სამასპინძლო ხელსაწყოების გაცნობა

Airbnb‑ს აპის გამოყენებით მარტივად შეძლებთ სტუმრებისთვის საცხოვრებლის შეთავაზების საკითხის მართვასა და თქვენი ბიზნესის განვითარებას. როცა სისტემაში მასპინძლის სტატუსით იქნებით შესული, სამასპინძლო ხელსაწყოები წარმოდგენილი იქნება ქვემოთ ჩამოთვლილ 5 სხვადასხვა ჩანართში.

ჩანართი „დღეს“ აისახება აპის გახსნისთანავე. ჩანართიდან სწრაფად შეიტყობთ ცნობებს თითოეული ჯავშნის შესახებ, რაც დღის დაგეგმვასა და სათანადო მასპინძლობის გაწევაში დაგეხმარებათ.

• გადაერთეთ მიმდინარე და მომავალი ჯავშნების ხედებს შორის, რომ შეიტყოთ, ვის მასპინძლობთ და როდის.
• დაამატეთ ჯავშნებს პირადი მინაწერები, რომ მოგვიანებით გაიხსენოთ განსაკუთრებული თარიღები ან კონკრეტული თხოვნები.
• მიიღეთ სამოქმედო რჩევები თითოეულ ჯავშანთან დაკავშირებით — მაგალითად, როცა სტუმრების მოკითხვის ან მათი დატოვებული მიმოხილვის წაკითხვის დრო მოვა.

კალენდარი არის სივრცე, რომლიდანაც შეგიძლიათ ხელმისაწვდომობისა და ფასების შემოწმება თუ ჩასწორება.

• დაარეგულირეთ ხელმისაწვდომობისა და ფასების პარამეტრები — მაგალითად, სტუმრობის მინიმალური ხანგრძლივობები და ფასდაკლებები.
• განბლოკეთ დასაჯავშნად ხელმისაწვდომი თარიღები და დაბლოკეთ ის ღამეები, რომლებშიც ვერ ახერხებთ მასპინძლობას.
• იხილეთ საფასო რჩევები თითოეული ღამის ფასთან დაკავშირებით. ისინი ეფუძნება საცხოვრებლის მდებარეობას, საყოფაცხოვრებო პირობებს, თქვენ მიერ ადრე მიღებულ ჯავშნებს, უახლეს ფასებს თქვენს რეგიონში და სხვა ფაქტორებს.

„განცხადებების“ ჩანართი თქვენს განცხადებასთან დაკავშირებული სხვადასხვა მონაცემის მართვისთვისაა განკუთვნილი. ისარგებლეთ შემოთავაზებული ხელსაწყოებით, რომ მეტი ჯავშანი მიიღოთ, პარალელურად კი მაქსიმალურად ზუსტი და სრული წარმოდგენა შეუქმნათ სტუმრობის მსურველებს საცხოვრებელზე.

• განაახლეთ განცხადება — მაგალითად, დაამატეთ მას მაღალხარისხიანი ფოტოები ან დაბინავების დეტალური გზამკვლევი.
• ჩამოთვალეთ ყველა საყოფაცხოვრებო პირობა, რომლებიც ხელმისაწვდომია საცხოვრებელში (ადაპტირებული პირობების ჩათვლით).
• გადახედეთ თქვენს განცხადებას, რომ გაიგოთ, როგორ ხედავენ მას სტუმრობის მსურველები.

„შეტყობინებების“ ჩანართი დაგეხმარებათ სტუმრებთან კომუნიკაციაში როგორც სტუმრობამდე, ისე მისი მსვლელობისას და დასრულების შემდეგ.

• მარტივად გამოეხმაურეთ სტუმრებს: გამოიყენეთ მზა პასუხები — მორგებადი შაბლონები, რომელთა გაგზავნაც შეგიძლიათ დაუყოვნებლივ ან განრიგის მიხედვით, მნიშვნელოვან ეტაპებზე.
• გააზიარეთ ფოტოები, რომ წარუდგინოთ სხვებს თავი ან რაიმე მნიშვნელოვანზე გაამახვილოთ ყურადღება, ანდა ვიდეოები, რომ უფრო თვალსაჩინოდ აუხსნათ სტუმრებს საცხოვრებელთან დაკავშირებული ესა თუ ის ნიუანსი.
• გაეცანით დაჯავშნის მოთხოვნებს, რომელთაც დართული აქვს სტუმრობის თარიღები, სტუმრების რაოდენობა და სხვა შესაბამისი ინფორმაცია.
• ურჩიეთ სტუმრებს საუკეთესო ღირსშესანიშნავი ადგილები, აქტივობები და კვების ობიექტები ახლომახლო.

„მენიუ“ წვდომას განიჭებთ თქვენს შემოსავალზე, ანალიტიკასა და სხვადასხვა პარამეტრზე. ჩვენ შემოგთავაზებთ პერსონალურ რჩევებსა და საინფორმაციო რესურსებს, რომლებიც მასპინძლობის ბიზნესის განვითარებაში დაგეხმარებათ.

• გაარკვიეთ თქვენი შემოსავალი და მოამზადეთ ინდივიდუალური ანგარიშები შემოსავლის მართვის პანელიდან.
• გაეცანით სტუმრებისგან მიღებულ შეფასებებსა და მიმოხილვებს „ანალიტიკის“ სექციაში.
• მართეთ თქვენი ანგარიში და იპოვეთ სხვადასხვა სამასპინძლო რესურსი.

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.