Airbnb‑ს მიერ მასპინძლების დაცვა

თქვენ დაცული იქნებით ჩვენი წესების შესაბამისად — მთავარია, კომუნიკაცია, ჯავშნების გაფორმება და ფულადი ანგარიშსწორება Airbnb‑ს მეშვეობით აწარმოოთ.

„AirCover მასპინძლებისთვის“ გთავაზობთ უფასო კომპლექსურ დაცვას ყოველი მასპინძლობისას. მასში შედის:

• მასპინძელთა ზარალისგან დაცვა 3 მილიონი აშშ დოლარის ფარგლებში — მაგალითად, დაცულია ფასეული ნივთები, პარკირებული ავტომობილები და გემები;
• საცხოვრებლის შეთავაზებისას წარმოშობილი პასუხისმგებლობის დაზღვევა 1 მილიონი აშშ დოლარის ფარგლებში;
• სტუმრების ვინაობის დადასტურება;
• ჯავშნის გამფორმებელი სტუმრების ბიოგრაფიული მონაცემების შემოწმება (თუ აღნიშნული დაშვებულია მოქმედი კანონმდებლობით);
• ჯავშნების შემოწმების საკუთარი ტექნოლოგია, რომელიც ხელს უწყობს როგორც სხვების შემაწუხებელი წვეულებების გამართვის, ისე მატერიალური ზიანის რისკის შემცირებას.

Airbnb‑ს მეშვეობით ჯავშნის გაფორმების ყველა მსურველი უნდა დაეთანხმოს ძირითადი წესების დაცვას. კერძოდ, მათ მოეთხოვებათ:

• გაუფრთხილდნენ საცხოვრებელს მათი საკუთარივით. სტუმრებმა საცხოვრებელი უნდა დატოვონ ისეთ მდგომარეობაში, რომელიც არ საჭიროებს საგულდაგულო დასუფთავებას. ამას გარდა, მათ უნდა შეასრულონ მითითებები ნაგავთან ან დაუზიანებლობასთან დაკავშირებით (ასეთის არსებობის შემთხვევაში).
• დაიცვან სახლის წესები. აღნიშნულში, მაგალითად, იგულისხმება სტუმრების მაქსიმალური რაოდენობის, შესვლისა და გასვლის საათების, ასევე, სიმშვიდის საათების დაცვა.

თუ რომელიმე სტუმარი დაარღვევს ამ წესებს, შეგიძლიათ დაუკავშირდეთ Airbnb‑ს მხარდაჭერის გუნდს, პარალელურად კი აღნიშნოთ მომხდარის შესახებ სტუმრისთვის დატოვებულ მიმოხილვაში. იმ სტუმრების ანგარიშებს, რომლებიც რეგულარულად არღვევენ სახლის წესებს, შესაძლოა, შეუჩერდეს მოქმედება ან ისინი წაიშალოს Airbnb‑ს პლატფორმიდან.

Airbnb‑ს ძირითადი წესების მიხედვით, სტუმრებმა აუცილებლად უნდა დაიცვან სახლის წესები, რომელთა სახითაც შეგიძლიათ წინასწარ განუმარტოთ სტუმრობის მსურველებს, რას მოელით მათგან. სახლის წესების დადგენა შესაძლებელია შემდეგ საკითხებთან დაკავშირებით:

• შინაური ცხოველები;
• ღონისძიებები;
• მოწევა, ვეიპინგი და ელექტროსიგარეტები;
• სიმშვიდის საათები;
• შესვლისა და გასვლის საათები;
• სტუმრების მაქსიმალური რაოდენობა;
• კომერციული ფოტო‑ და ვიდეოგადაღება.

საჭიროებისამებრ, შეგიძლიათ აღნიშნოთ მოთხოვნები, რომლებიც კონკრეტულად თქვენ მიერ განთავსებულ საცხოვრებელს ეხება. მთავარია, ისინი იყოს გონივრული და არ ეწინააღმდეგებოდეს Airbnb‑ს წესებს. მაგალითად, შესაძლებელია სტუმრებისთვის კონდიციონერის გამორთვის თხოვნა საცხოვრებლიდან გასვლამდე.

