კავშირის დამყარების ხერხები

სტუმრებს მოსწონთ, როცა თქვენთან და სხვა სტუმრებთან ნამდვილი კავშირების დამყარების საშუალება ეძლევათ. შეეცადეთ, სტუმრებთან შეხვედრამდე, შეხვედრისას და მისი დასრულების შემდეგაც შექმნათ ისეთი სიტუაციები, რომ შესაძლებელი იყოს თავისუფლად კონტაქტი და სტუმრები თავს შინაურულად გრძნობდნენ.

გამოყავით თქვენს გეგმაში დრო იმისთვის, რომ სტუმრები დაახლოვდნენ თქვენთან, ერთმანეთთან და გარშემომყოფებთან. ამ კუთხით შეგიძლიათ საგანგებოდ მოიფიქროთ რამე აქტივობა, ან სპონტანურად გააკეთოთ ეს.

• მოიფიქრეთ გამხსნელი ფრაზა. მაგალითად, ჰკითხეთ სტუმრებს, საიდან არიან ისინი. გრასიელას, რომელიც მეხიკოში კულინარიის გაკვეთილს უძღვება, ერთხელ ჰყავდა სხვა ქვეყნიდან ჩამოსული სტუმრები, რომლებმაც მასთან გაარკვიეს, რომ თურმე მეზობლები არიან. „ჩვეულებრივი გაცნობა მოულოდნელად უფრო ღრმა კავშირად გადაიქცა“, — იხსენებს ის.
• მიეცით მონაწილეებს ერთმანეთთან ურთიერთობის საშუალება. მაგალითად, შესთავაზეთ მათ კონკრეტული თემის განხილვა, ან სთხოვეთ ამბის მოყოლა, რომ ერთმანეთი უკეთ გაიცნონ. „გასაოცარ ადამიანებს ვხვდები არანაკლებ გასაოცარი ცხოვრებისეული ისტორიებით“, — გვიზიარებს ალანი, რომელიც ნიაგარის ჩანჩქერის ტურს უძღვება, და დასძენს: „ისინი შთაბეჭდილებებს სწორედ ახალი ნაცნობობების გასაბმელად ჯავშნიან, ამიტომ მათთვის ძალზე მნიშვნელოვანია კავშირის შეგრძნება ურთიერთობისას“.
• გააცანით სტუმრებს ადგილობრივები. სტუმრებს ესიამოვნებათ ადგილობრივებთან ურთიერთობა, თუნდაც მსგავსი შეხვედრა წინასწარ იყოს დაგეგმილი. რუთი, რომელიც ლისაბონში გასტრონომიულ ტურს უძღვება, ამბობს, რომ ის სტუმრებისა და ადგილობრივების დამაკავშირებელი ხიდის როლს ასრულებს. „სტუმრებს ძალიან მოსწონთ, როცა ქუჩაში ბებოს ვაცნობთ“, — აღნიშნავს ის.

თუ ურთიერთობისთვის დროის გამოსაყოფად რამის შეცვლას გადაწყვეტთ, არ დაგავიწყდეთ გეგმაშიც ასახოთ ცვლილება, რომ სტუმრობის მსურველებმა იცოდნენ, რა ელით წინ.

„შეტყობინებების“ ჩანართი დაგეხმარებათ სტუმრებთან კონტაქტის შენარჩუნებაში როგორც შეხვედრამდე, ისე მის შემდეგ.

• დაგეგმეთ მისასალმებელი შეტყობინების ავტომატური გაგზავნა. ჯგუფური მიმოწერის დაწყება შეგიძლიათ მისალმებითა და შესავალი ტექსტით. იკითხეთ, რას მოელიან მონაწილეები და ხომ არ ემთხვევა თქვენი შეხვედრის დრო განსაკუთრებულ თარიღს რომელიმე მათგანის ცხოვრებაში.
• შეიტყვეთ მეტი თითოეული ჯგუფის შესახებ. მიიღეთ აქტიური მონაწილეობა მიმოწერაში, რომ სტუმრებმა უფრო კომფორტულად იგრძნონ თავი პირადი შეხვედრისას. სტუმრების შესახებ გარკვეულ ინფორმაციას (მაგალითად, მათ ინტერესებსა და საცხოვრებელ ადგილს), ასევე, შეიტყობთ ჩანართიდან „დღეს“.
• შეეხმიანეთ სტუმრებს შეხვედრის დასრულების შემდეგაც. მაგალითად, გაუზიარეთ მათ ერთობლივი ფოტოები/ვიდეოები, ასევე, რეკომენდაციები. ურჩიეთ, თავადაც გაგიზიარონ გადაღებული მასალა. ეს არა მხოლოდ სტუმრებს შორის ჩამოყალიბებული კავშირის განმტკიცებას შეუწყობს ხელს, არამედ თქვენ მიერ ორგანიზებულ შთაბეჭდილებასაც ყველას სასიამოვნოდ გაახსენებს, როცა შეფასებების დაფიქსირებასა და მიმოხილვების დატოვებას გადაწყვეტენ.

ყველა მასპინძელი, ფოტო და განცხადებაში მითითებული ცნობა უნდა პასუხობდეს Airbnb‑ზე წარმოდგენილი შთაბეჭდილებების მიმართ მოქმედ სტანდარტებსა და მოთხოვნებს.

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.