დასაჯავშნად ხელმისაწვდომობის ჩასწორება

ხელმისაწვდომობის პარამეტრები საშუალებას გაძლევთ, Airbnb‑ზე მარტივად აკონტროლოთ, როდის და როგორ დაჯავშნიან სტუმრობის მსურველები თქვენ მიერ განთავსებულ საცხოვრებელს. მათი მართვა კალენდრიდან შეგიძლიათ.

ფასების დაწესების ხელსაწყოები და ხელმისაწვდომობის პარამეტრები ხშირად ერთობლივად მუშაობს. მაგალითად, თუ სტუმრობის მსურველებს ადრეულ დაჯავშნაზე ფასდაკლებას სთავაზობთ, კარგი იქნება, თუ მათ დაბინავებამდე 12 ან 24 თვით ადრე დაჯავშნის საშუალებას მისცემთ. ეს დაგეხმარებათ, დააინტერესოთ სტუმრობის მსურველები, რომლებიც ყველაფერს წინასწარ გეგმავენ.

სტუმრობის მინიმალური და მაქსიმალური ხანგრძლივობების შეცვლის შედეგად, თქვენი განცხადება, შესაძლოა, სტუმრობის მსურველთა ძიების მეტ შედეგში მოხვდეს, თუმცა აღნიშნული ხანგრძლივობები ადგილობრივი წესებისა და რეგულაციების დაცვით უნდა განსაზღვროთ.

• სტუმრობის მინიმალური ხანგრძლივობა (ღამე): მინიმალური ხანგრძლივობის შემცირებით მოკლე ხნით სტუმრობის მსურველებს დააინტერესებთ, რაც, თავის მხრივ, დაგეხმარებათ, შეამციროთ დაუჯავშნელი ღამეების რაოდენობა თქვენს კალენდარში. სურვილისამებრ, შეგიძლიათ დაბინავების დღის მიხედვით დააწესოთ სტუმრობის მინიმალური ხანგრძლივობა (ღამეებში).
• მაქსიმალური ხანგრძლივობა (ღამე): მაქსიმალური ხანგრძლივობის გაზრდა დაგეხმარებათ, დააინტერესოთ ისინი, ვინც შედარებით დიდი ხნით აპირებს სტუმრობას (რაც, თავის მხრივ, თავიდან აგაცილებთ საცხოვრებლის ხშირი მომზადების საჭიროებას). ამას გარდა, შეგიძლიათ, საშუალება მისცეთ სტუმრობის მსურველებს, მოგმართონ მოთხოვნებით, თუ მათთვის სასურველი პერიოდი თქვენ მიერ განსაზღვრულ მაქსიმალურ ხანგრძლივობას სცდება. აღნიშნულ მოთხოვნებს ინდივიდუალურად გაეცნობით და შეძლებისდაგვარად დააკმაყოფილებთ.
• სტუმრობის ინდივიდუალური ხანგრძლივობა: ზოგიერთი თარიღისთვის სტუმრობის ინდივიდუალური (მინიმალურზე ნაკლები) ხანგრძლივობის მითითების შემთხვევაში, კალენდარს უფრო დიდი ალბათობით შეავსებთ.

ღამეები ავტომატურად გახდება დასაჯავშნად ხელმისაწვდომი თქვენ მიერ განსაზღვრული პარამეტრების შესაბამისად. თუ პარამეტრები თარიღებს დაბლოკავს, მათ განსაბლოკად რჩევებს მიიღებთ. მაგალითად, თუ სტუმრობის მინიმალურ ხანგრძლივობად განსაზღვრულია 5 ღამე, ხოლო ჯავშნებს შორის 4 დაუჯავშნელი ღამე გაქვთ, მიიღებთ რჩევას, რომ შეამციროთ სტუმრობის მინიმალური ხანგრძლივობა შესაბამისი ღამეებისთვის.

