რჩევები, თუ როგორ აიცილოთ პროგნოზირებადი გაუქმებები
ყველაზე მნიშვნელოვანი
მიიღეთ რჩევები კალენდრის მართვასა და გაახლებასთან დაკავშირებით
დააწესეთ სასურველი ფასი ერთ ღამეზე
გაიცანით თქვენი სტუმრები
დაჯავშნის შემდეგ სტუმარმა იცის, რომ წინ სასიამოვნო მომენტები ელის — უკვე წარმოიდგენს, როგორ ეფლობა ფეხის თითებით თბილ ქვიშაში ან რას განიცდის უცნობ ქალაქში სეირნობისას. სწორედ ამიტომ, ჯავშნის გაუქმების შემთხვევაში სტუმრები გულდაწყვეტილი რჩებიან, მასპინძელი კი ნდობას კარგავს და, შესაძლოა დაჯარიმდეს კიდეც.
მასპინძლები არაჩვეულებრივად ართმევენ თავს ჯავშნების მართვის საქმეს და მაქსიმალურად ზრუნავენ სტუმრების ყოველდღიურ საჭიროებებზე. გაეცანით რამდენიმე რჩევას ისეთი შემთხვევებისთვის, რომელთა თავიან არიდებაც შესაძლებელია.
კალენდრის რეგულარული გაახლება
ომარი, სუპერმასპინძელი მეხიკოდან, გვირჩევს ყველაფერი მოგზაურობის ტენდენციების მიხედვით დავგეგმოთ. „მოკლე, საშუალო ან ხანგრძლივი ვადით მასპინძლობისთვის ხელმისაწვდომობა რომ წინასწარ განსაზღვროთ, გაითვალისწინეთ ადგილობრივი სამოგზაურო ტენდენციები და სეზონურობა (პიკის და მაღალი/დაბალი მოთხოვნის სეზონები),“ — აღნიშნავს ის.
- დაბლოკეთ კონკრეტული თარიღები, რომლებშიც ვერ ახერხებთ მასპინძლობას.
- განსაზღვრეთ საჭირო მინიმალური დრო დაბინავებამდე.
- მაქსიმუმ ორი წლით ადრე მოამზადეთ კალენდარი.
- რეგულარულად შეამოწმეთ კალენდარი და შეიტანეთ საჭირო ცვლილებები.
კალენდრისა და დაჯავშნის სათანადო პარამეტრების არჩევა
მომენტალური დაჯავშნა დროისა და ენერგიის დაზოგვის შესანიშნავი საშუალებაა, თუ, რა თქმა უნდა, მუდმივად აახლებთ კალენდარსა და პარამეტრებს.
- დაასინქრონეთ Airbnb კალენდარი თქვენს ძირითად კალენდართან (მაგალითად, iCal‑თან ან Google‑თან).
- მომენტალური დაჯავშნის ფუნქცია ეფექტურად რომ გამოიყენოთ, საჭიროა კალენდრის დროული განახლება.
- თუ კალენდარი განახლებული არ გექნებათ, შესაძლოა, ორმაგი ჯავშნები მიიღოთ, ან არასასურველი თარიღები დაგეჯავშნოთ, ამ ჯავშნების გაუქმების გამო კი — გადასახადი დაგეკისროთ.
სასურველი ფასის დაწესება
საფასო პოლიტიკის შემუშავებისას მთავარია, მოიფიქროთ როგორც თქვენთვის, ისე სტუმრებისთვის მომგებიანი ვარიანტი.
- დააწესეთ ინდივიდუალური ფასი კონკრეტულ ღამეებზე, კვირებსა თუ თვეებზე.
- გამოიკვლიეთ თქვენს რეგიონში მსგავსი საცხოვრებლებისთვის დაწესებული ფასები ერთ ღამეზე.
- საქმის გასამარტივებლად გაააქტიურეთ გონივრული ფასწარმოქმნა.
პოტენციური სტუმრების გაცნობა
სტუმრებთან მუდმივი კომუნიკაცია მნიშვნელოვანია, მიმოწერის ხელსაწყოები კი ამ საქმეს გაგიმარტივებთ.
- თუ სტუმრობის მსურველის უკეთ გაცნობა გსურთ, გადახედეთ მისთვის დატოვებულ მიმოხილვებს.
- სტუმრობის მსურველებისგან დამატებითი ინფორმაციის მისაღებად შეგიძლიათ ყველას ერთი და იგივე მზა პასუხები დაუგზავნოთ.
- უბრალოდ, ჰკითხეთ სტუმრებს, რა სჭირდებათ იმისთვის, რომ თქვენ მიერ შეთავაზებულ საცხოვრებელში თავი კომფორტულად და შინაურულად იგრძნონ.
- გაუგზავნეთ წინასწარი დასტური სტუმრებს, რომლებიც დაჯავშნამდე გიკავშირდებიან და მისწერეთ მეგობრულად. სტუმრები დაჯავშნამდე ზოგჯერ იმისთვის მიმართავენ მასპინძლებს, რომ გაარკვიონ, რამდენად თბილად დახვდება მასპინძელი.
უპირველესად, გახსოვდეთ ჩვენი ანტიდისკრიმინაციული პოლიტიკა. სტუმრების მიმართ მიუკერძოებლობისა და პატივისცემის გამოჩენა ყველა Airbnb მასპინძლისთვის სავალდებულოა.
ყველაზე მნიშვნელოვანი
მიიღეთ რჩევები კალენდრის მართვასა და გაახლებასთან დაკავშირებით
დააწესეთ სასურველი ფასი ერთ ღამეზე
გაიცანით თქვენი სტუმრები