მრჩეველ მასპინძელთა საბჭო
მრჩეველ მასპინძელთა საბჭოს დახმარებით გაერთიანების თითოეული წევრს შეუძლია საკუთარი წვლილის შეტანა Airbnb‑ს განვითარებაში.
გაიცანით წევრები
ეს 23 მასპინძელი გაერთიანების საუკეთესო და სანიმუშო წარმომადგენელია. ისინი არიან გაერთიანების ლიდერები, ბრენდის ელჩი სუპერმასპინძლები, გაერთიანების ცენტრების წევრები ან Airbnb‑ს სხვა საზოგადოებრივი პროგრამების აქტიური მონაწილეები. მასპინძლობა მათი გატაცებაა. მათ მნიშვნელოვანი წვლილი მიუძღვით Airbnb‑ს გაერთიანების განვითარებაში — მათი ხმა ფასეულია ჩვენი პლატფორმის მომავლისთვის.
Dandara Buarque
ბრაზილიის ქალაქ მასეიოში ვცხოვრობ — იქ ადგილობრივი გაერთიანების ლიდერი და ბრენდის ელჩი სუპერმასპინძელი ვარ. Airbnb ჩემი უდიდესი გატაცებაა, რადგან ბევრი საინტერესო ადამიანისა და სხვადასხვა კულტურის გაცნობის საშუალება მეძლევა.
Dolly Duran
მასპინძლობა 2017 წელს დავიწყე, როცა ფლორიდაში მდებარე ჩემი პატარა სტუდიო განვათავსე Airbnb‑ზე, იპოთეკა რომ გადამეხადა. ახლა რამდენიმე ობიექტს ვმართავ და ახალბედებსაც ვეხმარები ბრენდის ელჩი სუპერმასპინძლის სტატუსით.
Rachel Melland
თითქმის ათი წელი გავიდა მას შემდეგ, რაც ინგლისში, პიკ‑დისტრიქტის ეროვნულ პარკში მდებარე ჩვენს ფერმაზე სტუმრებისთვის იურტების შეთავაზება დავიწყე, თუმცა ძველებურად მიყვარს ეს საქმე. ამას გარდა, ბრენდის ელჩი სუპერმასპინძელიც ვარ.
José Manuel Esquivel Ramírez
რამდენიმე წლის წინ ესპანეთის ქალაქ ხერესში სახლი გავარემონტე და მასპინძლობა მაშინ გადავწყვიტე. ახლა უკვე გაერთიანების ლიდერი ვარ და სხვა მასპინძლების საცხოვრებლების დიზაინზე ვზრუნავ, რითაც ადგილობრივი ეკონომიკისა და ეკოლოგიური მდგრადობის განვითარებას ვუწყობ ხელს.
პროფილის ჩვენება
Jue Murugu (Juliette)
მასპინძლობით 2015 წლიდან ვარ გატაცებული! ნაირობიში გაერთიანების ლიდერი და ბრენდის ელჩი სუპერმასპინძელი ვარ. ძალიან მახარებს, როცა ადამიანები, რომლებსაც დავეხმარებივარ, სუპერმასპინძლები ხდებიან.
პროფილის ჩვენება
Katie Mead
მასპინძლობის გასაოცარ სამყაროში ფეხი 2014 წელს შევაბიჯე. ბრენდის ელჩი სუპერმასპინძლისა და გაერთიანების ლიდერის სტატუსით არაერთ ადგილობრივ მასპინძელს დავეხმარე და უფრო გონივრული რეგულაციების შემუშავებასაც შევუწყვე ხელი კალიფორნიაში, ლეიკ‑ეროუჰედში.
პროფილის ჩვენება
Keshav Aggarwal
2019 წელს გადავწყვიტე, რომ დაინტერესებული პირებისთვის, Airbnb შთაბეჭდილებების ფარგლებში, ინდოეთის დედაქალაქ ნიუ‑დელის ქუჩის ხელოვნება გამეცნო, ახლახან კი სტუმრებისთვის უნიკალური, მიწის სახლების შეთავაზება დავიწყე. ონლაინშთაბეჭდილებების მასპინძლების საერთაშორისო გაერთიანების ერთ‑ერთი ლიდერი ვარ და ძალიან მსიამოვნებს, რომ კულტურული კავშირების განმტკიცებაში შემაქვს წვლილი.
