რესურსები დამჯავშნელებისთვის

დაიწყეთ ძირითადით

მაქსიმალურად ზუსტი შედეგები რომ მიიღოთ, ძიების დაწყებისას ყოველთვის აირჩიეთ დანიშნულების ადგილი, შესვლის/გასვლის თარიღები და სტუმრების ჯამური რაოდენობა.

საბაზისო ძიების შედეგების მიღების შემდეგ საშუალება გექნებათ, განსაზღვროთ დამატებითი ფილტრები.

დამატებითი ფილტრები

ძიების შედეგების გვერდიდან დააწკაპუნეთ ან შეეხეთ პოპულარულ ფილტრებს, მაგალითად, საცხოვრებლის ტიპს ან ფასს, ან აირჩიეთ სხვა ფილტრები, ყველა საძიებო ფილტრს რომ გაეცნოთ.

ჩვენ მუდმივად ვცდილობთ, გაგიმარტივოთ ძიება, ამიტომ ფილტრები დროთა განმავლობაში შეიცვლება. ძიებისას თქვენთვის, შესაძლოა, ხელმისაწვდომი იყოს ზოგიერთი შემდეგი ვარიანტი:

• საცხოვრებლის ტიპი: აირჩიეთ თქვენთვის ხელსაყრელი ვარიანტი — მაგალითად, საცხოვრებელი მთლიანად ან ცალკე ოთახი
• ფასი: სლაიდერების მეშვეობით შეგიძლიათ თქვენთვის მისაღები დიაპაზონის მითითება
• გაუქმების მოქნილი პირობები: იპოვეთ საცხოვრებლები, რომლებიც გთავაზობთ მოქნილ პირობებს ჯავშნების გაუქმების კუთხით
• ოთახები და საწოლები: მიუთითეთ საძინებლების, სააბაზანოებისა და საწოლების თქვენთვის საჭირო რაოდენობა
• მომენტალური დაჯავშნა: იპოვეთ საცხოვრებლები, რომელთა დაჯავშნაც შეგიძლიათ მასპინძლის დასტურის ლოდინის გარეშე
• საყოფაცხოვრებო პირობები: აირჩიეთ, რა უნდა იყოს აუცილებლად საცხოვრებელში — მაგალითად, სამზარეულო ან ტელევიზორი
• კეთილმოწყობილობა: აირჩიეთ სპორტდარბაზი, აუზი ან თქვენთვის საჭირო სხვა ვარიანტი
• ადაპტირებული პირობები: აირჩიეთ პირობები, რომლებიც საცხოვრებელში უსაფრთხოდ და კომფორტულად გადაადგილებისთვის დაგჭირდებათ
• უბნები: ხელმისაწვდომობის მიხედვით, შეგიძლიათ აირჩიოთ ქალაქის თქვენთვის ყველაზე საინტერესო ნაწილები
• მასპინძლის ენა: შეარჩიეთ მასპინძლები, რომლებმაც თქვენთვის ნაცნობი ენა იციან
• სახლის წესები: მოიძიეთ საცხოვრებლები, რომლებშიც შინაური ცხოველები დაიშვებიან

დანიშნულების ადგილის, შესვლის/გასვლის თარიღებისა და სტუმრების ჯამური რაოდენობის მითითების შემდეგ საშუალება გექნებათ, აირჩიოთ დამატებითი ფილტრები ადაპტირებულობის კუთხით თქვენი საჭიროებების მიხედვით.

ძიების გვერდზე აირჩიეთ „სხვა ფილტრები“.

იპოვეთ ადაპტირებულობის სექცია, შემდეგ კი აირჩიეთ „საცხოვრებლის მიმართ მოთხოვნების არჩევა“.

შეარჩიეთ თქვენი მოთხოვნების შესაბამისი ფილტრები.

მინიშნება: მაქსიმალურად მეტი ვარიანტი რომ იპოვოთ, გირჩევთ, ადაპტირებულობის კუთხით ყველაზე პრიორიტეტულ პირობები აირჩიოთ, შემდეგ კი გაეცნოთ თითოეულ განცხადებას, რომ შეამოწმოთ, რამდენად აკმაყოფილებს საცხოვრებელი თქვენს ყველა საჭიროებას.

ძიების შედეგებში აისახება საცხოვრებლები, რომლებშიც დაგხვდებათ ადაპტირებულობის კუთხით თქვენ მიერ არჩეული პირობები. აირჩიეთ თქვენთვის საინტერესო განცხადება, შემდეგ კი გაეცანით აღწერილობას, წინა სტუმრების მიერ დატოვებულ მიმოხილვებს ან საცხოვრებლის ფოტოებს.

გადადით ქვემოთ, რომ დაათვალიეროთ ადაპტირებულობის სექციაში თავმოყრილი ფოტოები.

თუ რაიმე გაინტერესებთ ან გაღელვებთ, მისწერეთ მასპინძელს და გაითვალისწინეთ ქვემოთ მოცემული რჩევები ან შეკითხვების მაგალითები.

• აუცილებლად შეატყობინეთ მასპინძელს, ზუსტად რამხელა უნდა იყოს:
  • საცხოვრებლის, საძინებლის და სააბაზანოს კარის ღიობის სიგანე
  • სივრცე საწოლთან
  • სივრცე სააბაზანოსთან
• არის თუ არა საფეხურები ძირითად სართულზე მდებარე საძინებლამდე ან სააბაზანომდე გზად?
• როგორია ბილიკი ქუჩიდან/ტროტუარიდან მთავარ შესასვლელამდე? არის თუ არა საფეხურები, ციცაბო აღმართები/დაღმართები, ხრეში და ა.შ.?
• შესაძლებელია თუ არა ავეჯის (ყავის მაგიდების/ტუმბოების, პუფების და ა.შ.) ადგილის შეცვლა, საცხოვრებელში გადასაადგილებლად მეტი სივრცე რომ იყოს?
• კარგად განათებულია თუ არა მთავარ შესასვლელამდე მიმავალი ბილიკი? მხედველობადაქვეითებული სტუმარი კარგად შეძლებს ორიენტირებას?
• გაქვთ თუ არა თქვენი გზამკვლევისა და წესების ციფრული ვერსია?

