპირებენ ძილს.
• ნუ დაახვედრებთ სტუმრებს უსიამოვნო სიურპრიზებს. თუ საწოლ ადგილებად თვლით დივნებს, ფუტონებს, გასაბერ ლეიბებს ან სტანდარტული საწოლისგან განსხვავებულ სხვა ვარიანტებს, აუცილებლად აღნიშნეთ ეს საცხოვრებლის აღწერისას და ფოტოებისთვის დართულ წარწერებში.

პლუსისა და მინუსის ღილაკების მეშვეობით დააწესეთ სტუმრების მაქსიმალური დასაშვები რაოდენობა, ასევე, მიუთითეთ, რამდენი საძინებელი, საწოლი და სააბაზანოა საცხოვრებელში.

თითოეული ოთახის შესახებ უფრო დეტალური ინფორმაციის მითითებას განცხადების გამოქვეყნების შემდეგ შეძლებთ.