სტუმრებისთვის შეთავაზებული საცხოვრებელი სივრცის ტიპის არჩევის წესი

სტუმრობის მსურველებს აინტერესებთ ხოლმე, საცხოვრებელი სივრცე საზიარო იქნება თუ მთლიანად მათ განკარგულებაში.

საცხოვრებლის Airbnb‑ზე განთავსების დროს საშუალება გექნებათ, მიუთითოთ ქვემოთ ჩამოთვლილი 3 ვარიანტიდან ერთ‑ერთი.

• საცხოვრებელი მთლიანად: სტუმრების გარდა საცხოვრებელში სხვა არავინ იქნება. როგორც წესი, აღნიშნული გულისხმობს, რომ მათ განკარგულებაშია საძილე სივრცე, სააბაზანო, სამზარეულო და ცალკე შესასვლელი.
• პირადი ოთახი: სტუმრებს ექნებათ თავიანთი საძინებელი და სხვებთან საზიარო სივრცეებით (მაგალითად, შესასვლელით, სააბაზანოთი და სამზარეულოთი) სარგებლობის შესაძლებლობა.

• საზიარო ოთახი ჰოსტელში: სტუმრებისთვის განკუთვნილია საზიარო ოთახი პროფესიონალების მიერ მართულ ჰოსტელში, რომელშიც მუდმივად იმყოფება პერსონალი.

მომდევნო ეტაპზე საკუთარი სიტყვებით აღწერთ საცხოვრებელს. სურვილისამებრ, შეგიძლიათ დააზუსტოთ, რომელი სივრცეებია პირადი და რომელი — საზიარო. მაგალითად, თუ სტუმრებს საცხოვრებელს მთლიანად სთავაზობთ, მაგრამ იმავე ტერიტორიაზე ცხოვრობთ, აღნიშნეთ ეს გარემოება — ვთქვათ: „ჩვენ იქვე ვცხოვრობთ იზოლირებულ სახლში, რომელსაც საოჯახო სასტუმროსთან საზიარო უკანა ეზო აქვს“.

თუ სიტუაცია შეიცვლება, განცხადებაში ცვლილებების შეტანას ნებისმიერ დროს შეძლებთ.