თუ ძიების ცოტა შედეგი იქნება, გაითვალისწინეთ, რომ ადაპტირებულობასთან დაკავშირებული ინფორმაციის მითითება მასპინძლებისთვის არასავალდებულოა. სცადეთ, შეასრულოთ ძიება ადაპტირებული პირობების ფილტრების გარეშე. იმ შემთხვევაშიც კი, თუ განცხადებაში არ იქნება მითითებული ადაპტირებული პირობები, ეს ავტომატურად არ ნიშნავს, რომ საცხოვრებელში ისინი რეალურად არ არსებობს. თუ საინტერესო ვარიანტს იპოვით, გირჩევთ, დაუკავშირდეთ მასპინძელს და მასთან დააზუსტოთ, რამდენად შეესაბამება საცხოვრებელი თქვენს საჭიროებებს.

განცხადების არჩევის შემდეგ გადადით ანგარიშსწორების გვერდზე.

ნაბიჯი 1: ანგარიშსწორების დროს აირჩიეთ „საქმიანი სტუმრობა“

საცხოვრებლის ჯავშანი სხვისთვის რომ გააფორმოთ, სტუმრობა საქმიანი უნდა იყოს.
აირჩიეთ ღილაკი „საქმიანი სტუმრობაა?“.

ნაბიჯი 2: დაჯავშნეთ საცხოვრებელი სხვისთვის

სტუმრობის კონკრეტული მსურველი რომ იპოვოთ, „საცხოვრებლის სხვისთვის დაჯავშნის“ სექციიდან აირჩიეთ „დამატება“.

ნაბიჯი 3: მოიძიეთ სტუმრობის მსურველი სახელის მიხედვით

გამოიყენეთ საძიებო ზოლი და იპოვეთ სტუმრობის მსურველი თქვენი ორგანიზაციის ფარგლებში სახელის ან ელფოსტის მისამართის მეშვეობით. თუ სტუმრობის მსურველის სახელი ან ელფოსტის მისამართი არ აისახება, ან ის არ ირიცხება თქვენს ორგანიზაციაში, აირჩიეთ „ახალი სტუმრის დამატება“.

ნაბიჯი 4: დაადასტურეთ სტუმარი

სტუმრობის მსურველის პოვნის ან დამატების შემდეგ აირჩიეთ „შენახვა“, ის ჯავშანს რომ დაემატოს.

ზოგიერთ შემთხვევაში, სტუმრობის მსურველს, შესაძლოა, დასჭირდეს Airbnb‑ზე პროფილის შევსება, ჯავშნის თავისი სახელით გაფორმების ნებართვის მოცემა ან Airbnb‑ზე ანგარიშის შექმნა. ნებისმიერ შემთხვევაში, შეგიძლიათ მშვიდად გააფორმოთ ჯავშანი, ჩვენ კი გაცნობებთ, თუ თქვენი ან სტუმრის მხრიდან დამატებით რაიმეა საჭირო.

ნაბიჯი 5: დაასრულეთ ჯავშნის გაფორმება

ჯავშანში სტუმრობის მსურველის მონაცემების მითითების შემდეგ დაასრულეთ მისი გაფორმება — ამისთვის აირჩიეთ „დადასტურება და გადახდა“.

ნაბიჯი 6: ჯავშნის დასტური

ზემოთ მოცემული ნაბიჯების შესრულების შემდეგ დამადასტურებელ შეტყობინებას მიიღებთ.

დასტური ელფოსტითაც მოგივათ.

თუ სტუმრის მხრიდან დამატებით რაიმეს შესრულება იქნება საჭირო, ჩვენ პერიოდულად მოგაწვდით უახლეს ინფორმაციას აღნიშნულთან დაკავშირებით, სტუმარს კი თავისი პროფილის შევსებას ვთხოვთ.

გამარჯობა, <მასპინძლის_სახელი>!

იმედი მაქვს, თქვენკენ ყველაფერი კარგად არის.

ჯავშნების მენეჯერად ვმუშაობ და ვფიქრობ, თქვენ მიერ განთავსებული საცხოვრებელი შესანიშნავი ვარიანტი იქნებოდა ჩვენი VIP‑სტუმრისთვის.
გთხოვთ, რამდენიმე დეტალი დამიზუსტოთ:

ახლომახლო მშენებლობა ხომ არ მიმდინარეობს? შეაწუხებს თუ არა ხმაური სტუმარს?

საცხოვრებლიდან რა მანძილზეა <ადგილი, რომლის მონახულებასაც სტუმარი ხშირად გეგმავს>?

<სტუმრის ინდივიდუალურ მოთხოვნებთან დაკავშირებული შეკითხვები — მაგალითად: არის თუ არა სამზარეულოში აუცილებელი მინიმუმი, დაიშვებიან თუ არა შინაური ცხოველები, შესაძლებელია თუ არა დამოუკიდებლად დაბინავება და ა.შ.>

თუ რაიმე შეკითხვა გაქვთ, სიამოვნებით გიპასუხებთ.

პატივისცემით,

ჯავშნების მენეჯერი