სტუმრებისთვის შეთავაზებული საცხოვრებლის ტიპის განსაზღვრა

სტუმარ‑მასპინძლობა იწყება სტუმრობის მსურველთათვის სათანადო მოლოდინის შექმნით საცხოვრებელთან დაკავშირებით. ობიექტის ტიპის მითითების მეშვეობით, საცხოვრებლის მაძიებლებს თქვენი განცხადების პოვნაში დაეხმარებით.

ამ ეტაპზე საჭიროა საცხოვრებელი ობიექტის იმ ტიპის არჩევა, რომელიც, ზოგადად, ყველაზე მეტად შეესაბამება თქვენ მიერ სტუმრებისთვის შეთავაზებულ ვარიანტს (მაგალითად, „სახლი“ ან „ბინა“). დაკონკრეტების საშუალება მომდევნო ეტაპზე გექნებათ.

საცხოვრებელი ობიექტების ზოგადი ტიპები, Airbnb‑ს შემთხვევაში, შემდეგნაირად განისაზღვრება:

• ბინა: როგორც წესი, მდებარეობს მრავალსართულიან შენობაში, სადაც სხვებიც ცხოვრობენ (მაგალითად, ასეთია კონდომინიუმი და ლოფტი)
• სახლი: ცალკემდგომი საცხოვრებელი შენობა, რომელსაც შეიძლება ჰქონდეს სხვა ობიექტთან საერთო კედლები და მიმდებარე ტერიტორია (მაგალითად, ასეთია ტაუნჰაუსი და დუპლექსი)
• დამატებითი საცხოვრებელი შენობა: როგორც წესი, მდებარეობს სხვა ობიექტის ტერიტორიაზე და სტუმრებისთვის ცალკე შესასვლელი აქვს (მაგალითად, ასეთია საოჯახო სასტუმრო და სტუმრების ფლიგელი)
• უნიკალური საცხოვრებელი: საინტერესო ან არასტანდარტული საცხოვრებელი ნაგებობა (მაგალითად, ასეთია სახლი ხეზე, იურტა ან ბეღელი).
• B&B: მასპინძლობის სფეროს პროფესიონალების მიერ მართული ობიექტი, რომელიც სტუმრებს საუზმესაც სთავაზობს, მასპინძელი კი იქვე ცხოვრობს
• ბუტიკ‑ოტელი: მასპინძლობის სფეროს პროფესიონალების მიერ მართული ობიექტი გამორჩეული სტილით ან თემატიკით, რომელიც ხაზს უსვამს მის უნიკალურობას

თუ თქვენ მიერ სტუმრებისთვის შეთავაზებული საცხოვრებელი შეესაბამება ობიექტის რამდენიმე ტიპის კრიტერიუმებს, აირჩიეთ ის ვარიანტი, რომელიც, თქვენი აზრით, უფრო ზუსტია.

მაგალითად, თუ სახლის უკანა ეზოში სტუმრებს პატარა, მყუდრო, სტუდიოს ტიპის სივრცეს სთავაზობთ, მისი კლასიფიცირება შესაძლებელია როგორც „დამატებითი საცხოვრებელი შენობის“ („საოჯახო სასტუმროს“), ისე „უნიკალური საცხოვრებლის“ („მიკროსახლის“) სახით, იმისდა მიხედვით, თუ რომელს ჩათვლით უფრო ზუსტ აღწერილობად.

სწორი და არასწორი პასუხები ამ შემთხვევაში არ არსებობს — მთავარია, სტუმრობის მსურველებს სათანადო წარმოდგენა შეუქმნათ საცხოვრებელზე. მომდევნო ეტაპზე საცხოვრებლის ტიპთან დაკავშირებით მეტი დეტალის მითითების საშუალება გექნებათ, ხოლო თქვენი არჩევანის შეცვლას განცხადების გამოქვეყნების შემდეგაც შეძლებთ.