სტუმრებს ვთხოვთ, შეავსონ თავიანთი პროფილი. კერძოდ, დაამატონ ფოტო და გარკვეული პერსონალური ცნობები, რომლებიც მათ უკვეთ გაცნობაში დაგეხმარებათ.

• სტუმართა მიმოხილვები რეალურ გამოცდილებას ეფუძნება. მასპინძლებსა და სტუმრებს ერთმანეთის მიმოხილვა მხოლოდ სტუმრობის დასრულების შემდეგ შეუძლიათ.
• გადაწყვიტეთ, როგორ გსურთ, რომ სტუმრობის მსურველებმა გააფორმონ ჯავშნები. მომენტალური დაჯავშნის შემთხვევაში საშუალება გაქვთ, ჯავშნების მყისიერად გაფორმების შესაძლებლობა მისცეთ მხოლოდ მათ, ვისაც მინიმუმ ერთი სტუმრობა ჰქონდა ინციდენტებისა თუ უარყოფითი შეფასებების გარეშე. სურვილისამებრ, დაჯავშნის თითოეული მოთხოვნის განხილვა შეგიძლიათ, სანამ მას დააკმაყოფილებდეთ.
• კონტროლი თქვენს ხელთაა. თუ გექნებათ საფუძვლიანი ეჭვი, რომ სტუმარი წვეულების გამართვას აპირებს, მისთვის ჯავშნის გაუქმებას ნებისმიერ დროს შეძლებთ (მთავარია, დაიცვათ მასპინძლების მხრიდან გაუქმების წესები). თუ სტუმრობის რომელიმე მოთხოვნა დისკომფორტს შეგიქმნით, შეგიძლიათ მისი უარყოფა Airbnb‑ს ანტიდისკრიმინაციული პოლიტიკის დაცვით.

Airbnb‑სგან მხარდაჭერის მიღება შესაძლებელია ყოველდღე, 24 საათის განმავლობაში და 60‑ზე მეტ ენაზე. კერძოდ:

• სატელეფონო ზარის ან მიმოწერის მეშვეობით. თუ საკითხი სასწრაფოა, დაგვირეკეთ. თუ ის არასასწრაფოა (მაგალითად, როცა კალენდრის ან ფასების ჩასწორება გჭირდებათ), მოგვწერეთ შეტყობინება.
• უსაფრთხოების სადღეღამისო სამსახურის მეშვეობით. თუ ოდესმე თავს უსაფრთხოდ ვერ იგრძნობთ, Airbnb‑ს აპში ღილაკზე ერთი შეხებით შეძლებთ საგანგებოდ მომზადებულ სპეციალისტებთან დაკავშირებას.
• სუპერმასპინძელთა მხარდაჭერის სპეციალიზებული გუნდის მეშვეობით. სუპერმასპინძლები, რომლებიც Airbnb‑ს დაუკავშირდებიან, ავტომატურად გადამისამართდებიან ერთ‑ერთ ექსპერტთან.

პროგრამის „AirCover მასპინძლებისთვის“ ფარგლებში მასპინძელთა ზარალისგან დაცვა, საცხოვრებლის შეთავაზებისას წარმოშობილი პასუხისმგებლობის დაზღვევა და შთაბეჭდილებისა და მომსახურებების შეთავაზებისას წარმოშობილი პასუხისმგებლობის დაზღვევა არ მოქმედებს Airbnb Travel LLC‑თი სარგებლობის შემთხვევაში, ასევე, არ ეხება იაპონიაში მოღვაწე მასპინძლებს (მათზე ვრცელდება იაპონიაში მასპინძელთა დაზღვევა და იაპონიაში შთაბეჭდილებების დაზღვევა). დაფარვის ყველა ლიმიტი მითითებულია აშშ დოლარში.

საცხოვრებლისა თუ შთაბეჭდილებისა და მომსახურების შეთავაზებისას წარმოშობილი პასუხისმგებლობის დაზღვევას უზრუნველყოფს გარე კომპანიები.

