მდებარეობის სწორად შერჩევის ხერხები

სტუმრებს მოსწონთ ადგილები, რომლებშიც ისინი ადგილობრივ კულტურასთან კავშირს გრძნობენ. წარმოაჩინეთ, რით არის განსაკუთრებული თქვენ მიერ შერჩეული მდებარეობა და რატომ შეაჩერეთ არჩევანი მაინცდამაინც მასზე.

როგორც მინიმუმ, შერჩეული მდებარეობა უფრო იყოს კომფორტული, სუფთა, უსაფრთხო და დაგეგმილი აქტივობისთვის შესაფერისი.

• განმარტეთ მდებარეობაზე არჩევანის შეჩერების მიზეზი. მოიხმეთ ადგილის მდიდარი ისტორია და კულტურული მნიშვნელობა, სტუმრებისთვის ორგანიზებულ აქტივობასთან მის კავშირს რომ გაუსვათ ხაზი. დებორა, რომელიც კულინარიის გაკვეთილებს რომში, საკუთარ სახლში უძღვება, აღნიშნულის მიღწევას ცდილობს ბებიისგან ნასწავლი რეცეპტების, სიმღერებისა და სხვა ტრადიციების სტუმრებისთვის გაზიარების გზით. „ყველაფერი, რასაც ვაკეთებთ, გარკვეულ ამბავთანაა დაკავშირებული“, — ამბობს ის.
• აგრძნობინეთ სტუმრებს თავი ადგილობრივად. შეარჩიეთ ადგილები, რომლებსაც სტუმრები დამოუკიდებლად ვერ მიაგნებდნენ. რუბი, რომელიც ლისაბონში გასტრონომიულ ტურს უძღვება, ამბობს, რომ მხარს უჭერს მათ, ვისაც ოჯახური ბიზნესი აქვს, ამიტომ სტუმრები მხოლოდ შესაბამის დაწესებულებებში დაჰყავს, მაგალითად, პაწაწინა საკონდიტროებში. „ეს მოულოდნელობის ეფექტს ქმნის“, — აღნიშნავს ის.

შეარჩიეთ დასამახსოვრებელი მდებარეობა, რომელსაც კავშირი აქვს ადგილობრივ კულტურასთან.

• ჩაახედეთ სტუმრები შიდა სამზარეულოში. ეწვიეთ ისეთ ადგილებს, რომლებშიც სტუმრები დამოუკიდებლად ვერ მოხვდებოდნენ. ტერეზა, რომელიც ლისაბონში ღვინის დეგუსტაციის გაკვეთილს უძღვება, ყოველთვის ცდილობს, სტუმრებს რაღაც განსაკუთრებულად განსხვავებულიც შესთავაზოს ხოლმე. ასე მაგალითად, ის პოულობს ადგილებს, რომლებიც საჯაროდ მიუწვდომელია, ან სტუმრები სტანდარტული სამუშაო საათების შემდეგ მიჰყავს კონკრეტულ დაწესებულებაში. „ამას აღმოჩენის ელემენტი შემოაქვს“, — გვაცნობებს ის.
• ყურადღება მიაქციეთ მდებარეობის ხასიათს. არასტანდარტული ხედები, ხმები და სურნელები ადგილს ძლიერ თავისებურებას სძენს. „ჯადოსნურმა ატმოსფერომ მყისიერად უნდა მოგიცვათ“, — გვირჩევს გრასიელა, რომელიც მეხიკოში კულინარიის გაკვეთილს უძღვება, და დასძენს: „ამგვარად, ადგილზე მოსულ სტუმრებს დიდი დრო არ დასჭირდებათ იმის მისახვედრად, რომ წინ რაღაც განსაკუთრებული ელით“.

თუ სტუმრებს ავთენტიკურ, აქტივობისთვის შესაფერის ადგილას უმასპინძლებთ, უფრო დიდი ალბათობით მიიღებთ მათგან უკეთეს შეფასებებსა თუ მიმოხილვებს.

ყველა მასპინძელი, ფოტო და განცხადებაში მითითებული ცნობა უნდა პასუხობდეს Airbnb‑ზე წარმოდგენილი შთაბეჭდილებების მიმართ მოქმედ სტანდარტებსა და მოთხოვნებს.

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.