რას გულისხმობს მასპინძელთა კლუბები?

მასპინძელთა კლუბები აერთიანებს ადგილობრივ მასპინძლებს, რომელთაც საშუალება აქვთ, ვირტუალურ ან რეალურ სივრცეში დასვან შეკითხვები, გააზიარონ რჩევები, აღნიშნონ მიღწევები და ერთად განიხილონ მასპინძლობასთან დაკავშირებული სხვადასხვა საგულისხმო საკითხი.

რაც მთავარია, მასპინძელთა კლუბები არის საუკეთესო ადგილი მხარდაჭერის მისაღებად — მაგალითად, როცა რჩევა გჭირდებათ, ან, უბრალოდ, სხვა მასპინძლებთან გასაუბრება გსურთ.

კლუბები განკუთვნილია მხოლოდ მასპინძლებისთვის. თითოეულ ჯგუფს უძღვებიან მოხალისე მასპინძლები, რომლებსაც გაერთიანების ლიდერები ეწოდებათ. ისინი იწყებენ დისკუსიებს, ასევე, ორგანიზებას უწევენ შეკრებებსა და სხვადასხვა მოხალისეობრივ ინიციატივას. ზოგიერთი შეკრება ფიზიკური მონაწილეობით იგეგმება, ზოგი კი — ვირტუალურად.

Airbnb‑ს ხელთ არსებული მონაცემების მიხედვით, მასპინძელთა კლუბების წევრები, ხშირ შემთხვევაში, სხვა მასპინძლებზე მეტ შემოსავალს იღებენ და სუპერმასპინძლის სტატუსის მოპოვების უფრო დიდი შანსი აქვთ.*

თითოეული კლუბის მიზანია, მასპინძლებს ჰქონდეთ წინასწარგანწყობებისგან თავისუფალი სივრცე, სადაც ისინი მიიღებენ მხარდაჭერასა და სასარგებლო ინფორმაციას. კერძოდ, მასპინძლებს შეეძლებათ:

• ბიზნესის თავდაჯერებულად განვითარება;
• შეკითხვების დასმა და რჩევების გაზიარება;
• Airbnb‑ს სიახლეებისა და რესურსების გაცნობა;
• წარმატებების აღნიშვნა და დაბრკოლებების დაძლევა;
• ფიზიკური მონაწილეობით ან ვირტუალურად შეკრება.

მასპინძელთა კლუბში გასაწევრიანებლად საკმარისია Airbnb‑ზე რეგისტრირებული ანგარიში, რომლის მეშვეობითაც განთავსებულია მოქმედი განცხადება საცხოვრებლის ან შთაბეჭდილების შესახებ.

გაწევრიანება მარტივია:

• შედით Airbnb‑ზე თქვენს ანგარიშში;
• იპოვეთ მასპინძელთა ადგილობრივი კლუბები თქვენი განცხადების ტიპისა და მასში მითითებული მდებარეობის მიხედვით;
• შეხებით აირჩიეთ ჯგუფში გაწევრიანება, შემდეგ კი დაეთანხმეთ საყოველთაო მითითებებს.

თუ თქვენს რეგიონში კლუბები არ აღმოჩნდება, საშუალება გექნებათ, მოითხოვოთ გაფრთხილების მიღება, როცა ისინი გამოჩნდება.

* ეფუძნება Airbnb‑ს გლობალურ მონაცემებს საცხოვრებლების მასპინძლების შესახებ 2025 წლის ივნისის მდგომარეობით. შემოსავალი არ არის გარანტირებული და ის დამოკიდებულია რამდენიმე ფაქტორზე, მათ შორის, დასაჯავშნად ხელმისაწვდომობაზე, ფასსა და ადგილობრივ დონეზე არსებულ მოთხოვნაზე.

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.