პროფილის ჩვენება
Mauricio Bernal Cruz
მექსიკელობა და გაერთიანების ლიდერობა ძალიან მეამაყება და უზომოდ ვაფასებ ჩემს საცხოვრებელ ადგილს, ამიტომ სხვებსაც ვეხმარები, იპოვონ ადგილი, სადაც თავს შინაურად იგრძნობენ. Airbnb‑ს მეშვეობით 2019 წლიდან ვმასპინძლობ.
პროფილის ჩვენება
Rie Matsumura
მეამაყება, რომ 2016 წლიდან იაპონიაში, ოკინავის კუნძულზე, სხვადასხვა კულტურის უამრავ წარმომადგენელს ვუმასპინძლე. გაერთიანების ლიდერი თავიდანვე ვიყავი და ხელს ვუწყობდი მასპინძლობის კუთხით შესაძლებლობების განვითარებას ჩვენს კუნძულზე.
პროფილის ჩვენება
Sarah Huang (Yang-Fen)
მასპინძლობა 2016 წელს, ავსტრალიის ქალაქ ადელაიდაში დავიწყე. ამჟამად ბრენდის ელჩი სუპერმასპინძელი და გაერთიანების ლიდერი ვარ ჩემივე არაოფიციალური Airbnb დევიზით, რომელიც სხვებისგან სწავლას, სხვებისთვის ცოდნის გაზიარებას და სხვების სამსახურში ყოფნას მოიაზრებს.
პროფილის ჩვენება
Tatiya Uttarathiyang
ტაილანდში გაერთიანების ლიდერი ვარ და ძალიან მომწონს ის, თუ როგორ ახერხებს Airbnb, გაგრძნობინოს, რამდენად პატარაა სამყარო. მასპინძლობა 2013 წელს დავიწყე, ჰობის დონეზე, ახლა კი მთელ დროს ვუთმობ მასპინძლობასა და თანამასპინძლობას როგორც საცხოვრებლების, ისე შთაბეჭდილებების შემთხვევაში.
პროფილის ჩვენება
Marielle Térouinard
მასპინძლობა მთელი სამყაროს კარს გიღებს და ჩემთვის ეს ჯადოსნური შეგრძნებაა. Airbnb‑ს პლატფორმაზე 2013 წელს დავრეგისტრირდი პატარა სოფლიდან, რომელიც საფრანგეთის ქალაქ შარტრთან მდებარეობს. ამჟამად გაერთიანების ლიდერი ვარ და აქტიურად ვარ ჩართული მოხალისეობრივ საქმიანობაში.
პროფილის ჩვენება
Claudia Pattarini
მასპინძლობა 2015 წელს დავიწყე და მაშინვე, სხვა თანამოაზრეებთან ერთად, კომოს ტბაზე მასპინძელთა გაერთიანება შევქმენი. ჩემი პრინციპებია სოციალური ინტეგრაცია, ეკონომიკური ხელმისაწვდომობა და მასპინძლობისას გარემოზე ზრუნვა.
პროფილის ჩვენება
Daniel Chamillard
მასპინძლობა 2012 წელს დავიწყე. ძალიან მიყვარს ეს საქმე! ესპანეთში ბრენდის ელჩი სუპერმასპინძელი ვარ და ვთვლი, რომ მასპინძლობის კუთხით სხვების წახალისება და დახმარება ჩემი ვალდებულებაა.
პროფილის ჩვენება
Deirdre Gower
სტუმრებისთვის Airbnb შთაბეჭდილებების ფიზიკური მონაწილეობით შეთავაზება 2014 წელს დავიწყე, 2020 წელს კი ონლაინფორმატზეც გადავედი. გაერთიანების ლიდერი ვარ კეიპტაუნში და მოგზაურობისას ადაპტირებული გარემოს აუცილებლობას ვუჭერ მხარს.
პროფილის ჩვენება
Delphine Bresson
სტუმრებს 2020 წლიდან ვმასპინძლობ. ჩემ მიერ შეთავაზებული საცხოვრებელი მდებარეობს სოფელში, ფონტენბლოს ტყესთან ახლოს. ჩემი გაერთიანების ლიდერი ვარ და აქტიურად ვუწევ პოპულარიზაციას ეკოტურიზმს.
პროფილის ჩვენება
Felicity Stevens
უკვე 10 წელია, რაც სტუმრებს ვმასპინძლობ სიდნეის ერთ‑ერთ მომხიბვლელ უბანში. ჩემთვის მნიშვნელოვანია სათბური აირების გამოყოფის შემცირება, რესურსების შენარჩუნება და ნარჩენების შეზღუდვა.
