სრულიად ახალი ანალიტიკური ინფორმაცია თქვენი განცხადებისადმი მეტი ყურადღების მისაპყრობად

წარმოგიდგენთ პერსონალიზებულ ანალიტიკურ ინფორმაციას, რომელიც დაგეხმარებათ, რომ თქვენი განცხადება ძიების შედეგებში უფრო ხშირად მოხვდეს, მეტი ჯავშანი მიიღოთ და უკეთესი მიმოხილვები გქონდეთ.

ფასებსა და ხელმისაწვდომობასთან დაკავშირებული ანალიტიკური ინფორმაცია დაგეხმარებათ შემოსავლის გაზრდასა და თქვენი განცხადებისადმი მეტი ყურადღების მიპყრობაში. ამ ულტრალოკალური საბაზრო მონაცემების მიღება მხოლოდ Airbnb‑სგან შეგიძლიათ. ჩვენ ვაკვირდებით ბოლო თვის ძიებებსა თუ ჯავშნებს თქვენს რეგიონში და გიგზავნით რჩევებს ამ მონაცემების გამოყენებით.

ანალიტიკურ ინფორმაციაში შემოთავაზებულია მოქმედებები, რომელთა შესრულებაც შეგიძლიათ სტუმრობის მსურველების დასაინტერესებლად, მაგალითად:

• სტუმრობის მსურველებისთვის ჯავშნების უფრო დიდი ხნით ადრე გაფორმების შესაძლებლობის მიცემა;
• სტუმრობამდე მინიმალური დროის შემცირება;
• ფასდაკლებების დაწესება;
• საბაზისო ფასის კორექტირება;
• სტუმრობისთვის ღამეების მინიმალური რაოდენობის შემცირება.

„ეს რჩევები განსაკუთრებით სასარგებლოა ჩემი ახალი განცხადებისთვის სხვა რეგიონში“, — აღნიშნავს ბრი, მრჩეველ მასპინძელთა საბჭოს წევრი ავსტრალიიდან, და დასძენს: გადაწყვეტილებებს ბევრად უფრო თავდაჯერებულად ვიღებ, როდესაც გარკვეული მაქვს ადგილობრივი მოთხოვნა, ძიების ტენდენციები და სტუმრების სურვილები“.

მიმოხილვებიდან მიღებული ანალიტიკური ინფორმაცია თქვენი სტუმრების გამოხმაურების საფუძველზე გაწვდით პრაქტიკულ რჩევებს, თუ რისი გაუმჯობესება შეგიძლიათ. ეს რჩევები Airbnb‑ს მონაცემებს ეფუძნება და მიზნად ისახავს მასპინძლების დახმარებას 5‑ვარსკვლავიანი მიმოხილვების მიღებაში.

მაგალითად, თუ სტუმარი აღნიშნავს, რომ სამზარეულო არ გამოიყურებოდა ისე, როგორც ფოტოებზე იყო აღბეჭდილი, შესაძლოა, მიიღოთ რჩევა ფოტოების განახლებასთან დაკავშირებით. თუ აღნიშნულია საცხოვრებელში შესვლასთან დაკავშირებული პრობლემა, შემოთავაზება, სავარაუდოდ, დაბინავების ინსტრუქციის ჩასწორებას შეეხება. ასეთი ანალიტიკური ინფორმაცია მომავალი სტუმრებისთვის სათანადო მოლოდინის შექმნასა და მათ სასიამოვნოდ გაოცებაში დაგეხმარებათ.

ფასებსა თუ ხელმისაწვდომობასთან დაკავშირებული და მიმოხილვებზე დაფუძნებული ანალიტიკური ინფორმაცია უკვე ხელმისაწვდომია. საშემოსავლო ანალიტიკურ ინფორმაციას წლის ბოლოსკენ შემოგთავაზებთ.

ფასები მითითებულია აშშ დოლარში. ხელსაწყოები და ფუნქციები, შესაძლოა, განსხვავდებოდეს მდებარეობის მიხედვით.

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.