გამორჩეული გეგმის შედგენის ხერხები

სტუმრობის მსურველებს ჯავშნის გაფორმებამდე აინტერესებთ, რით დაკავდებიან ისინი თქვენი შეთავაზების ფარგლებში. ჩათვალეთ, რომ სტუმრობის გეგმა არის დღის მოკლე წესრიგი, რომლის დახმარებითაც ადამიანები წყვეტენ, რამდენად შეესაბამება ყველაფერი მათ საჭიროებებს.

იდეალური გეგმა უნდა იყოს თავიდან ბოლომდე გაწერილი, კონკრეტული აქტივობების სიის დართვის გზით. პირველი აქტივობა გაცნობითი ხასიათის უნდა იყოს, რომ სტუმრებმა თავი შინაურულად იგრძნონ. ამასთან, ბოლო აქტივობა დასკვნით ღონისძიებას უნდა მოიცავდეს. შეეცადეთ, მაქსიმალურად მკაფიოდ და კომპაქტურად გაწეროთ გეგმა.

საჭიროა მინიმუმ ერთი აქტივობის დამატება, თუმცა საწყის ეტაპზე რეკომენდებულია 3.

თითოეული აქტივობა შედგება ქვემოთ მოცემული კომპონენტებისგან.

• სათაური: განმარტეთ აქტივობა 2‑4 სიტყვით. ყოველთვის დაიწყეთ ზმნით.
• აღწერილობა: განავრცეთ სათაური წინადადების სახით. აუხსენით სტუმრებს, რა იგეგმება ამ კონკრეტულ ეტაპზე.
• ფოტო: აირჩიეთ უბრალო, მაღალხარისხიანი სურათი, რომელიც შეესაბამება აღწერილობას. ფოკუსში მოქცეული უნდა იყოს ერთი დეტალი ან ადამიანი, ფონი კი იყოს სადა.
• ხანგრძლივობა: აირჩიეთ, რამდენი წუთი დაეთმობა ამ კონკრეტულ აქტივობას.

თუ იგეგმება, რომ სტუმრები სახლში დაბრუნდებიან რაიმე სუვენირით, საჩუქრით ან სხვა განსაკუთრებული მოგონებით, აღნიშნეთ ეს დასკვნით აქტივობაში. საჭიროებისამებრ, აქტივობების ჩასწორებასა და მიმდევრობის შეცვლასაც შეძლებთ.

ყველა მასპინძელი, ფოტო და განცხადებაში მითითებული ცნობა უნდა პასუხობდეს Airbnb‑ზე წარმოდგენილი შთაბეჭდილებების მიმართ მოქმედ სტანდარტებსა და მოთხოვნებს.

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.