სახეცვლილი ჯავშნები

დაჯავშნის მოთხოვნებისა და ჯავშნის დეტალების მართვის პროცესი გამარტივდა. აი, რა დაგხვდებათ ჩანართში „დღეს“:

დაჯავშნის მოთხოვნებზე გამოხმაურება ასეთი იოლი არასდროს ყოფილა.

• მოთხოვნების განხილვა: მოთხოვნების სწრაფად განხილვაში დაგეხმარებათ ისეთი ცნობები, როგორიცაა ინფორმაცია თქვენი პოტენციური შემოსავლის შესახებ და სტუმრის შეფასება.
• მოთხოვნებზე დათანხმება: გამოხმაურების მაღალი სიხშირის შენარჩუნებაში დაგეხმარებათ როგორც „დათანხმებისა“ და „უარყოფის“ ღილაკები, ისე 24‑საათიანი უკუთვლის ტაიმერი.

უფრო მარტივად გასაგები დიზაინი დაგეხმარებათ, უფრო სწრაფად შეასრულოთ სტანდარტული ამოცანები.

• მიმოწერა: გამოიყენეთ „შეტყობინების“ ან „დარეკვის“ ღილაკი, რომ დაუკავშირდეთ სტუმრებს ისე, რომ არ დაგჭირდეთ „შეტყობინებების“ ჩანართში შესაბამისი მიმოწერის მოძებნა.
• შესვლისა და გასვლის საათები: ჩაასწორეთ სტუმრის შესვლისა და გასვლის საათები — ყველა ცვლილება, რომლებსაც დაეთანხმებით, ჯავშანში აისახება.
• მინაწერები: დაამატეთ ჯავშნის შესახებ სხვა მნიშვნელოვანი ცნობები პირად მინაწერებში თქვენთვის და თანამასპინძლებისთვის.
• შეხსენებები და გაფრთხილებები: მართეთ ცვლილებები და მოთხოვნები ჯავშნიდან. შესასრულებელი ამოცანების შესახებ გაფრთხილებებსაც მიიღებთ (მაგალითად, თუ გონიერი საკეტი გათიშულია).
• გაუქმების წესები: გაეცანით თანხის სრულად ან ნაწილობრივ დაბრუნებით ჯავშნების გაუქმების ბოლო ვადებს, რომლებიც დაწესებულია მომავალი სტუმრებისთვის.
• შემოსავლის დეტალიზაცია: მიიღეთ ჯავშნის დეტალიზებული ხედი ისეთი მონაცემებით, როგორიცაა სტუმრების მიერ გადასახდელი თანხა, მომსახურების გადასახადები, ოფიციალური მოსაკრებლები და თქვენი ანაზღაურება.

გაეცანით ჯავშნების სახეცვლილ სექციას.

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.