ოპტიმალური ფასი ყოველი სეზონისთვის

ფასებისა და ხელმისაწვდომობის ოპტიმიზაცია დაგეხმარებათ მეტი ჯავშნისა და, შესაბამისად, შემოსავლის მიღებაში. ახალი პარამეტრები საშუალებას გაძლევთ, ცვალოთ ფასები სეზონის მიხედვით, შეავსოთ კალენდარი ბოლო წუთის ჯავშნებით და განიხილოთ ხელმისაწვდომი პერიოდის მიღმა არსებული თარიღების დაჯავშნის მოთხოვნები.

ფასების სეზონისა და არასეზონის მიხედვით კორექტირება დაგეხმარებათ კონკურენტუნარიანობის შენარჩუნებაში. ჩვენ გავაანალიზებთ თქვენს რეგიონში არსებულ მოთხოვნას, შემდეგ კი შემოგთავაზებთ სეზონურ ფასებს, რომლებიც ჯავშნების რაოდენობისა და შემოსავლის გაზრდაში შეგიწყობთ ხელს. ქვემოთ შეიტყობთ, კონკრეტულად რა გახდება თქვენთვის ხელმისაწვდომი ივლისიდან.

• ფასდადება მთელ წელიწადზე: ცვალეთ საბაზისო ფასი თვეების მიხედვით, მოთხოვნის სეზონური ტენდენციების გათვალისწინებით.
• კორექტირება შაბათ‑კვირებზე: განსაზღვრეთ ფიქსირებული პროცენტი, რომლითაც უნდა მოიმატოს ფასმა შაბათ‑კვირებზე (მაგალითად, +15%), შემდეგ კი გამოიყენეთ ის სხვადასხვა სეზონისთვის.

ფასების შემოთავაზებისას ჩვენ ვიხელმძღვანელებთ როგორც თქვენს რეგიონში განთავსებული მსგავსი განცხადებების შემთხვევაში დაფიქსირებული მოთხოვნით, ისე სხვა ფაქტორებით, მაგალითად, მდებარეობითა და საყოფაცხოვრებო პირობებით. ცვლილებების შეტანამდე ნებისმიერ დროს შეძლებთ, რუკაზე ნახოთ, მიმდინარე მომენტში რა ფასებია ახლომახლო განთავსებული მსგავსი განცხადებების შემთხვევაში, ასევე, ჩაასწოროთ ფასები, რომლებიც ჩვენ შემოგთავაზეთ.

დაუჯავშნელი ღამეების მოახლოებასთან ერთად კონკურენტუნარიანობა რომ შეინარჩუნოთ, ბოლო წუთს ხელმისაწვდომობისა და ფასების ჩასწორება შეგიძლიათ. ჩვენ შემოგთავაზებთ სხვადასხვა ხერხს, რომ თქვენი განცხადება ძიების მეტ შედეგში მოხვდეს, რაც ჯავშნების რაოდენობის გაზრდას შეუწყობს ხელს. ქვემოთ შეიტყობთ, კონკრეტულად რა გახდება თქვენთვის ხელმისაწვდომი აგვისტოდან.

• ღამეების მინიმალური რაოდენობა ბოლო წუთის ჯავშნების შემთხვევაში: დაუშვით შედარებით ხანმოკლე ჯავშნების გაფორმება, როცა დაბინავება 2 კვირაზე ნაკლებ დროში იგეგმება.
• ბოლო წუთის ფასდაკლებები: თანდათან გაზარდეთ ბოლო წუთის ფასდაკლებები სტუმრობის იმ მსურველებისთვის, რომლებიც ჯავშნებს დაგეგმილ დაბინავებამდე 8‑14, 2‑7 ან 0‑1 დღით ადრე აფორმებენ.

სურვილისამებრ, შეგიძლიათ როგორც ჩვენ მიერ შემოთავაზებული მნიშვნელობების განსაზღვრა ღამეების მინიმალური რაოდენობისა და ფასდაკლებებისთვის, ისე საკუთარი ვარიანტის მითითება.

თუ მომენტალური დაჯავშნით სარგებლობთ, ამიერიდან შეგიძლიათ განიხილოთ იმ თარიღების დაჯავშნის მოთხოვნებიც, რომლებიც თქვენ მიერ განსაზღვრული ხელმისაწვდომი პერიოდის მიღმაა. ეს დაგეხმარებათ დამატებითი შემოსავლის მიღებაში, რადგან ხელით შეძლებთ სტუმრობის იმ ჯავშნების დაკმაყოფილებას, რომლებიც შედარებით გვიან იგეგმება და გაწყობთ.

• გავრცობილი ხელმისაწვდომობა: სტუმრობის მსურველებს განცხადებები იმ თარიღების შემთხვევაშიც შეხვდებათ ძიების შედეგებში, რომლებიც განსაზღვრული ხელმისაწვდომი პერიოდის მიღმაა. უბრალოდ, მათ დასჭირდებათ დაჯავშნის მოთხოვნების გამოგზავნა, რომლებსაც 24 საათის განმავლობაში უნდა გამოეხმაუროთ.
• დაჯავშნის პარამეტრები: შეინარჩუნეთ მომენტალური დაჯავშნის პარამეტრები უცვლელად, რომ თქვენ მიერ განთავსებული საცხოვრებლის დაჯავშნა სტუმრობის მსურველებს კვლავ მყისიერად შეეძლოთ იმ პერიოდში, რომელიც დასაჯავშნად ხელმისაწვდომად გაქვთ განსაზღვრული.

გავრცობილი ხელმისაწვდომობის ფუნქციაზე უარის თქმას ნებისმიერ დროს შეძლებთ ხელმისაწვდომობის პარამეტრების ჩასწორების გზით.

ფასები მითითებულია აშშ დოლარში. ხელსაწყოები და ფუნქციები, შესაძლოა, განსხვავდებოდეს მდებარეობის მიხედვით.

ფასებსა და სხვა პარამეტრებს ყოველთვის თავად აკონტროლებთ. თქვენი შედეგები, შესაძლოა, განსხვავდებოდეს სხვა მასპინძლების შედეგებისგან.

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.