განსაზღვრეთ, რა დრო გჭირდებათ სტუმრების დაბინავებამდე და რამდენი ხნით ადრე გსურთ, რომ აფორმებდნენ ჯავშნებს სტუმრობის მსურველები.

• დრო სტუმრობამდე: განსაზღვრეთ, მინიმუმ რა დრო გჭირდებათ სტუმრის მიერ ჯავშნების გაფორმებიდან მის დაბინავებამდე. შეგიძლიათ აირჩიოთ დღეზე ნაკლები, მინიმუმ 1 დღე, მინიმუმ 2 დღე, მინიმუმ 3 დღე ან მინიმუმ 7 დღე. 1 ან მეტი დღის არჩევის შემთხვევაშიც კი შეგიძლიათ შესთავაზოთ სტუმრებს დაბინავებამდე დღეზე ნაკლები ხნით ადრე დაჯავშნის მოთხოვნის შესაძლებლობა. უბრალოდ, საჭირო იქნება, თავად შეამოწმოთ და დააკმაყოფილოთ ასეთი მოთხოვნები.
• დაბინავების დღესვე ჯავშნის გაფორმების ბოლო ვადა: თუ სტუმრობის მსურველებს ჯავშნის დაბინავების დღესვე გაფორმების საშუალებას აძლევთ, შეგიძლიათ, განსაზღვროთ ბოლო ვადა, რომლის შემდეგაც ისინი ვეღარ შეძლებენ ჯავშნის გაფორმებას. აირჩიეთ ნებისმიერი საათი 06:00‑დან 00:00‑მდე.
• მომზადების დრო: განსაზღვრეთ, რამდენი ღამის დაბლოკვა გსურთ ყოველ სტუმრობამდე და მის შემდეგ. შესაძლებელია, აირჩეს 1, 2 ან არცერთი ღამე თითოეულ სტუმრობამდე და მის შემდეგ.
• ხელმისაწვდომი პერიოდი: დასაჯავშნად ხელმისაწვდომი პერიოდის გახანგრძლივება სტუმრობის მსურველებს ჯავშნების კიდევ უფრო ადრე გაფორმების საშუალებას მისცემს, თქვენი განცხადება კი უფრო დიდი ალბათობით მოხვდება ძიების მეტ შედეგში. შეგიძლიათ აირჩიოთ, რომ დასაჯავშნად ხელმისაწვდომი იყოს მიმდინარე თარიღიდან მომდევნო 3, 6, 9, 12 ან 24 თვე.
• ხელმისაწვდომობის სხვა პარამეტრები: სურვილისამებრ, შეგიძლიათ კვირის მხოლოდ კონკრეტულ დღეებში დაუშვათ დაბინავება და საცხოვრებლიდან გასვლა. აღნიშნული პარამეტრი კალენდარზე აისახება და ვერავინ შეძლებს მიუწვდომელი თარიღების არჩევას შესვლისა თუ გასვლისთვის. კვირაში მაქსიმუმ 6 დღის არჩევა შეგიძლიათ.

თუ რამდენიმე კალენდარს იყენებთ, მასპინძლობისთვის განკუთვნილი ყველა კალენდრის სინქრონიზაცია თავიდან აგაცილებთ ორმაგ ჯავშნებს. კავშირი ორმხრივია, ამიტომ როცა რომელიმე ღამე დაიჯავშნება, ინფორმაცია ორივე კალენდარში ავტომატურად განახლდება. კალენდრების დასაკავშირებლად:

• დაამატეთ Airbnb‑კალენდრის ბმული სხვა ვებსაიტზე.
• იპოვეთ .ics‑ით დაბოლოებული ბმული სხვა ვებსაიტზე, შემდეგ კი ჩასვით ის Airbnb‑კალენდარში.

ფასებსა და სხვა პარამეტრებს ყოველთვის თავად აკონტროლებთ. თქვენი შედეგები, შესაძლოა, განსხვავდებოდეს სხვა მასპინძლების შედეგებისგან.

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.