Airbnb და ადგილობრივი მასპინძლები ხელს უწყობენ პარიზელებს
ემანუელი უკვე 10 წელზე მეტია, რაც პარიზში სტუმრებს მასპინძლობს. მისთვის უაღრესად მნიშვნელოვანია დროის დათმობა ადამიანებთან ურთიერთობისთვის. „მიყვარს ადამიანებთან ერთად დროის გატარება, განსაკუთრებით კი მათთან, ვინც გასაჭირში ან მარტოა“, — ამბობს ის და დასძენს: „აუცილებელია დროის გამონახვა, თუ შეგიძლია სხვებს თავი ბედნიერად აგრძნობინო. ყოველივე ეს Airbnb‑ს მეშვეობით მასპინძლობას ჰგავს, როცა სტუმრებთან უშუალო შეხება გაქვს“.
ეს ერთ‑ერთია იმ მრავალი მიზეზიდან, რომელთა გამოც ემანუელი მოხალისე გახდა „Society of Saint Vincent de Paul“‑ში, პარიზში დაარსებულ ორგანიზაციაში, რომელიც უკვე 190 წელს ითვლის და გაჭირვებულ ადამიანებს (მათ შორის, უსახლკაროებს) ემსახურება. ორგანიზაცია აწყობს ყოველკვირეულ შეკრებებს ახლო ურთიერთობისთვის, მაგალითად, კერვის მასტერკლასებს ან საუზმეებს ღია ცის ქვეშ.
ემანუელმა, რომელიც პარიზის მასპინძელთა კლუბის წევრია, წარადგინა „Society of Saint Vincent de Paul“‑ის კანდიდატურა Airbnb‑ს საზოგადოებრივი ფონდიდან დაფინანსების მისაღებად. მასპინძელთა კლუბების წევრებს ყოველწლიურად ეძლევათ საშუალება, დაეხმარონ ადგილობრივებს საზოგადოებრივი ფონდის მეშვეობით. ემანუელმა ჩათვალა, რომ არაკომერციული ორგანიზაცია იდეალური კანდიდატი იქნებოდა, რადგან მისი და Airbnb‑ს ღირებულებები იდენტურია. „Airbnb განსაკუთრებულია, რადგან ადამიანებს შორის ურთიერთობა მისი ერთ‑ერთი ღირებულებაა“, — აღნიშნავს ის.
მასპინძელთა კლუბების დადებითი გავლენა
პარიზის მასპინძელთა კლუბის მიერ კანდიდატად წარდგენის წყალობით, „Society of Saint Vincent de Paul“‑მა მიიღო 50 000 აშშ დოლარის ოდენობის დაფინანსება Airbnb‑ს საზოგადოებრივი ფონდიდან. მიღებული თანხა მოხმარდება ქალაქის მასშტაბით ქალთა თავშესაფრების მოწყობასა და დამატებითი ერთობლივი ღონისძიებების (მაგალითად, ღია ცის ქვეშ საუზმეების) ორგანიზებას.
2023 წელს Airbnb‑ს საზოგადოებრივი ფონდიდან დაფინანსების მისაღებად არაკომერციული ორგანიზაციების კანდიდატურები მასპინძელთა 50‑ზე მეტმა კლუბმა წარადგინა მსოფლიო მასშტაბით. 2024 წლისთვის განაცხადების მიღება უკვე დაწყებულია. დამატებითი ინფორმაციისთვის მიმართეთ მასპინძელთა ადგილობრივ კლუბს.
Information contained in this article may have changed since publication.