უნიკალურობის შემატების ხერხები

სტუმრობის მსურველებს აინტერესებთ შთაბეჭდილებები, რომლებსაც სხვაგან ვერსად მიიღებენ. გამოიყენეთ თქვენი ცოდნა და ინდივიდუალური მიდგომა, რომ მათ ავთენტიკური და დასამახსოვრებელი აქტივობები მოუმზადოთ.

Airbnb‑ზე წარმოდგენილი შთაბეჭდილებების მიზანია, სტუმრები ეზიარონ ადგილობრივ კულტურას, ცხოვრებასა და ტრადიციებს.

• აჩვენეთ სტუმრებს თქვენი ქალაქი. შესთავაზეთ სტუმრებს ისეთი აქტივობები, რომელთა ორგანიზებასაც ისინი დამოუკიდებლად ვერ მოახერხებდნენ. ჯასტინი, რომელიც სიდნეისა და ბრიზბენში (ავსტრალია) საფეხმავლო ტურებს უძღვება, მხოლოდ ცნობილი ღირსშესანიშნაობებით არ შემოიფარგლება. „სიდნეის ხსენებაზე სტუმრები ავტომატურად წარმოიდგენენ პლაჟებს, ოპერის თეატრსა და ზღვის პროდუქტებს“, — გვიყვება ის და დასძენს: „მე კი სტუმრები დამყავს პატარა იტალიაში, ტაილანდურ კვარტალსა და სხვა უჩვეულო უბნებში. ჩვენ ვხვდებით ადგილობრივ მეწარმეებს საინტერესო ისტორიებით, რომლებსაც სტუმრებს ვუყვები“.
• შეიტანეთ პერსონალური შტრიხები. წარმოაჩინეთ თქვენი პირადი კავშირი იმ აქტივობასთან, რომელსაც სტუმრებს სთავაზობთ. ევრენი, რომელიც ლონდონის სოჰოს რაიონში მუსიკალურ-საფეხმავლო ტურს უძღვება, გიტარისტი იყო ერთ‑ერთ ბენდში, ასევე, ხელმძღვანელობდა ხმისჩამწერ ლეიბლსა და როკჯგუფს. „იმას, რაც მე ვიცი, სხვა ვერავინ მოგიყვებათ“, — ამტკიცებს ის.

დაფიქრდით, რა შეგრძნებებით გსურთ, რომ სტუმრები დაბრუნდნენ სახლში თქვენთან ერთად გატარებული დროის შემდეგ.

• მოამზადეთ რამე დაუვიწყარი. სულაც არ არის აუცილებელი, ეს რამე ექსტრავაგანტური ან ძვირადღირებული იყოს. რუთის, რომელიც ლისაბონში გასტრონომიულ ტურს უძღვება, სტუმრები მიჰყავს საოჯახო რესტორანში, სადაც შესაძლებელია საკუთარი წარმოების ზეითუნის ზეთის გასინჯვა. „ეს ზეთი არ იყიდება, ამიტომ რესტორანში მისი დაგემოვნება ნამდვილად განსაკუთრებული მომენტია“, — გვიზიარებს ის.
• გაითვალისწინეთ სამახსოვრო საჩუქარი. ის დაკავშირებული უნდა იყოს აქტივობის თემატიკასთან. მაგალითად, ხელით მომზადებული პასტა ან რამე ხელნაკეთი ნივთი. დანილო, რომელიც ბერლინში ფოტოგრაფიის მასტერკლასებს უძღვება, სტუმრებს ერთად გადაღებული საუკეთესო კადრების დამუშავებაში ეხმარება. „მცირე რეტუში სასიამოვნო ბონუსია“, — ამბობს ის.

თუ თქვენეულ მიდგომაში რაიმეს შეცვლას გადაწყვეტთ, არ დაგავიწყდეთ შთაბეჭდილების შესახებ განცხადებაშიც ასახოთ ცვლილება, რომ სტუმრობის მსურველებმა იცოდნენ, რა ელით წინ.

ყველა მასპინძელი, ფოტო და განცხადებაში მითითებული ცნობა უნდა პასუხობდეს Airbnb‑ზე წარმოდგენილი შთაბეჭდილებების მიმართ მოქმედ სტანდარტებსა და მოთხოვნებს.

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.