ინტერესის აღმძვრელი შეთავაზებების შექმნის ხერხები

ჩათვალეთ, რომ თქვენი შეთავაზებები ერთგვარი პუნქტებია მენიუში, რომელსაც სტუმრები შეკვეთის წინ ათვალიერებენ. თითოეულ შეთავაზებას აქვს სათაური, აღწერილობა, ფოტო და ფასი, რომ სტუმრებმა მათი გარჩევა შეძლონ.

დაამატეთ მინიმუმ 3 შეთავაზება სხვადასხვა ფასად, რომ მეტი არჩევანი მისცეთ სტუმრობის მსურველებს და უფრო სწრაფად მიაღწიოთ შემოსავლის კუთხით დასახულ მიზნებს. უმჯობესია, თუ დაწესებული გექნებათ საწყისი, სტანდარტული და პრემიუმდონის ფასები.

თქვენ მიერ დაწესებული ფასები უნდა შეესაბამებოდეს თითოეული შეთავაზების ფორმატს, სირთულესა და უნიკალურობას. მაგალითად, აშშ‑ში მყოფ ფოტოგრაფს შეუძლია ჩაატაროს ნახევარსაათიანი ფოტოსესია, რომლის ღირებულებაც 50 აშშ დოლარზე ნაკლებია; პერსონალური პორტრეტების ფოტოსესია, რომლის ღირებულებაც 50 აშშ დოლარიდან 150 აშშ დოლარამდეა, ასევე, საოჯახო ფოტოგადაღება, რომლის ღირებულებაც 150 აშშ დოლარზე მეტია.

სტუმრობის მსურველები, რომლებიც Airbnb‑ს მეშვეობით მომსახურებებს ეძებენ, ძიების შედეგებში თქვენ მიერ დაწესებულ ყველაზე დაბალ ფასს დაინახავენ. საწყის ფასად ხელმისაწვდომმა შეთავაზებამ, შესაძლოა, პირველი სტუმრობის მსურველთა ყურადღება მიიქციოს და თქვენი სხვა შეთავაზებებით დაინტერესება გამოიწვიოს.

გირჩევთ, სტუმრებს საათებისა და მდებარეობების მხრივაც მისცეთ გარკვეული არჩევანი. მაგალითად, შეფმზარეულს შეუძლია, ორგანიზება გაუწიოს ორგანული პროდუქტებით მომზადებულ საუზმეს, ბაზარში ნაყიდი სანოვაგით მომზადებულ სადილსა და 3‑კერძიან ვახშამს, ხოლო ესთეტისტს სახის მოვლის მომსახურების გაწევა შეუძლია როგორც საკუთარ სპა‑სალონში, ისე სტუმრის საცხოვრებელში.

თითოეული შეთავაზება შედგება სათაურისგან, აღწერილობისა და ფოტოსგან.

• სათაური: დაასათაურეთ თქვენი შეთავაზება რამდენიმე კონკრეტული, ადვილად გასაგები სიტყვით.
• აღწერილობა: დაიწყეთ იმის მოკლე და საინტერესო აღწერით, თუ რა შედის შეთავაზებაში. ხაზი გაუსვით ამა თუ იმ ინგრედიენტს, ტექნიკას, აღჭურვილობას ან მასალას, რომელიც განსაკუთრებულობას სძენს შეთავაზებას. იყავით მაქსიმალურად კონკრეტული, რომ თქვენი შეთავაზება გამოირჩეოდეს სხვების ფონზე.
• ფოტო: აირჩიეთ უკვე ატვირთული სურათი, ან დაამატეთ ახალი. ფოკუსში მოქცეული უნდა იყოს ერთი დეტალი ან ადამიანი, ფონი კი იყოს სადა.

შეთავაზებების მომზადების შემდეგ, საჭიროებისამებრ შეძლებთ მათ ჩასწორებასა და მიმდევრობის შეცვლას.

ყველა მასპინძელი, ფოტო და განცხადებაში მითითებული ცნობა უნდა პასუხობდეს Airbnb‑ზე წარმოდგენილი მომსახურებების მიმართ მოქმედ სტანდარტებსა და მოთხოვნებს.

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.