ოპერატიული პასუხები „შეტყობინებების“ ჩანართიდან

სტუმრებისთვის პასუხის ოპერატიულად გაცემა, შესაძლოა, როგორც მეტი ჯავშნისა და დადებითი მიმოხილვების მიღებაში, ისე ძიების შედეგებში პოზიციის გაუმჯობესებაში დაგეხმაროთ. მიმოწერის უახლესი ფუნქციების გამოყენებით პასუხის გაცემას უფრო სწრაფად და მარტივად შეძლებთ.

გავრცელებულ შეკითხვებზე სტუმრები მიიღებენ პასუხებს ხელოვნური ინტელექტისგან, თქვენი განცხადების გვერდიდან ამოკრებილი მონაცემების საფუძველზე. აღნიშნული მოიცავს ინფორმაციას საყოფაცხოვრებო პირობების სიიდან, საცხოვრებლის აღწერილობიდან და სტუმრის ცნობარიდან.

ავტომატური პასუხები Airbnb‑ს სახელით იგზავნება და მათი ნახვა შეგიძლიათ როგორც თქვენ, ისე სტუმრებს. პასუხის წაშლა და განსხვავებული შეტყობინების გაგზავნა ნებისმიერ დროს შეგიძლიათ.

მაგალითად, თუ სტუმარი პარკირების შესახებ დაგისვამთ შეკითხვას, ავტომატური პასუხი, შესაძლოა, იყოს: „ამ საცხოვრებლის შემთხვევაში ხელმისაწვდომია უფასო საპარკინგე ადგილი როგორც ქუჩაში, ისე შიდა ტერიტორიაზე. დეტალურ ინფორმაციას საყოფაცხოვრებო პირობების სექციაში იპოვით“.

„შეტყობინებების“ ჩანართი ხელოვნურ ინტელექტს იყენებს, რომ შემოგთავაზოთ მოქმედებები სტუმრების შეტყობინებების საფუძველზე. თითოეული შემოთავაზება მოიცავს ინტერაქტიურ ბარათს, რომელიც საშუალებას გაძლევთ, დაიწყოთ მნიშვნელოვანი ამოცანების შესრულება, მაგალითად, შეცვალოთ ჯავშნები და გააგზავნოთ სპეცშეთავაზებები მიმოწერიდან გაუსვლელად.

მაგალითად, თუ სტუმარი გკითხავთ, შეუძლია თუ არა ერთი დღით ადრე დაბინავება, მიმოწერაში გამოჩნდება შემოთავაზება შესაბამის ჯავშანში ცვლილების შეტანასთან დაკავშირებით. თარიღების შესაცვლელად შეეხეთ ბარათს და გაუგზავნეთ სტუმარს მოთხოვნა, რომ გადახედოს ახალ გეგმას.

დროის თვალსაზრისით ყველაზე მნიშვნელოვანი მიმოწერები შეტყობინებათა სიის სათავეში ექცევა. ამას გარდა, ახალი იარლიყები გამოყოფს საყურადღებო შეტყობინებებს, მაგალითად, დაჯავშნით დაინტერესებებსა და დაბინავებასთან დაკავშირებით დახმარების მოთხოვნებს.

თუ კონკრეტული მიმოწერა გაინტერესებთ, შეტყობინებებში ძიება კვლავაც შეგეძლებათ სახელების, სიტყვებისა თუ ცალკეული ფრაზების მითითებით. შედეგებს თქვენ მიერ გამოყენებული ფილტრების გათვალისწინებით მიიღებთ, რაც მიმოწერების უფრო სწრაფად პოვნაში შეგიწყობთ ხელს.

შეტყობინებებთან დაკავშირებული სიახლეები უახლოეს თვეებში გახდება ხელმისაწვდომი.

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.