პირველი ჯავშნისთვის სტუმრების შერჩევის შესახებ
გვესმის, რომ უცხო ადამიანის სახლში შემოშვების იდეა ზოგს შეიძლება, ცოტა არ იყოს, უცნაურად მოეჩვენოს, თუმცა გარწმუნებთ, რომ პლატფორმაზე დანერგილი გვაქვს სხვადასხვა ტექნოლოგია, რომლებიც ამცირებს ექსცესების რისკს, რომ თქვენც და საცხოვრებელიც მეტად დაცული იყოთ.
ვინაიდან ახალბედა მასპინძელი ხართ, იმის საშუალებაც გაქვთ, რომ აირჩიოთ, პირველად რა ტიპის სტუმარს უმასპინძლებთ. კერძოდ:
- ნებისმიერ Airbnb სტუმარს
- გამოცდილ სტუმარს
„ნებისმიერი Airbnb სტუმარი“ გულისხმობს ჩვენი გაერთიანების ნებისმიერ წევრს, მათ შორის, ახალბედებს. ამ ვარიანტის არჩევა, შესაძლოა, პირველი ჯავშნის უფრო სწრაფად მიღებაში დაგეხმაროთ, რადგან თქვენი განცხადება საცხოვრებლის მეტ მაძიებელს შეხვდება.
„გამოცდილი სტუმარი“ გულისხმობს ადამიანს, რომელსაც სტუმრობის კარგი ისტორია და მინიმუმ სამი დადებითი მიმოხილვა აქვს. ყველა გამოცდილ სტუმარს გავლილი აქვს ვინაობის დადასტურების პროცედურა, თავიანთ ანგარიშებში კი მითითებული აქვთ გადახდის მეთოდი. კარგი ისტორიის მქონე სტუმრების მასპინძლობის შემთხვევაში, უფრო მშვიდად იქნებით, თანაც, თქვენთან სტუმრობის დასრულების შემდეგ, შესაძლოა, სასარგებლო გამოხმაურებაც მიიღოთ.
ორივე ვარიანტი შესანიშნავი არჩევანია, ამიტომ მონიშნეთ ის, რომელიც უფრო გაწყობთ.