პროფილის ჩვენება
Jennifer Schnier
მასპინძლობა 2018 წელს დავიწყე ჯორჯიან‑ბეი‑ბაიოსფერში, რომელიც კანადასა და მთელ მსოფლიოში ყველაზე დიდი არქიპელაგია მტკნარ წყალში. მიყვარს ეკომოგზაურობა და სიამოვნებით ვუზიარებ სტუმრებს ჩემს იდეებს.
პროფილის ჩვენება
Kirk Brown
2020 წელს მეგობარმა თანამასპინძლობა მთხოვა ატლანტაში და მალევე არა მხოლოდ კარგი შემოსავალი მივიღეთ, არამედ სუპერმასპინძლის სტატუსიც მოვიპოვეთ. ამას გარდა, პლატფორმაზე ახალბედა მასპინძლებს ვეხმარები.
პროფილის ჩვენება
Nadia Giordani
მასპინძლობა 2016 წელს დავიწყე, როცა ჩემი პირველი მიკროსახლი ავაშენე. ახლა სხვა საცხოვრებელს ვმართავ და გაერთიანების ლიდერი ვარ ატლანტაში.
პროფილის ჩვენება
Pauline Aughe
მასპინძლობა 2015 წელს გადავწყვიტე, როცა ჩემი მეუღლის მძიმე დაავადებისგან სამკურნალოდ თანხა დამჭირდა. მას შემდეგ მასპინძლობამ ჩემი მთელი ოჯახის ცხოვრება უკეთესობისკენ შეცვალა.
პროფილის ჩვენება
Ronaldo Monge
პუერტო‑რიკოში დავიბადე და გავიზარდე, მასპინძლობა კი 2015 წელს დავიწყე. მაშინ სტუმრებს თავისუფალ საძინებელს ვთავაზობდი ჩიკაგოში. ახლა მასპინძლების მომზადებაზე ვმუშაობ, ასევე, ვარ თანამასპინძელი და სუპერმასპინძელი, სტუმრებს კი 5 სხვადასხვა Airbnb შთაბეჭდილებას ვთავაზობ.
პროფილის ჩვენება
Yajaira Sosa
2015 წლამდეც, სანამ Airbnb‑ს მეშვეობით დავიწყებდი სტუმრების მიღებას, მასპინძლობაში დიდი გამოცდილება მქონდა. დომინიკელთა რესპუბლიკაში გაერთიანების ლიდერი ვარ და სხვა მასპინძლებთან ვთანამშრომლობ.
პროფილის ჩვენება
არა მხოლოდ სპეციალური ნიშანი
მრჩეველ მასპინძელთა საბჭო მასპინძლების გაერთიანების ჭრელი და მრავალფეროვანი წარმომადგენლობაა.
- მასპინძლობის 129‑წლიანი გამოცდილება ჯამში
- სხვადასხვა გენდერული, რასობრივი/ეთნიკური და სოციოეკონომიკური ჯგუფის, ასევე, სექსუალური ორიენტაციის, მრავალფეროვანი წარმომადგენლობა
- ცხოვრებისეული გამოცდილების სრული სპექტრი
- 15 ქვეყნის სხვადასხვა კულტურის წარმომადგენლები
- მხარდაჭერილია ისეთი უმნიშვნელოვანესი იდეები, როგორიცაა მდგრადი განვითარება, პიროვნული მრავალფეროვნება, ადაპტირებული გარემო და სხვა პრინციპები
ხშირად დასმული შეკითხვები
რა არის მრჩეველ მასპინძელთა საბჭოს მიზანი?
საბჭოს წევრები გვეხმარებიან მასპინძლებისთვის მოქმედი წესების, პროგრამებისა და პროდუქტების დახვეწაში. ის, ასევე, მონაწილეობას იღებს მასპინძელთა მხარდაჭერის ფონდიდან თანხების განაწილების პროცესში.
რა არის მოსალოდნელი მრჩეველ მასპინძელთა საბჭოსგან?
მრჩეველ მასპინძელთა საბჭო Airbnb‑ს ხელმძღვანელობას წარუდგენს მასპინძელთა ინტერესებს. მას მნიშვნელოვანი როლი აქვს ჩვენი პლატფორმის მომავლის ფორმირებაში.
რა პრინციპით დაკომპლექტდა მრჩეველ მასპინძელთა საბჭო?
ჩვენთვის მნიშვნელოვანი იყო კანდიდატების გამოცდილება, მასპინძლობის ხარისხი, ასევე, ადგილობრივ დონეზე შეტანილი წვლილის მოცულობა.