რესურსები ადმინისტრატორებისთვის

ნაბიჯი 1: მართვის პანელზე წვდომა

მართვის პანელზე წვდომა შეგიძლიათ Airbnb‑ზე თქვენს ანგარიშში შესვლის მეშვეობით. ზედა მარჯვენა კუთხეში აირჩიეთ თქვენი პროფილის ფოტო, შემდეგ კი — Airbnb for Work. აირჩიეთ მართვის პანელზე გადასვლა.

ნაბიჯი 2: მართვის პანელის გამოყენება

Airbnb for Work‑ის მართვის პანელი დაყოფილია 6 ჩანართად: სტუმრობები, ანგარიშგება, ინვოისები, ადამიანები, პარამეტრები და გაფრთხილებები.

სტუმრობები
„სტუმრობების“ ჩანართი გთავაზობთ თანამშრომლების ან სხვა უფლებამოსილი პირების მიერ დაჯავშნილი მიმდინარე, დადასტურებული და დასრულებული სტუმრობების მოკლე მიმოხილვას. თითოეული სტუმრობისთვის მოცემული იქნება სტუმრ(ებ)ის სახელ(ებ)ი, დანიშნულების ადგილი და შესაბამისი თარიღები.

ანგარიშგება
„ანგარიშგების“ ჩანართზე მოცემული იქნება ინფორმაცია თქვენი ორგანიზაციის მიერ დაჯავშნილი ღამეების რაოდენობის, დახარჯული თანხის ჯამური ოდენობისა და საშუალო დღიური ტარიფის შესახებ. ამავე ჩანართებიდან შეძლებთ ანგარიშების ჩამოტვირთვას CSV‑ფორმატით.

ინვოისები
გაეცანით თანამშრომლების ან სხვა უფლებამოსილი პირების მიერ დაჯავშნილი სტუმრობების ინვოისებს. თითოეულ ინვოისში მითითებული იქნება მისი ნომერი, თარიღი, გადახდის ბოლო ვადა და გადასახდელი თანხა.

ადამიანები
ეს სექცია საშუალებას გაძლევთ, იპოვოთ, დაამატოთ ან წაშალოთ თანამშრომლები ან სხვა უფლებამოსილი პირები თქვენი კომპანიის ანგარიშის ფარგლებში. ამას გარდა, შეგიძლიათ შექმნათ გუნდები და მათ გადახდის შესაბამისი მეთოდები დაუნიშნოთ.

პარამეტრები
ჩაასწორეთ ანგარიშში მითითებული ინფორმაცია, გადახდის მეთოდები, თანამშრომლებისთვის მინიჭებული წვდომა და გაფრთხილების პარამეტრები. დააკავშირეთ მართვის პანელი პროვაიდერებს ზრუნვის ვალდებულების სფეროში, ასევე, ჯავშნების ონლაინრეჟიმში გაფორმებისა და მათი მართვის ხელსაწყოებსა თუ ინტეგრაციებს.
„თანამშრომელთა წვდომის“ ჩანართი საშუალებას გაძლევთ, მიუთითოთ კომპანიის ელფოსტის დამატებითი დომენები, რომლებსაც თქვენი თანამშრომლები იყენებენ.
როგორც თქვენი კომპანიის ადმინისტრატორს, მთელი კომპანიისთვის შეგიძლიათ გადახდის ერთი მეთოდი განსაზღვროთ, რის შემდეგაც თანამშრომლები თავიანთ სტუმრობებთან დაკავშირებულ ხარჯებს კომპანიის საზიარო საკრედიტო ბარათის მეშვეობით გადაიხდიან. ალტერნატივის სახით, შეგიძლიათ კონკრეტული გუნდებისთვის განკუთვნილი გადახდის მეთოდები დაამატოთ, რომ სხვადასხვა გუნდმა გადახდის განსხვავებული მეთოდებით ისარგებლოს.

გაფრთხილებები
გაეცანით თანამშრომელთა ანგარიშების სტატუსებს, მოთხოვნებს როლის ცვლილების თაობაზე და ახალ მოთხოვნებს გუნდებისგან.

მართვის საშუალებების დაყენება

ნაბიჯი 1: შედით სისტემაში

შედით სისტემაში მისამართიდან airbnb.com, შემდეგ კი აირჩიეთ თქვენი პროფილის ფოტო ზედა მარჯვენა ნაწილში. ამის შემდეგ აირჩიეთ „კომპანიის მართვის პანელი“. კომპანიის მართვის პანელიდან გადადით „დაჯავშნის წესების“ ჩანართზე.

ნაბიჯი 2: გაააქტიურეთ გაფრთხილებები სტუმრობის წესებთან დაკავშირებით

აირჩიეთ, რა ტიპის სტუმრობებთან დაკავშირებით გსურთ გაფრთხილებების გააქტიურება. არჩევანის გაკეთების შემდეგ ელფოსტით გაგაფრთხილებთ ხოლმე, თუ სტუმარი დაჯავშნის საცხოვრებელს, რომელიც სრულად არ შეესაბამება წინასწარ განსაზღვრულ პარამეტრებს. მაგალითად, თუ არჩეული გექნებათ მხოლოდ „საცხოვრებელი მთლიანად“ და „სასტუმროს ნომერი“, თქვენ მიიღებთ გაფრთხილებას, როცა სტუმარი დაჯავშნის ცალკე ან საზიარო ოთახს. გაფრთხილებას ჯავშნის გაფორმების მომენტში მიიღებთ.

გაითვალისწინეთ, რომ სტუმრობის მსურველი ჯავშნის გაფორმებას განსაზღვრული პარამეტრების მიუხედავად შეძლებს.

ელფოსტით მიღებული გაფრთხილებიდან საშუალება გექნებათ, გაეცნოთ სტუმრობის გეგმას, საჭიროების შემთხვევაში კი — გააუქმოთ ჯავშანი.