თუ სტუმრებს საცხოვრებლებს, შთაბეჭდილებებს ან მომსახურებებს გაერთიანებულ სამეფოში სთავაზობთ, საცხოვრებლისა თუ შთაბეჭდილებისა და მომსახურების შეთავაზებისას წარმოშობილი პასუხისმგებლობის სადაზღვევო პოლისებს უზრუნველყოფს Zurich Insurance Company Ltd. პოლისები უსასყიდლოდ მზადდება და ფორმდება გაერთიანებულ სამეფოში მოღვაწე მასპინძლებისთვის კომპანია Airbnb UK Services Limited‑ის მიერ, რომელიც კომპანია Aon UK Limited‑ის უფლებამოსილი წარმომადგენელია და რომლის საქმიანობაც კონტროლდება ფინანსური ზედამხედველობის სამმართველოს მიერ (Financial Conduct Authority, FCA). FCA‑ს რეესტრში Aon‑ის ნომერია 310451. აღნიშნულის გადასამოწმებლად შეგიძლიათ ეწვიოთ ფინანსური მომსახურების რეესტრის ვებსაიტს ან დაუკავშირდეთ FCA‑ს ნომერზე 0800 111 6768. პროგრამის „AirCover მასპინძლებისთვის“ ფარგლებში საცხოვრებლისა თუ შთაბეჭდილებისა და მომსახურების შეთავაზებისას წარმოშობილი პასუხისმგებლობის დაზღვევებს არეგულირებს FCA, ხოლო Airbnb UK Services Limited‑ის მიერ შემოთავაზებული სხვა პროდუქტები და სერვისები ზედამხედველობას არ ექვემდებარება. FPAFF609LC

თუ სტუმრებს ევროპის ეკონომიკურ ზონაში სთავაზობთ საცხოვრებელს, შთაბეჭდილებას ან მომსახურებას, საცხოვრებლის შეთავაზებისას წარმოშობილი პასუხისმგებლობის დაზღვევისა და შთაბეჭდილებისა და მომსახურების შეთავაზებისას წარმოშობილი პასუხისმგებლობის დაზღვევის პოლისების შემთხვევაში ანდერრაიტერს წარმოადგენს Zurich Insurance Europe AG, ესპანეთის ფილიალი, ხოლო ევროპის ეკონომიკურ ზონაში მასპინძლებისთვის მას უსასყიდლოდ უზრუნველყოფს და აფორმებს Airbnb Spain Insurance Agency S.L.U. (ASIASL), დამოუკიდებელი სადაზღვევო სააგენტო, რომელსაც ზედამხედველობას უწევს ესპანეთის სადაზღვევო და საპენსიო ფონდების გენერალური დირექტორატი (DGSFP) და რომელიც DGSFP‑ს სადაზღვევო დისტრიბუტორების რეესტრში რეგისტრირებულია ნომრით AJ0364 ესპანეთში. რეგისტრაციის გადამოწმება შესაძლებელია DGSFP‑ს სადაზღვევო დისტრიბუტორების რეესტრში, ხოლო ASIASL‑ის შესახებ სრულ ინფორმაციას შეგიძლიათ გაეცნოთ აქედან.

მასპინძელთა ზარალისგან დაცვა არ არის დაზღვევა და არც კავშირშია საცხოვრებლის შეთავაზებისას წარმოშობილი პასუხისმგებლობის დაზღვევასთან. ვაშინგტონის შტატში განთავსებული განცხადებების შემთხვევაში, მასპინძელთა ზარალისგან დაცვის პროგრამის ფარგლებში Airbnb‑ს სახელშეკრულებო ვალდებულებებს ფარავს Airbnb‑ს მიერ შეძენილი სადაზღვევო პოლისი. მასპინძლებისთვის, რომელთა საცხოვრებელი ან იურიდიულ პირად რეგისტრაციის ქვეყანა არის იაპონიის ფარგლებს გარეთ, მოქმედებს მასპინძელთა ზარალისგან დაცვის აქ განმარტებული პირობები.

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.